வரலாற்றில் இன்று - மார்ச்

**விமந்தனி** · **விமந்தனி** Mon Feb 29, 2016 10:09 pm

First topic message reminder :

வரலாற்றில் இன்று - மார்ச் - Page 6 Jv2btdKrT4C4FWUpweNL+March-0

**விமந்தனி** · **விமந்தனி** Wed Mar 23, 2016 11:30 pm

வரலாற்றில் இன்று - மார்ச் - Page 6 5CFPG5NReaIyve1LApbf+March-24

1776 - முத்துசுவாமி தீட்சிதர், இசை மும்மூர்த்திகளில் ஒருவர் பிறந்த தினம் இன்று.

இவர் இராமசுவாமி தீட்சிதருக்கும் சுப்புலட்சுமி அம்மையாருக்கும் மகனாக 1776 ஆம் ஆண்டு மன்மத வருடம், பங்குனி மாதம், மார்ச்' 24 ஆம் நாள் கார்த்திகை நட்சத்திரத்தில் பிறந்தார்.

வைத்தீசுவரன்கோயில் முத்துகுமாரசாமி வரப்பிரசாதத்தால் குழந்தை பிறந்ததால் தீட்சிதருக்குப் பெற்றோர்கள் "முத்துசுவாமி" எனப்பெயர் சூட்டி வளர்த்து வந்தனர்.

முத்துசுவாமி தீட்சிதர் சிறு வயதிலேயே பக்திமானானார். தெலுங்கு, சமஸ்கிருதம், சங்கீதம் மூன்றையும் தன் தந்தையாரிடமே கற்றார். காவியம், நாடகம், அலங்காரம், வியாகரணம் முதலிய இலக்கணங்களையும் முறையாக கற்றார். தீட்சிதருக்கு சிறு வயதிலேயே திருமணம் ஆனது. அவருக்கு இரு மனைவிகள். முதல் மனைவிக்கு ஒரே பெண். அந்தப் பெண் சந்ததியே இன்றும் வழங்கி வருகிறது.

தீட்சிதருக்கும் அவரின் தந்தைக்கும் பல ஒற்றுமைகள் உண்டு. இருவரும் வேதம், மந்திரம், முதலான சாத்திரங்களில் வல்லவர்கள். இனிமையாக பாடுவதிலும், வீணை வாசிப்பதிலும் திறமையானவகள். சிறந்த சாகித்திய கர்த்தாக்கள். சிதம்பரநாத யோகியிடம் ஸ்ரீவித்யா மகாமந்த்ர தீட்சை பெற்றவர்கள். தீட்சிதர் சிதம்பரநாத யோகியிடம் ஸ்ரீவித்யா மகாமந்த்ர தீட்சை பெற்ற பின்னர் அவருடனே காசிக்குச் சென்று விசுவநாத தரிசனம் செய்தார்.

**krishnaamma** · **krishnaamma** Thu Mar 24, 2016 1:26 am

இவர் இராமசுவாமி தீட்சிதருக்கும் சுப்புலட்சுமி அம்மையாருக்கும் மகனாக 1776 ஆம் ஆண்டு மன்மத வருடம், பங்குனி மாதம், 24 ஆம் நாள் கார்த்திகை நட்சத்திரத்தில் பிறந்தார்.

விமந்தனி, மார்ச் 24 என்று இருக்கணும் தானே?..........பங்குனி 24 என்று போட்டிருக்கீங்க...இரண்டும் வேறு வேறாச்சே? புன்னகை

...............கொஞ்சம் பாருங்கோ !

**விமந்தனி** · **விமந்தனி** Thu Mar 24, 2016 11:50 pm

krishnaamma wrote:இவர் இராமசுவாமி தீட்சிதருக்கும் சுப்புலட்சுமி அம்மையாருக்கும் மகனாக 1776 ஆம் ஆண்டு மன்மத வருடம், பங்குனி மாதம், 24 ஆம் நாள் கார்த்திகை நட்சத்திரத்தில் பிறந்தார்.

விமந்தனி, மார்ச் 24 என்று இருக்கணும் தானே?..........பங்குனி 24 என்று போட்டிருக்கீங்க...இரண்டும் வேறு வேறாச்சே? ...............கொஞ்சம் பாருங்கோ !

பார்த்துட்டேன் கிருஷ்ணாம்மா... ஜாலி

.
.
.
.

வரலாற்றில் இன்று - மார்ச் - Page 6 1571444738

**விமந்தனி** · **விமந்தனி** Thu Mar 24, 2016 11:53 pm

வரலாற்றில் இன்று - மார்ச் 25

வரலாற்றில் இன்று - மார்ச் - Page 6 Pbc5JWoYTmlkZWVjckhw+286px-Map_of_USA_MD.svg

1634 - மேரிலாந்துக்கு முதலாவது குடியேறிகள் வந்தனர்.

மேரிலாந்து ஐக்கிய அமெரிக்க மாநிலங்களுள் ஒன்றாகும். ஐக்கிய அமெரிக்காவின் கிழக்குக் கடற்கரை பகுதியில் அமைந்துள்ளது.

இதன் தலைநகரம் அனாபொலிஸ். ஐக்கிய அமெரிக்காவில் 7 ஆவது மாநிலமாக 1788 இல் இணைந்தது.

பால்ட்டிமோர் இம்மாநிலத்தின் மிகப்பெரிய நகரம் ஆகும்.

**krishnaamma** · **krishnaamma** Fri Mar 25, 2016 1:36 am

விமந்தனி wrote:
krishnaamma wrote:நல்ல பகிர்வு ..................//டிசம்பர் 28, 1895 அன்று பாரிஸ் நகரில் தங்கள் திரைப்படங்களை முதன்முதலாகப் பொதுமக்கள் பார்வைக்குத் திரையிட்டனர். இதற்கு கட்டணமும் பெற்றுக் கொண்டனர்.//

ஸோ, முதல் ஷோவே துட்டு கொடுத்துத்தான் பார்த்திருக்காங்களா ?............என்ன ஏதுன்னு தெரியாமலே காசை கொடுத்து விட்டு வந்து உட்கார்ந்து இருப்பார்கள் தானே?
பாருங்க, அப்பவே என்ன ஏதுன்னு கூட தெரியாம, ஏதோ காட்டறாங்கன்ன உடனே காச குடுத்து போய் உட்காந்துட்டாங்க.....

....

**krishnaamma** · **krishnaamma** Fri Mar 25, 2016 1:36 am

விமந்தனி wrote:
krishnaamma wrote:இவர் இராமசுவாமி தீட்சிதருக்கும் சுப்புலட்சுமி அம்மையாருக்கும் மகனாக 1776 ஆம் ஆண்டு மன்மத வருடம், பங்குனி மாதம், 24 ஆம் நாள் கார்த்திகை நட்சத்திரத்தில் பிறந்தார்.

விமந்தனி, மார்ச் 24 என்று இருக்கணும் தானே?..........பங்குனி 24 என்று போட்டிருக்கீங்க...இரண்டும் வேறு வேறாச்சே? ...............கொஞ்சம் பாருங்கோ !
பார்த்துட்டேன் கிருஷ்ணாம்மா...
.
.
.
.

மேற்கோள் செய்த பதிவு: 1199072

:நல்வரவு:

**விமந்தனி** · **விமந்தனி** Tue Mar 29, 2016 10:18 pm

வரலாற்றில் இன்று - மார்ச் 26

வரலாற்றில் இன்று - மார்ச் - Page 6 7iiPYqRlQWyb0mjs27VU+230px-Polio_lores134

1953 - போலியோ தடுப்பூசி அறிமுகம்.

இளம்பிள்ளை வாதம் பாதிக்கப்பட்டவரின் மலத்தின் வழியாகப் பரவும் தீநுண்மத் தொற்றுநோய் ஆகும். மலத் துகள்களினால் மாசடைந்த நீர், அல்லது உணவு வாய்வழியாக உட்கொள்ளப்படும்போது இந்நோய் தொற்றுகிறது.

இது போலியோ என்னும் ஆங்கிலப் பெயராலும் பரவலாக அழைக்கப்படுகின்றது. போலியோமியெலிட்டிஸ் (Poliomyelitis) என்பது இந்நோயின் மருத்துவப் பெயர்.

இந் நோய்த் தொற்றுக்கு உள்ளானவர்களில் 90% பேரில் அறிகுறிகள் எதுவும் தோன்றுவதில்லை. எனினும் தீநுண்மங்கள் குருதியோட்டத்துடன் கலந்துவிடின் பல வகையான அறிகுறிகள் தோன்றுகின்றன.

பாதிக்கப்படுபவர்களில் 1%க்கும் குறைவானவர்களில் தீநுண்மங்கள் மைய நரம்புத் தொகுதிக்குள் சென்று இயக்க நரம்பணுக்களைத் தாக்குவதனால் தசைநார்கள் பலவீனமுற்றுத் தீவிரமான தளர்வாதத்தை (flaccid paralysis) உருவாக்குகிறது.

பாதிக்கப்படும் நரம்புகளைப் பொறுத்துப் பலவகையான வாத (paralysis) நிலைமைகள் ஏற்படலாம். முள்ளந்தண்டோடு தொடர்புள்ள இளம்பிள்ளை வாதமே மிகவும் பொதுவாகக் காணப்படுகின்றது. இது பொதுவாகக் கால்களைத் தாக்குகிறது.

**விமந்தனி** · **விமந்தனி** Tue Mar 29, 2016 10:19 pm

வரலாற்றில் இன்று - மார்ச் 27

வரலாற்றில் இன்று - மார்ச் - Page 6 VQFhKHsMQD6QyVyzSXd2+200px-Yuri_Gagarin_official_portrait

1968 - விண்வெளிக்குச் சென்ற முதல் மனிதர் சோவியத் ஒன்றியத்தின் யூரி ககாரின் விமான விபத்தொன்றில் கொல்லப்பட்டார்.

யூரி அலெக்சியேவிச் ககாரின் (ரஷ்ய மொழி: Юрий Алексеевич Гагарин, மார்ச் 9, 1934 - மார்ச் 27, 1968) விண்வெளிக்கு வெற்றிகரமாகப் பயணித்த முதல் விண்வெளி வீரராவார்.

அத்துடன் பூமியை விண்ணில் வலம் வந்த முதல் மனிதரும் இவரே. ககாரின் ஏப்ரல் 12, 1961 அன்று சோவியத் ஒன்றியத்தின் வஸ்டொக் - 1 விண்கலத்தில் பயணித்து சுமார் 108 நிமிடங்கள் விண்ணில் சஞ்சரித்தார்.

**விமந்தனி** · **விமந்தனி** Tue Mar 29, 2016 10:20 pm

வரலாற்றில் இன்று - மார்ச் 28

வரலாற்றில் இன்று - மார்ச் - Page 6 VWU3nHtXQP2OQu5DOrkd+DKPattammal

1919 - டி. கே. பட்டம்மாள், கருநாடக இசைப் பாடகி பிறந்த தினம் இன்று.

டி. கே. பட்டம்மாள் என்று பரவலாக அறியப்படும் தாமல் கிருஷ்ணசாமி பட்டம்மாள் ஒரு புகழ்பெற்ற கருநாடக இசைப் பாடகி. காஞ்சிபுரத்தைச் சேர்ந்தவர். பாடகி நித்யஸ்ரீ மகாதேவன், இவரது பேத்தி ஆவார்.

இருபதாம் நூற்றாண்டின் தொடக்க காலங்களில் ஆண்களே கோலோச்சி வந்த கருநாடக இசை மேடைகளில் தங்கள் இசைத்திறமையால் 'பெண் மும்மூர்த்திகள்' என நிலைநாட்டிக்கொண்ட மூவரில் ஒருவர். மற்றவர்கள் எம். எஸ். சுப்புலட்சுமியும் எம். எல். வசந்தகுமாரியும் ஆவர்.

**விமந்தனி** · **விமந்தனி** Tue Mar 29, 2016 10:21 pm

வரலாற்றில் இன்று - மார்ச் 29

வரலாற்றில் இன்று - மார்ச் - Page 6 HRZb5zPWSlO01JZOASZ5+Dawn-image-070911

1807 - 4 வெஸ்டா என்ற இதுவரை அறிந்தவற்றில் மிக வெளிச்சமான சிறுகோளை ஜெர்மானிய வானியலாளர் ஹைன்ரிக் ஓல்பர்ஸ் கண்டுபிடித்தார்.

வெஸ்டா (Vesta), அல்லது பொதுவாக 4 வெஸ்டா (4 Vesta), என்பது ஒரு சிறுகோள். இதன சராசரி விட்டம் கிட்டத்தட்ட 530 கிமீ. அனைத்து சிறுகோள் பட்டையினதும் 9 விழுக்காடு திணிவை இந்த சிறுகோள் கொண்டுள்ளது. செரசு என்ற குறுங்கோளை அடுத்து இப்பட்டையில் காணப்படும் மிகப்பெரும் சிறுகோளும் இதுவாகும்.

வெஸ்டா சிறுகோள் செருமனியின் வானியலாளர் ஐன்றிக் வெல்லெம் ஓல்பர்ஸ் என்பவர் 1807 ஆம் ஆண்டு மார்ச் 29 ஆம் நாள் கண்டுபிடித்தார்.

நாசாவின் டோன் என்ற விண்ணுளவி நான்கு ஆண்டுகள் பல மில்லியன் மைல்கள் பயணம் செய்து வெஸ்டாவின் சுற்றுவட்டத்தை 2011 சூலை 17 ஆம் நாள் அடைந்து அதனைச் சுற்றிவர ஆரம்பித்தது.

வெஸ்டாவை அது 530 கிமீ உயரத்தில் சுற்றி வந்தது. இது மேலும் ஒன்பது மாதங்கள் வெஸ்டாவை ஆய்வு செய்த பிறகு செரசு என்ற குறுங்கோளை நோக்கிப் பயணித்து அதனை 2015 ஆம் ஆண்டில் சென்றடையும்.

Sponsored content · Sponsored content

வரலாற்றில் இன்று - மார்ச்

வரலாற்றில் இன்று - மார்ச்

Re: வரலாற்றில் இன்று - மார்ச்

Re: வரலாற்றில் இன்று - மார்ச்

Re: வரலாற்றில் இன்று - மார்ச்

Re: வரலாற்றில் இன்று - மார்ச்

Re: வரலாற்றில் இன்று - மார்ச்

Re: வரலாற்றில் இன்று - மார்ச்

Re: வரலாற்றில் இன்று - மார்ச்

Re: வரலாற்றில் இன்று - மார்ச்

Re: வரலாற்றில் இன்று - மார்ச்

Re: வரலாற்றில் இன்று - மார்ச்

Re: வரலாற்றில் இன்று - மார்ச்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக