2016 தவளை போல் தாவும் ஆண்டு

**ayyasamy ram** · **ayyasamy ram** Thu 25 Feb 2016 - 10:03

-
2016-ம் ஆண்டுக்கு ஒரு தனிச் சிறப்பு உண்டு.
அது 366 நாட்களைக் கொண்ட லீப் ஆண்டு என்பதுதான்.
-
நான்கு ஆண்டுகளுக்கு ஒரு முறை வரும் இந்த விநோத நாள்
குறித்து, மேலும் சில சுவையான தகவல்கள்:
-
* ஜூலியஸ் சீசர் காலம்வரை ஓர் ஆண்டுக்கு 355 நாட்கள்தான்
இருந்தன. இரண்டு ஆண்டுகளுக்கு ஒரு முறை 22 நாட்களைக்
கொண்ட கூடுதல் மாதம் ஒன்று சேர்க்கப்பட்டு வந்தது.
-
தன்னுடைய அரசவை வானியலாளர் சோசிஜீன்ஸிடம் நாட்
காட்டிகளை எளிமைப்படுத்தும்படி கி.மு. 45-ல் ஜூலியஸ் சீசர்
ஆணையிட்டார். அப்போதுதான் 365 நாள் கொண்ட நாட்
காட்டியையும், நான்கு ஆண்டுகளுக்கு ஒரு முறை கூடுதலாக
ஒரு நாளை சேர்க்கும் நடைமுறையையும் சோசிஜீன்ஸ்
அறிமுகப்படுத்தினார்.
-
அந்த கூடுதல் நாள் பிப்ரவரி மாதம் சேர்க்கப்பட்டதற்குக்
காரணம், ரோமானிய நாட்காட்டியில் பிப்ரவரி கடைசி மாதமாக
இருந்ததுதான்.
-
* ‘லீப் ஆண்டு' என்ற பெயரை அறிமுகப்படுத்தியவர் நாட்
காட்டி முறையை மேம்படுத்திய போப் கிரிகோரி. அவர் மேம்
படுத்திய நாட்காட்டியே இன்றைக்கு உலகில் பரவலாகப் பயன்
படுத்தப்பட்டு வருகிறது.
-
* பிப் 29-ம் தேதியின் சின்னம் தவளை. தவளை தாவுவதைப் போல,
லீப் நாளும் 4 ஆண்டுகளுக்கு ஒரு முறை விட்டுவிட்டு வருவதால்
இப்படி.
-
* லீப் நாளான பிப்ரவரி 29-ம் தேதி பிறந்தவர்கள் ஆங்கிலத்தில்
லீப்லிங் (leapling) அல் லது லீப்பர் (leaper) என்று
அழைக்கப்படுகிறார்கள்.
-
* ஒவ்வொரு நாளையும் போலவே, லீப் நாளின்போது சராசரியாக
3.5 லட்சம் பேர் புதிதாகப் பிறக்கிறார்கள்.
-
* டாஸ்மேனியாவின் எட்டாவது அதிபர் மில்ன் வில்சன் 1812-ம்
லீப் நாளில் பிறந்து, 1880-ம் லீப் நாளில் இறந்தார்.
-
* ஹாங்காங்கில் லீப் நாளில் பிறந்தவர்களின் அதிகாரபூர்வ
பிறந்த நாள் மார்ச் 1, அதேநேரம் நியூஸிலாந்தில் பிப்ரவரி 28.
-

* லீப் நாளில் (பிப். 29) பிறந்த பிரபலங்கள்: இந்திய முன்னாள்
பிரதமர் மொரார்ஜி தேசாய் (1896), இந்திய நடனக்கலை
முன்னோடியான ருக்மணி தேவி அருண்டேல் (1904) உள்ளிட்டோர்.
-
* அமெரிக்காவில் ஒவ்வொரு லீப் ஆண்டிலும் அமெரிக்க அதிபர்
தேர்தல் நடக்கும். ஒலிம்பிக் போட்டிகளும் லீப் ஆண்டுகளை
ஒட்டியே வரும்.
-
* பிப். 29 அரிய நோய்கள் நாளாகவும் அனுசரிக்கப்படுகிறது
-
------------------------------
தமிழ் தி இந்து காம்

**krishnaamma** · **krishnaamma** Thu 25 Feb 2016 - 11:24

நல்ல பகிர்வு ராம் அண்ணா புன்னகை

................ மகிழ்ச்சி

**krishnaamma** · **krishnaamma** Thu 25 Feb 2016 - 11:25

* லீப் நாளில் (பிப். 29) பிறந்த பிரபலங்கள்: இந்திய முன்னாள்
பிரதமர் மொரார்ஜி தேசாய் (1896), இந்திய நடனக்கலை
முன்னோடியான ருக்மணி தேவி அருண்டேல் (1904) உள்ளிட்டோர்....................நம் ராஜாவையும் இந்த லிஸ்ட் இல் சேர்த்துடலாம்

Sponsored content · Sponsored content

2016 தவளை போல் தாவும் ஆண்டு