ம்ஹூம் ..இத படிக்காதிங்க .....ரொம்ப ரொம்ப ...சஸ்பென்ஸ் ..

K.Senthil kumar · K.Senthil kumar Wed Feb 17, 2016 7:07 am

First topic message reminder :

கடுக்கு முடுக்கு காதல் (திரி இரண்டு)

வயல்வெளி எங்கும்
வளமாய் இருக்க
அங்கம் அசைத்து
அழகுடன் வந்து
தங்கம் செய்வாய்
தஞ்சை நிலத்தில்....!!

தரணி முடிந்தால்
தஞ்சம் புகவே
வங்கம் தொடுவாய்
வண்ண பொன்னி...!!

வடு கொண்டு இருக்கும்
வறண்ட நிலத்தை
ஒரு நொடி பாராய்
ஓடும் நதியே ...!!

உணதினை அதுக்கு
ஒதுக்கி கொடுக்கும்
உளம் கொண்ட மனதே
உதவும் கொடையே...!!

மதிகொண்ட கிளியே
மதித்தென்னை ஏற்பாய்
உரைமொழி உணர்ந்தோர்
உரக்க உரைப்பீர் ..!!

மரத்தினில் இருக்கும்
மாங்கனி நிலையோ
சுவையுடன் மனமும்
சுந்தர அழகும்
இணைந்த பவளம்
இனிய பழமே...!!

பண்புடன் உண்போர்
பறித்து உண்ண
இடமதை கொடுப்பேன்
இனிமையும் கொடுப்பேன்..!!

பனம்பழம் உண்டு
பசியதை போக்கும்
பன்றி உனக்கோ
மனிதர் உண்ணும்
மணியது போன்ற
மாங்கனி எதற்கோ..!!

குணம் கெட்ட குரங்கே
குறிப்பதை கேளாய்
மனதில் பட்டோர்
மறுமொழி சொல்வீர்..!!

நாற்றுக்கு ஊட்டும்
நலமது எருவே
நன்றாய் கேட்டு
நன்முகம் நவில்வாய் ..!!

அருகில் அமர்ந்து
அழகாய் கவர்ந்து
எருவை ஏற்றி
எழுச்சி பெருக்கும்
இனம் அந்த களை நான்..!!

மதிகொண்ட கிளியே
மதித்தென்னை ஏற்பாய்
இம்மொழி தெரிந்தோர்
இயம்புதல் நன்றே..!!

தென்னங்குலையின்
தேன்சொட்டும் இளநீர்
திருடி பருக
தினம்தினம் எண்ணி
மனம் கொண்ட(ற) மரநாய்
உரியோர் உறங்க
உறமதை கொண்டு
மரத்தினில் ஏறி
உரிமட்டை விளக்கி
உரிவது நன்றோ...!!

குணம் கெட்ட குரங்கே
குறிப்பதை கேளாய்
தெரிந்தோர் சொல்வீர்
திடம் கொண்டவரே..!!

பருத்தி செடியின்
பயனது தெரியும்
பதம் கொண்ட விதையை
தவமாய் எடுத்து
நிலத்தினில் ஊன்றி
நிதம் அதை காத்து
உழைப்பினை கொடுப்பர்
உரமிட்டு வளர்ப்பர்
விதைத்தவர் அணிய
விதி என்ன உண்டோ...!!

மதி கொண்ட கிளியே
மதித்தென்னை ஏற்பாய்
விவரம் அறிந்தோர்
விளக்கம் சொல்வீர்

தண்டில் எரி
தளிரை தின்று
பூவில் தஞ்சம்
புகுந்திடும் புழுவே..!!

வண்டே அறிய
வழியது தெரிய
புன்னகை மணத்தை
பூவது வீச
புழுவதை தவறாய்
புரிந்தது நன்றோ..!!

குணம் கெட்ட குரங்கே
குறிப்பதை கேளாய்
புரிந்தோர் சொல்வீர்
பொருப்புடையவரே..!!

இளங்கதிர் எழுப்பி
இருளை விளக்கும்
கதிரவன் கருணை
காண்போர் அனைவர்
கணக்கின்றி பெறுவர்..!!

வருகை தந்து
வளத்தை கொடுக்கும்
வன்மனம் இல்லா
கதிரவன் கதிரில்
வஞ்சனை உண்டோ..!!

மதிகொண்ட கிளியே
மதித்தென்னை ஏற்பாய்
வரிமொழி சொல்வீர்
வள மனதவரே..!!

விண்ணில் இருக்கும்
விண்மீன் அதனை
விடம் கொண்டு முளைத்த
வெண்ணிற காளான்
விரும்பி பார்த்தால்
விழுமோ விண்மீன்..!!

குணம் கெட்ட குரங்கே
குறிப்பதை கேளாய்
விளக்கம் புரிந்தோர்
வினவுதல் நன்றே .!!

சுவைபட எழுத
சூத்திரம் வகுத்தே
கருத்தினை வைத்து
கவிதை உரைத்தேன்
மறைபொருள் உணர்ந்தோர்
மனதில் ரசித்து
மறுமொழி பதித்து –என்
மானம் காப்பீர்...!! புன்னகை

கே.செந்தில்குமார் .. ஜாலி

K.Senthil kumar · K.Senthil kumar Thu Feb 18, 2016 2:31 pm

M.Jagadeesan wrote:படிக்கவேண்டாம் என்று சொன்னதினால் படிக்கவில்லை !

மேற்கோள் செய்த பதிவு: 1194144

பயம்

K.Senthil kumar · K.Senthil kumar Thu Feb 18, 2016 2:56 pm

M.Jagadeesan wrote:படிக்கவேண்டாம் என்று சொன்னதினால் படிக்கவில்லை !

மேற்கோள் செய்த பதிவு: 1194144

இல்லை ஐயா.. ஏற்கனவே கடுக்கு முடுக்கு காதல் பெயரில் ஒரு பதிவை போட்டு விட்டேன் அதனால் பார்த்த திரியாயிற்றே என்று பலர் பார்க்காமல் போக கூடும் அது மட்டுமல்லாமல் கவிதையின் மறைபொருளில் காம ரசங்கள் கலந்திருக்க கூடும் என்பதால் படித்ததற்கு நான் பொறுப்பில்லை என்றும் சொல்லி விடலாம் சிரி

அதற்காகத்தான் அவ்வாறு பதிவுசெய்திருந்தேன் ..ஐயா

அடி, சீர் எல்லாம் அளந்து எழுத தெரியாவிடினும் எதோ ....தெரிந்த அளவிற்கு எழுதி வருகிறேன்...
பல கோணங்களில் படித்து, பல வகைகளில் பொருள்கொள்ள கூடிய வகையில், முயற்ச்சித்து எழுதியது. அதற்கு கிடைத்த வெற்றி, தங்களை போன்றோர் இடும் பின்னூட்டங்களால் தான் அறிந்துகொள்ள முடியும் ஐயா.... புன்னகை

அதனால்தான் இறுதி வரியில் பின்னூட்டம் இட வேண்டியிருந்தேன் .....

K.Senthil kumar · K.Senthil kumar Thu Feb 18, 2016 3:05 pm

krishnaamma wrote:
M.Jagadeesan wrote:படிக்கவேண்டாம் என்று சொன்னதினால் படிக்கவில்லை !
மேற்கோள் செய்த பதிவு: 1194144

ஹா..ஹா..ஹா.... அப்படி எதிர்மறையாக போட்டால் எல்லோரும் உள்ளே வருவார்கள் என்று செய்திருக்கிறார் செந்தில் .......எனவே, அவர் போட்ட 3 ம் நல்லா இருக்கு என்று நான் பின்னூட்டம் போட்டிருக்கணும் ஐயா .தவறாக 2 என்று போட்டுவிட்டேன்

மேற்கோள் செய்த பதிவு: 1194145

ஆம் அம்மா... அவ்வாறு தலைப்பிட்டதை ஐயா தவறாக புரிந்து கொண்டார் போலும் இருந்தும்

ஐயா படிக்கவில்(லைlie) எனக்கு சொன்னது பிடித்திருந்தது ஜாலி

K.Senthil kumar · K.Senthil kumar Thu Feb 18, 2016 3:11 pm

சசி wrote:நன்றாக உள்ளது தோழரே...கவிதையை காணவில்லையே என யோசித்தேன்.. பதிவு செய்து விட்டீர்கள். நண்பரை காணவில்லையே..

மேற்கோள் செய்த பதிவு: 1194172

மிகவும் நன்றி சசி .... ம்ஹூம் ..இத படிக்காதிங்க .....ரொம்ப ரொம்ப ...சஸ்பென்ஸ் .. - Page 2 1571444738

கடை காற்று வாங்கும் பொழுது
தமிழால் ஆற்று படுத்தி கொள்கிகிறேன் சசி ... சிரி

**T.N.Balasubramanian** · **T.N.Balasubramanian** Thu Feb 18, 2016 4:13 pm

சசி wrote:நன்றாக உள்ளது தோழரே...கவிதையை காணவில்லையே என யோசித்தேன்.. பதிவு செய்து விட்டீர்கள். நண்பரை காணவில்லையே..

மேற்கோள் செய்த பதிவு: 1194172

மகிழ்ச்சி

கவிதைதனை கண்டால் கவிஞரை காணவில்லை
கவிஞரை கண்டால் கவிதை காணவில்லை
இரெண்டையும் கண்டால் , காணவில்லை என்ற
சசியை காணவில்லை

ரமணியன்

சசி · சசி Thu Feb 18, 2016 4:52 pm

T.N.Balasubramanian wrote:
சசி wrote:நன்றாக உள்ளது தோழரே...கவிதையை காணவில்லையே என யோசித்தேன்.. பதிவு செய்து விட்டீர்கள். நண்பரை காணவில்லையே..
மேற்கோள் செய்த பதிவு: 1194172

கவிதைதனை கண்டால் கவிஞரை காணவில்லை
கவிஞரை கண்டால் கவிதை காணவில்லை
இரெண்டையும் கண்டால் , காணவில்லை என்ற
சசியை காணவில்லை

ரமணியன்

மேற்கோள் செய்த பதிவு: 1194437

உள்ளேன் ஐயா

Sponsored content · Sponsored content

ம்ஹூம் ..இத படிக்காதிங்க .....ரொம்ப ரொம்ப ...சஸ்பென்ஸ் ..

ம்ஹூம் ..இத படிக்காதிங்க .....ரொம்ப ரொம்ப ...சஸ்பென்ஸ் ..

Re: ம்ஹூம் ..இத படிக்காதிங்க .....ரொம்ப ரொம்ப ...சஸ்பென்ஸ் ..

Re: ம்ஹூம் ..இத படிக்காதிங்க .....ரொம்ப ரொம்ப ...சஸ்பென்ஸ் ..

Re: ம்ஹூம் ..இத படிக்காதிங்க .....ரொம்ப ரொம்ப ...சஸ்பென்ஸ் ..

Re: ம்ஹூம் ..இத படிக்காதிங்க .....ரொம்ப ரொம்ப ...சஸ்பென்ஸ் ..

Re: ம்ஹூம் ..இத படிக்காதிங்க .....ரொம்ப ரொம்ப ...சஸ்பென்ஸ் ..

Re: ம்ஹூம் ..இத படிக்காதிங்க .....ரொம்ப ரொம்ப ...சஸ்பென்ஸ் ..

Re: ம்ஹூம் ..இத படிக்காதிங்க .....ரொம்ப ரொம்ப ...சஸ்பென்ஸ் ..

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக