குழந்தைகள் நண்பர்களாக வேண்டுமா?

உங்கள் குழந்தைகள் தூங்கச் செல்லும் முன், அவர்களது நாளைய வேலைகளை ஞாபகப்படுத்துவதுடன், உள்ளங்களை குளிரச் செய்து, தூங்க வையுங்கள்; அது, மறுநாள் காலை, உற்சாகமாகவும், சுறுசுறுப்புடன் எழுவதற்கு அவர்களுக்கு துணை புரியும்.

* குழந்தைகளை உறக்கத்திலிருந்து எழுப்ப, ஐந்து நிமிடங்களுக்கு முன்னிருந்தே, அருகில் அமர்ந்து, தொட்டு எழுப்புங்கள்.

* காலையில் தூக்கத்திலிருந்து எழும்பியவுடன், 'டிவி', ஐ பேட் மற்றும் மொபைல் போன் பார்ப்பதை அனுமதிக்காதீர்கள். ஏனெனில், அவற்றிலிருந்து வெளிப்படும் கதிர்கள் தூங்கி எழும்பிய நிலையில் இருக்கும் கண்களுக்கு பாதிப்பை ஏற்படுத்தும்.

* சற்று வளர்ந்த குழந்தைகள் என்றாலும் பரவாயில்லை. வாரத்தில் ஒருநாளாவது கணவன், மனைவி, குழந்தைகள் என்று குடும்பமாக ஒரே இடத்தில் உறங்குங்கள்; அது உங்கள் குழந்தைகளின் மனக் கவலைகளை நீக்கி, உங்கள் மீது உள்ளார்ந்த பிணைப்பை ஏற்படுத்தும்.

* குழந்தைகளின் வேண்டுதல்கள், தேவைகள் நிறைவேறாத போது, அவர்கள் அழுது அடம் பிடித்து, அப்பொருளை அடைய முயற்சிப்பதை தடுத்து நிறுத்துங்கள். ஏனெனில், அழுதால் ஒரு பொருள் கிடைக்கும் என்ற மனப்பதிவு அவர்களுக்குள் ஏற்பட்டு விட்டால், பிடிவாதத்தால் சாதிக்க நினைக்கிற எண்ணம் உண்டாகி விடும்.

* உண்மை, நேர்மை, துணிவு, விட்டுக் கொடுத்தல், மன்னித்தல், அன்பு காட்டல் போன்ற நல்ல பண்புகள் மீது குழந்தைகளுக்கு ஆர்வத்தை ஊட்டுங்கள்.

* பொய், ஏமாற்று, திருட்டு, அநீதியிழைத்தல், பெருமை, பொறாமை, சூழ்ச்சி செய்தல் போன்ற கெட்ட குணங்களை வளர விடாமல் தடுப்பதுடன், அது குறித்த விளைவுகளை எடுத்துக் கூறி எச்சரியுங்கள்.

* பிள்ளைகளுக்கு நடை பாதை ஒழுங்குகளை கற்றுக் கொடுப்பதுடன், நாமும் முன் மாதிரியாக இருக்கும் பொருட்டு, அமைதியாகவும், நிதானமாகவும் நடக்க பழகுங்கள். உங்கள் குழந்தைகளும், உங்களை அப்படியே பின்பற்ற முயற்சிப்பர்.

* குழந்தைகளை படிக்கும் படி வற்புறுத்தாதீர்கள்; கல்வியின் முக்கியத்துவத்தையும், ஏன் கற்க வேண்டும் என்பதையும் எடுத்துரையுங்கள்.

* பிறருக்கு மத்தியில், குழந்தையை திட்டாதீர்கள். அத்துடன், பிள்ளைகளுக்கு முன் சண்டை பிடிக்காதீர்கள்; அது, உளவியல் ரீதியாக அவர்களை பாதிக்கும்.

* ஓய்வு நேரம் மற்றும் மகிழ்ச்சிகரமான நேரங்களில், குழந்தைகளுடன் பங்கெடுங்கள். அது, பூரண பாதுகாப்புடனும், அன்பான அரவணைப்புடனும் தான் வாழ்கிறோம் என்பதை அவர்களுக்கு உணர்த்தும்.
* நவீன தொழில்நுட்பத்தை கற்றுக் கொள்ள உதவுங்கள். கணினி இணையப் பயன்பாட்டை அறிந்து கொள்ளவும், அதன்மூலம் பயன்பெறவும் வழிகாட்டுங்கள்.

* சிறு வயதிலிருந்தே குழந்தைகளுக்கு நீதிக்கதைகளை போதிக்க வேண்டும். அது, எதிர்காலத்தில், அவர்கள் நேர்மையானவர்களாக வாழ்வதற்கு உதவியாக இருக்கும்.

* உடல் ஆரோக்கியத்தை மேம்படுத்தும் விளையாட்டுக்களில், குழந்தைகளை ஈடுபட செய்யுங்கள்.

* இயற்கை உபாதைகளை அடக்கி வைக்கக் கூடாது என்பதை கற்றுக் கொடுங்கள். குறிப்பாக, சிறுநீரை அடக்கி வைப்பது ஆபத்தானது. பயந்த சுபாவத்தையும், தாழ்வு மனப்பான்மையையும் ஏற்படுத்தும். மேலும், சிறுநீரகத்தில், சிறுநீர் பாதையில் கற்கள் உருவாகும் என்பதை புரிய வையுங்கள்.

* இப்படி தொடர்ந்து பழக்கப்படுத்தினால், விரைவில், பிள்ளைகளிடம் நல்ல மாற்றங்களை காண்பீர்கள்.
நம் தவறான வாழ்க்கை முறையால் ஏற்படும் தொந்தரவுகளுக்கு, எந்த மருந்துகளாலும், மருத்துவ முறைகளாலும், நிரந்தர தீர்வை தர இயலாது. எனவே, விழித்துக் கொள்வோம்; எதிர்கால சந்ததியினரை வழிநடத்துவோம்!

மரியராமேஷ்
தினமலர்

குழந்தைகளை இரவில் 9 மணிக்குள் தூங்க வைக்கும்
பழக்கம் வர வேண்டும்...அப்போதுதான் சுமார் 8 அல்லது
ஒன்பது மணி வரை தூங்க இயலும்
-
பெற்றோர் எப்போது படுக்கிறார்களோ,
அப்போதுதான் குழந்தைகளும் தூங்குவது என்ற நிலை
சில குடும்பங்களில் நிலவுகிறது
-
பெற்றோர்கள் இரவில் நீண்ட நேரம் விழித்திருந்து
பின், உறங்க செல்லும் பழக்கமாக இருந்தால்
குழந்தைகளுடன், யாராவது ஒருவர் தூங்க போக
வேண்டும்...
-
குழந்தைகளை தூங்க வைத்தபின்னர், திரும்ப வந்து
டி.வி.நிகழச்சி அல்லது மற்ற வேலைகளை கவனிக்கலாம்...
-

அவசியம் அனைத்து பெற்றவர்களும் கடைபிடிக்க வேண்டும். நல்ல பதிவு அம்மா. 
உறக்கம் அவசியம் வேண்டும். ஆழ்ந்த உறக்கம் ஆரோக்கியமாக வைத்து இருக்க வேண்டும். நன்றி ராம் ஐயா

ayyasamy ram wrote:குழந்தைகளை இரவில் 9 மணிக்குள் தூங்க வைக்கும்
பழக்கம் வர வேண்டும்...அப்போதுதான் சுமார் 8 அல்லது
ஒன்பது மணி நேரம் தூங்க இயலும்
-
பெற்றோர் எப்போது படுக்கிறார்களோ,
அப்போதுதான் குழந்தைகளும் தூங்குவது என்ற நிலை
சில குடும்பங்களில் நிலவுகிறது
-
பெற்றோர்கள் இரவில் நீண்ட நேரம் விழித்திருந்து
பின், உறங்க செல்லும் பழக்கமாக இருந்தால்
குழந்தைகளுடன், யாராவது ஒருவர் தூங்க போக
வேண்டும்...
-
குழந்தைகளை தூங்க வைத்தபின்னர், திரும்ப வந்து
டி.வி.நிகழச்சி அல்லது மற்ற வேலைகளை கவனிக்கலாம்...
-

மேற்கோள் செய்த பதிவு: 1191815

ம்ம்... வாஸ்த்தவம் ராம் அண்ணா, இதை பெற்றோர்கள் கவனிக்கணும், இல்லாவிட்டால் காலை பள்ளிக்கு செல்ல சீக்கிரம் எழுந்திருப்பது கஷ்டமாகிப் போகும்

சசி wrote:அவசியம் அனைத்து பெற்றவர்களும் கடைபிடிக்க வேண்டும். நல்ல பதிவு அம்மா. 
உறக்கம் அவசியம் வேண்டும். ஆழ்ந்த உறக்கம் ஆரோக்கியமாக வைத்து இருக்க வேண்டும். நன்றி ராம் ஐயா

மேற்கோள் செய்த பதிவு: 1191821

நன்றி சசி

அருமையான பயனுள்ள பதிவு .... பகிர்ந்தமைக்கு நன்றி ...

மிகவும் பயனுள்ள பதிவு அம்மா..