தேஷதோஷம் தீர ஒரு பரிகாரம்…

**ayyasamy ram** · **ayyasamy ram** Wed 3 Feb 2016 - 19:29

ரா.பார்த்திபனின் கிறுக்கல்கள் இதழில் இருந்து………………..

தோஷம்: சர்ப்ப தோஷம்

பரிகாரம்: வெள்ளிக் கிழமை தோறும் புற்றுக்கு பால் ஊற்றி,
முட்டை வைக்க வேண்டும்.

என் பிரகாரம்: தினந்தோறும் ஆதரவற்ற இல்லங்களுக்கு சென்று,
இயன்ற போதெல்லாம் முட்டையும் பாலும் கொடுக்க வேண்டும்.

—————————————————————————————–

தோஷம்: செவ்வாய் தோஷம்

பரிகாரம்: வாழை மரத்தை வெட்டி விட்டு, பெண்ணுக்கு தாலி
கட்ட வேண்டும்.

என் பிரகாரம்: வாழை மரத்தை விட்டு விட்டு, வசதி இல்லாத
பெண்ணுக்கு மனமறிந்து மணம் முடித்து வைக்க வேண்டும்.

—————————————————————————————

தோஷம்: புத்திர தோஷம்

பரிகாரம்: அரசமரத்தை சுற்றி விட்டு, குழந்தை உருவ பொம்மை
செய்து தொட்டிலில் போட்டு ஆட்ட வேண்டும்.

என் பிரகாரம்: யாரோ பெற்று குப்பை தொட்டியில் போட்ட குழந்தையை
எடுத்து வந்து, நெஞ்சில் ஊறும் பாசம் ஊட்டி வளர்க்க வேண்டும்.

—————————————————————————————-

தோஷம்: சனி தோஷம்

பரிகாரம்: ஆஞ்ச நேயருக்கு துளசி மாலை போட்டு அபிஷேகம்
செய்ய வேண்டும்.

என் பிரகாரம்: மன வளர்ச்சி குன்றியவர்களுக்கு, மருந்து மாத்திரை
வாங்கித் தர வேண்டும்.

———————————————————————————

**ayyasamy ram** · **ayyasamy ram** Wed 3 Feb 2016 - 19:31

தோஷம்: பாத சனிக்கு

பரிகாரம்: திரு நள்ளாறு சென்று எள் தீபம் ஏற்ற வேண்டும்.

என் பிரகாரம்: வெய்யிலில் பாதம் வெடிக்க வேலை செய்யும்
தொழிலாளிகளுக்கு பாத அணிகள் வழங்க வேண்டும்.

——————————————————————————————

தோஷம்: ஆயுள் தோஷம்

பரிகாரம்: பிரம்மா, விஷ்ணு, சிவனுக்கு முப்பூஜை செய்ய வேண்டும்.
குல தெய்வத்திற்கு அபிஷேகம் செய்ய வேண்டும்.

என் பிரகாரம்: ஆயுள் முடிவான எய்ட்ஸ் குழந்தைகளை இருக்கும்
வரை சிரிக்கும்படி பார்த்துக் கொள்ள வேண்டும்.
மூன்று மாதத்திற்கு ஒரு முறை இரத்ததானம் செய்ய வேண்டும்.

—————————————————————————————-

கோவிலில் வரம் கொடுக்கும் கடவுள்கள் அப்படியே இருக்கட்டும்.
வாசலில் கையேந்தும் கடவுள்களை மட்டுமாவது இல்லாமல் செய்ய
வேண்டும். இது தேஷதோஷம் தீர ஒரு பரிகாரம்.
—

**krishnaamma** · **krishnaamma** Wed 3 Feb 2016 - 20:43

எல்லாமே அருமையாக இருக்கு ராம் அண்ணா புன்னகை

............ சூப்பருங்க

**M.Jagadeesan** · **M.Jagadeesan** Wed 3 Feb 2016 - 20:48

பாம்பின் வாய் அமைப்பு , பாலும் , முட்டையும் குடிப்பதற்கு ஏற்றவகையில் இல்லை ! பாம்பு முட்டையை விழுங்குமே தவிர , உடைத்துக் குடிப்பதில்லை ! இது அறிவியல் அடிப்படையில் நிரூபிக்கப்பட்ட உண்மை !

இந்த பதிவைத் துவங்கியவர் நன்றி கூறியுள்ளார் M.Jagadeesan

K.Senthil kumar · K.Senthil kumar Fri 5 Feb 2016 - 10:05

**T.N.Balasubramanian** · **T.N.Balasubramanian** Fri 5 Feb 2016 - 21:13

M.Jagadeesan wrote:பாம்பின் வாய் அமைப்பு , பாலும் , முட்டையும் குடிப்பதற்கு ஏற்றவகையில் இல்லை ! பாம்பு முட்டையை விழுங்குமே தவிர , உடைத்துக் குடிப்பதில்லை ! இது அறிவியல் அடிப்படையில் நிரூபிக்கப்பட்ட உண்மை !

மேற்கோள் செய்த பதிவு: 1191808

100% உண்மை .
ஆனால் , கூறினால் , வீண் தகராறு !
பெரிய கோவில்களே இருக்கின்றன !
அங்கே நாகர் சிலை பலப்பல ! அவரவர் சக்திக்கேற்ப பால் பாகெட்களின் அபிஷேகம் .
தரை எங்கும் பால்களின் சிந்தல்கள் . கால்களில் பிசுபிசுப்பு .
அந்தப் பாலை தேவையானவர்களுக்கு கொடுத்து இருக்கவேண்டும் .
ரமணியன்

சசி · சசி Fri 5 Feb 2016 - 21:55

நல்ல பதிவு ஐயா.எல்லாருக்கும் இது போல் மனசு வருவதில்லை. சாமி குத்தம் ஆயிடுமாம். நிச்சயம் நம்மால் முடிந்த வரை பிறருக்கு உதவி செய்ய வேண்டும். கடவுள் அவர்கள் வாயிலாக நிச்சயம் தெரிவார். அவர்களின் புன்னகையில் இறைவனை காணலாம்.

shobana sahas · shobana sahas Fri 5 Feb 2016 - 22:06

அனைத்தும் அருமை . நல்ல பதிவு . நன்றி .

Sponsored content · Sponsored content

தேஷதோஷம் தீர ஒரு பரிகாரம்…

தேஷதோஷம் தீர ஒரு பரிகாரம்…

Re: தேஷதோஷம் தீர ஒரு பரிகாரம்…

Re: தேஷதோஷம் தீர ஒரு பரிகாரம்…

Re: தேஷதோஷம் தீர ஒரு பரிகாரம்…

Re: தேஷதோஷம் தீர ஒரு பரிகாரம்…

Re: தேஷதோஷம் தீர ஒரு பரிகாரம்…

Re: தேஷதோஷம் தீர ஒரு பரிகாரம்…

Re: தேஷதோஷம் தீர ஒரு பரிகாரம்…

Re: தேஷதோஷம் தீர ஒரு பரிகாரம்…

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக