மீண்டும் ஒரு அய்லான் சிறுவன்!  

மீண்டும் ஒரு அய்லான் சிறுவன்!

 
கடந்த ஆண்டு உலகையே உலுக்கிய அய்லான் என்ற அகதிச் சிறுவனைப் போன்றே, மீண்டும் ஒரு சிறுவனின் உடல் துருக்கி கடற்கரை பகுதியில் கரை ஒதுங்கியுள்ளது. காவலர் ஒருவர் அச்சிறுவனின் உடலை எடுத்துச் செல்லும் புகைப்படம் தற்போது வெளியாகியுள்ளது. இந்த புகைப்படம் பார்ப்பவர்களின் மனதை நெகிழ வைத்துள்ளது.



அதிக எண்ணிக்கையில் அகதிகளை ஏற்றிக் கொண்டு வந்த படகு ஒன்று,  துருக்கி கடல் பகுதியில், கிரீஸ் நாட்டின் லெஸ்பாஸ் தீவு அருகே கடலில் மூழ்கியது. தகவல் அறிந்த துருக்கி கடற்பாதுகாப்பு படை வீரர்கள் விரைந்து சென்று, அவர்களை மீட்கும் முயற்சியில் ஈடுபட்டனர. இதில், 37 பேரின் உடல்களை கடற்படை வீரர்கள் மீட்டனர். அவர்களில் குழந்தைகளும் அடங்குவர்.



இந்நிலையில், கடந்த ஆண்டு உலகையே உலுக்கிய அய்லான் என்ற அகதிச்சிறுவனைப் போன்றே, மீண்டும் ஒரு சிறுவனின் உடல் மீட்கப்பட்டுள்ளது. துருக்கி காவல்துறையினர், உயிரற்ற அச்சிறுவனின் உடலை தூக்கிகொண்டு போய் கடற்கரையின் ஒரு பகுதியில் வைக்கும் புகைப்படம் வெளியாகியுள்ளது.



இதுவரை துருக்கி நாட்டில் 2.5 மில்லியன் சிரிய அகதிகள் தஞ்சம் அடைந்துள்ளனர். இதில் கடந்த ஆண்டு மட்டும் 1 மில்லியன் பேர் குடியேறியுள்ளனர். இதில் 3,600 பேர் இறந்திருக்கலாம் அல்லது காணாமல் போயிருக்கலாம் என ஐரோப்பிய ஆணையகம் தெரிவித்துள்ளது.




சிரியா, ஆப்கானிஸ்தான் உள்ளிட்ட நாடுகளில் உள்நாட்டு போர் நடைபெறுவதால் அங்கு வாழ வழியற்ற மக்கள் அகதிகளாக ஐரோப்பிய நாடுகளில் தஞ்சம் அடைகின்றனர்.

அனுமதி பெறாத படகுகளில் அதிக அளவில் பயணம் செய்யும் இவர்கள் நடுக்கடலில் மூழ்கி இழக்கின்றனர். இச்சம்பவங்கள் துருக்கி மற்றும் கிரீஸ் கடல் பகுதியில் அடிக்கடி ஏற்படுகிறது.

நன்றி விகடன் செய்தி

.

நான் கூட இதுவோ என்று நினைத்தேன்

இந்த சோகமான முடிவுகளுக்கு முடிவு என்று வருமோ...???

K.Senthil kumar wrote:இந்த சோகமான முடிவுகளுக்கு முடிவு என்று வருமோ...???

மனித உருவில் இருக்கும் மிருகங்கள் தங்களுக்குள் அடித்துக்கொண்டு சாகும்போது எங்கும் நிம்மதியும் அமைதியும் இருக்கும் செந்தில். இவர்கள் கூட்டத்தில் சேருவதற்கு இந்தியா போன்ற அமைதியான நாடுகளில் இருந்து திருட்டுத்தனமாக போகும் விலங்குகளை நினைத்தால் இன்னும் பரிதாபமாக இருக்கு.