தொலையாத பயணம் - தொலைந்து போன அடையாளம்

**கார்த்திக் செயராம்** · 29/10/2015

தொலையாத பயணம்
***************************
தொலையாத பயணம் - தொலைந்து போன அடையாளம் 2ZDNYZ6FSgSmh7TjlV6L+20160124_161653

நெடுஞ்சாலை பேருந்துப் பயணம் சுகமானது

பெயர்ப் பலகைகளே இல்லாத ஊர்களுக்குள்

உணவு தேநீர் இளநீர் அருந்தி

வெள்ளரிப் பிஞ்சு கடலைமிட்டாய் தின்று

சற்றே இளைப்பாறித் தென்படும் மனிதரிடம்

ஊர் பெயர் கேட்டு ஆடு மாடுகளையும்

சந்தைகளையும் முண்டாசு மீசைகளையும்

கண்டாங்கிச் சேலைகளையும்

கோடாலிக் கொண்டைகளையும்

பிளந்துகொண்டு வாகனங்கள்

திணறிச் செல்லும் அழகே அழகு.

இப்போது சாலைகளெங்கும் பளபளவென

அம்புக்குறியிட்ட பெயர்ப் பலகைகள்

மட்டுமே தென்படுகின்றன.

ஊர்களும் மரங்களும் மட்டுமல்ல

கேட்டுத் தெரிந்துகொள்ள மனிதருமின்றி

வெறிச்சோடிக்கிடக்கிறது பூமி.
வாகனங்கள் உருளும் நெடுஞ்சாலைகள்

செத்த பாம்பாகக் கிடக்கின்றன ஜீவனற்று...

இரவு நேர தேநீர் கடைகளில் நம்மோடு

தொற்றிக்கொண்ட இளையராஜா மட்டும்

40 வருடங்களாக விடாது

கூடவே வந்துகொண்டிருக்கிறார் தாலாட்டியபடியே.

விபத்துக்குள்ளானாலும்கூட சுகமானது

நெடுந்தூர அரைத்தூக்க

விரைவுப் பேருந்துப் பயணம்.

நன்றி விகடன்

யினியவன் · யினியவன் Tue Jan 26, 2016 9:19 am

நல்ல பகிர்வு.

பிறப்பெனும் பயணமே தொலைவதற்கு தானே
அடையாளத்தை தேடு பவனும் தொலைகிறான்
அடையாளத்தை அடைந்தவனும் தொலைகிறான்
தேடித் தேடி அலுத்தவனும்/அயர்ந்தவனும் தொலைகிறான்
தேடும் தொல்லையில் அனைவரும் தொலைவதிங்கே புதிதன்று

**krishnaamma** · **krishnaamma** Tue Jan 26, 2016 10:15 am

ம்ம்... ரெண்டு கவிதையும் ஜோரா இருக்கு புன்னகை

**கார்த்திக் செயராம்** · 29/10/2015

நன்றி அண்ணா ...

இந்த படம் கடந்த நாயிறு அன்று மாலை நாமக்கல் செல்லும் சாலையின் ஓரத்தில் எடுத்த படம் ..கிராமியம் மாறாத இடம் .

யினியவன் · யினியவன் Tue Jan 26, 2016 11:32 am

அனுமார் வியூன்னு சொல்லுங்க புன்னகை

**krishnaamma** · **krishnaamma** Tue Jan 26, 2016 11:40 am

யினியவன் wrote:அனுமார் வியூன்னு சொல்லுங்க

மேற்கோள் செய்த பதிவு: 1189653

சிப்பு வருது

**M.Jagadeesan** · **M.Jagadeesan** Tue Jan 26, 2016 12:03 pm

யினியவன் wrote:நல்ல பகிர்வு.

பிறப்பெனும் பயணமே தொலைவதற்கு தானே
அடையாளத்தை தேடு பவனும் தொலைகிறான்
அடையாளத்தை அடைந்தவனும் தொலைகிறான்
தேடித் தேடி அலுத்தவனும்/அயர்ந்தவனும் தொலைகிறான்
தேடும் தொல்லையில் அனைவரும் தொலைவதிங்கே புதிதன்று

மேற்கோள் செய்த பதிவு: 1189636
இனியவனின் தத்துவம் இனிய தத்துவம்
...இதுவரை யாரும் சொல்லாத தத்துவம் !
கனியவள் அணைப்பில் காலம் சிலநாள் !
...கற்கண்டு மழலைக் கேட்பதில் சிலநாள் !
நனிமிகு வாழ்க்கை நன்கு நடத்திட
...நலம்தரும் பொருளைச் சேர்ப்பது சிலநாள் !
இனியது எல்லாம் தொலைந்திடும் ஒருநாள்
...இதுவே உலகின் தத்துவம் அறிவீர் !