அரசுப் பள்ளி பாழல்ல! அன்னைத் தமிழும் பாழல்ல!

**ayyasamy ram** · **ayyasamy ram** Sat Jan 23, 2016 7:29 am

-
மயில்சாமி அண்ணாதுரை அவர்களின் கவிதை , ஆனந்த விகடன் இதழிலிருந்து.................................

மாட்டுக் கொட்டகை ஒரு வருடம்
கோயில் திண்ணை மறு வருடம்
கோணிப் பையே குடையாக
செருப்பே இல்லா நடைப் பயணம்
என்றே வளர்ந்தது என் கல்வி
-
முழுதாய் கற்றது கோவையில் தான்
எல்லாம் அரசுப் பள்ளியில்தான்
இருந்தும் நிலவில் நீர் கண்டேன்
எப்படி என்று பலர் கேட்டார்
தாய்மொழிக் கல்வியின் பலனென்று
வாய்மொழி கொண்டு நானுரைத்தேன்
-
அந்ததோ இன்று எனதூரில்
ஆங்கோர் தாயும் மடிந்தாளே
அவளது மகனை பள்ளியிலே
ஆங்கிலக் கல்வியில் கற்பிக்க
அவளது ஏழ்மை துரத்தியதால்
தீயில் கருகிச் செத்தாளாம்
சேதியைக் கேட்டு நான் நொந்தேன்.
-
ஏழ்மை என்பது பணத்தாலா?
அறியா மனத்தின் நிலையாலா?
-
அரசுப் பள்ளி பாழல்ல
அன்னைத் தமிழும் பாழல்ல
அறியா மனமே பாழென்பேன்
-
இதை அனைவரும் உணரும் வகையாக
வீடுகள் தோறும் சேர்த்திடுவோம்
-
இனியொரு தாய் வேகும் முன்னே
அறியா நிலையைத் தீயிட்டழிப்போம்!
-
--------------------------

K.Senthil kumar · K.Senthil kumar Sat Jan 23, 2016 8:35 am

1975, 80 க்கு பின்னர் கிராமபுறங்களில் அரசு பள்ளிகள் பாழடைய தொடங்கின. தற்பொழுது மீண்டும் மறுமலர்ச்சி ஏற்பட்டிருக்கிறது பார்போம் .

அங்குள்ள ஆசிரியர்களுக்கு அவ்வளவாக ஆங்கிலம் தெரியாது என்பதால் தமிழ் பிழைத்தது .

அரசுப் பள்ளி பாழல்ல! அன்னைத் தமிழும் பாழல்ல!

அரசுப் பள்ளி பாழல்ல! அன்னைத் தமிழும் பாழல்ல!

Re: அரசுப் பள்ளி பாழல்ல! அன்னைத் தமிழும் பாழல்ல!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக