பெண்புத்தி பின்புத்தி

**M.Jagadeesan** · **M.Jagadeesan** Wed 20 Jan 2016 - 21:36

நம்ப வைத்துக் கழுத்தை அறுத்து விட்டாயே ! நயவஞ்சகி !
கடைசி நேரத்தில் காலை வாரி விட்டு விட்டாயே ! காதகி !
என் மகனுக்குக் கொடுப்பதற்கு ஆயிரம் பேர் வந்தார்களே !
ஆனால் அவனோ
அவர்களை ஒதுக்கிவிட்டு உன்னையே நம்பி இருந்தானே !
பெண்புத்தி பின்புத்தி என்பதை நிரூபித்து விட்டாயே !
முன்னமே நீ முடியாது என்று சொல்லி இருக்கலாமே !
கைநிறைய சம்பளம் ! என் மகனுக்கு என்னடி குறைச்சல் ?
விடிந்தால் கல்யாணம் ! ஆனால் என் மகனோ
இடிந்துபோய் விடுவான் என்ன செய்வதென்று !

அப்போது அங்கு வந்த சரவணன் , " என்னம்மா ! ஏதோ புலம்பிக்கொண்டு இருக்கிறாயே ! " என்று தன் தாயிடம் கேட்டான் .
" சரவணா ! அந்த வட்டிக்கடை வரலட்சுமி , உன் திருமணத்திற்காக நாம் கேட்ட பத்து லட்சம் ரூபாயை முதலில் தருவதாகச் சொல்லிவிட்டுக் கடைசியில் ஏமாற்றிவிட்டாள்." என்றாள் அம்மா .