ஆங்கிலம் தெரியாதவர்கள் பிரிட்டனை விட்டு அனுப்பபடுவார்கள் ?

**கார்த்திக் செயராம்** · 29/10/2015

இங்கிலாந்தில் வசிக்கும் திருமணமான வெளிநாட்டு பெண்களுக்கு ஆங்கில அறிவை சோதிப்பதற்காக தேர்வு நடத்தப்படும் என்றும், அதில் தோல்வி அடைபவர்கள் சொந்த நாடுகளுக்கு திரும்பிவிட வேண்டும் என்றும், அந்நாட்டு பிரதமர் டேவிட் கேமரூன் அறிவித்துள்ளார்.

எனவே இரண்டரை ஆண்டுகளுக்கு மேலாக இங்கிலாந்தில் தங்கியிருக்கும் பெண்களுக்கு ஆங்கில தேர்வு நடத்தப்பட வேண்டியது அவசியம்.

அக்டோபர் மாதம் முதல் இந்த கொள்கை செயல்படுத்தப்படும். அதற்குள் தயார்படுத்திக்கொண்டு தேர்வில் சித்தி பெறாதவர்கள் தங்களது சொந்த நாடுகளுக்கு திருப்பி அனுப்பப்படுவார்கள் என்று கூறியுள்ளார்.

இங்கிலாந்தில் குடியேறிய பெண்களில் 1 லட்சத்து 90 ஆயிரம் பேருக்கு போதிய ஆங்கில அறிவு இல்லை என புள்ளி விவரங்கள் கூறுகின்றன.

அவர்கள் ஓரளவுக்கு ஆங்கிலத்தில் பேசுகின்றனர் அல்லது சுத்தமாக ஆங்கிலமே தெரியாமலேயே பல ஆண்டாக வசிக்கிறார்கள்.

அவர்களுக்காக ஆங்கில பயிற்சி வகுப்புகள், அவர்கள் விருப்பப்படும் இடங்களில் நடத்தப்படும் பிரதமர் டேவிட் கேமரூன் கூறியுள்ளார்.

நன்றி யார்ல்

யினியவன் · யினியவன் Wed 20 Jan 2016 - 0:28

சட்டத்தை பார்த்து பயத்தில் ஊமை ஆனவர்கள் எந்த மொழியும் பேசாமல் போனால்?

அவர்களை மார்சுக்கு அனுப்பிவிடுவார்களா? புன்னகை

**M.Jagadeesan** · **M.Jagadeesan** Wed 20 Jan 2016 - 9:57

இதுபோல ஒவ்வொரு நாடும் சொல்ல ஆரம்பித்துவிட்டால் , யாரும் , எந்த நாட்டிற்கும் போகமுடியாது !

**T.N.Balasubramanian** · **T.N.Balasubramanian** Wed 20 Jan 2016 - 10:34

M.Jagadeesan wrote:இதுபோல ஒவ்வொரு நாடும் சொல்ல ஆரம்பித்துவிட்டால் , யாரும் , எந்த நாட்டிற்கும் போகமுடியாது !

மேற்கோள் செய்த பதிவு: 1188577

தமிழ் நாட்டில் இருந்து தமிழ் மட்டுமே அறிந்தவர்கள் தமிழ்நாட்டை விட்டு வேறெங்கும் போகமுடியாது .
ஒவ்வொரு மாநிலத்து வாசிகளுக்கும் இதே கஷ்டம் இருக்குமோ !
ஆண்டவா ,உலகத்தை காப்பாற்று

ரமணியன்

**ராஜா** · **ராஜா** Wed 20 Jan 2016 - 13:17

T.N.Balasubramanian wrote:
M.Jagadeesan wrote:இதுபோல ஒவ்வொரு நாடும் சொல்ல ஆரம்பித்துவிட்டால் , யாரும் , எந்த நாட்டிற்கும் போகமுடியாது !
மேற்கோள் செய்த பதிவு: 1188577

தமிழ் நாட்டில் இருந்து தமிழ் மட்டுமே அறிந்தவர்கள் தமிழ்நாட்டை விட்டு வேறெங்கும் போகமுடியாது .
ஒவ்வொரு மாநிலத்து வாசிகளுக்கும் இதே கஷ்டம் இருக்குமோ !
ஆண்டவா ,உலகத்தை காப்பாற்று

ரமணியன்

மத்திய கிழக்கு & பாகிஸ்தான் போன்ற நாடுகளில் இருந்து உண்மையிலேயே அமெரிக்கா , கனடா , இங்கிலாந்து போன்ற நாடுகளுக்கு Migrate ஆகிய நிறைய பேர் இங்கு நான் பார்த்துள்ளேன் அவர்களெல்லாம் அரபி , ஆங்கிலம் இன்னும் சிலர் பிரெஞ்சு கூட நன்றாக பேச தெரிந்தவர்கள்.

இந்த சட்டத்திற்கு வேறு ஏதேனும் மறைமுக காரணம் இருக்கும்.

**T.N.Balasubramanian** · **T.N.Balasubramanian** Wed 20 Jan 2016 - 15:32

சட்டத்திற்கு உட்பட்டு நுழைந்தவர்கள் ஆங்கில மொழி அறிந்தவர்களாகவே இருப்பார் .
Illegal immigrants -- எடுபிடி வேலை செய்ய ,திருட்டுத்தனமாக நுழைந்தவர்கள் அவர்களின் எண்ணிக்கையை கட்டுப்படுத்தவே இருக்கும் ,என்று எண்ணுகிறேன் .

ரமணியன்