பதவியை நம்பி தொழிலை மறந்து விடாதே!

-

-
சுறுசுறுப்பு, அர்ப்பணிப்பு என்றால் அது சூர்யாதான்.
சொந்த பேனரில் சோஷியல் சர்வீஸ், மற்றவர்களுக்கு
மசாலா அதிரடி என்று தயாரிப்பாளரின் மனம் நோகாமல்
தன் மார்க்கெட்டை படத்துக்குப் படம் எவரெஸ்ட்டில்
ஏற்றி வருபவர்
-
24 முடிந்த கையோடு எஸ்.3 இன்ட்ரோவில் மிரட்டிக்
கொண்டிருப்பவரை ஒரு மென்மையான தருணத்தில்
சந்தித்தோம்...
-
24 பட அனுபவம் எப்படி இருக்கு?
-
இந்த மாதிரி ஸ்கிரிப்ட் கிடைக்கறது ரொம்ப அபூர்வம்.
சயின்ஸ் அண்ட் த்ரில்லர்ன்னு எல்லா அம்சங்களும் பொருந்தி
இருக்கு. இது பாகுபலி, பாஜிராவ் மஸ்தானி மாதிரி இல்லே
ஆனாலும் ஒரு ஐந்து வருடத்துக்கு பேசப்படும் படமாக இருக்கும்
-
மாஸ் மாதிரி இதுலயும் இரட்டை வேடம் போல..?
-
ஆமாம், முதல்ல இரட்டை வேடங்களில் நடிப்பதில்லை என்ற
முடிவில் இருந்தேன். சில இரட்டை வேட சப்ஜெக்ட் வந்தபோது
தவிர்த்து வந்தேன். விக்ரம்குமாரின் ஸ்கிரீன் ப்ளே பார்த்தபிறகு
அந்த முடிவை மாற்றிக் கொண்டேன்.
-
சரி; புத்தாண்டை எப்படி கொண்டாடினீர்கள்?
-
எல்லா சென்னைப் பசங்களைப் போலத்தான் நானும் இருந்திருக்கேன்.
பத்து மணிவரை அப்பா அம்மா பக்கத்துல இருப்பேன்.
அடுத்த 11 மணிக்கு மேலே நண்பர்களோடு கொண்டாட்டத்தில் இருப்பேன்.
-
சிங்கம் 3...?
-
நானும் ஹரியும் சிங்கம் பண்ணும்போது அது சிங்கம் 2வாக
மாறும்னு நாங்க நினைக்கலே வி வாண்ட் துரைசிங்கம்னு
மக்கள் கொடுத்த அமோக ஆதரவுதான் அது இரண்டாம்
பாகமாகக் காரணமாக அமைந்தது. சிங்கம் 2 வெற்றி,
அது மூன்றாம் பாகமாக இன்னும் கம்பீரத்தோடு கிளம்பக்
காரணமானது.

ஜோதிகா அடுத்த படத்தில் நடிக்கிறார்களா?
-
அவங்க பத்து வருஷத்துக்குப் பிறகு நடித்த 36 வயதினிலே
பெரிய வரவேற்பைப் பெற்றிருக்கு. எனவே அந்தப் படத்தைவிட
இன்னும் பெட்டரா கதை கிடைக்கும்பட்சத்தில் நடிப்பாங்க.
இப்ப கதை கேட்டுக்கிட்டு இருக்காங்க.
-

உங்களது 40வது பிறந்த நாளுக்கு ஜோ கொடுத்த கிஃப்ட் என்ன?
-
கிஃப்ட் கொடுப்பது, வாங்குவது என்பதைத் தாண்டியது
எங்களின் அன்பு நிலை. சம்பிரதாய பாராட்டு - பரிசுகளை
கடந்த நேசம் நிரம்பி இருக்கிறது. அது போதும்.
-
பொங்கலை எப்படி கொண்டாடுவீங்க? என்ன பிளான்?
-
பொங்கல் என்பது ஒரு வித்தியாசமான அனுபவம்தான்.
மண்ணின் மணத்தோடு வீ விளையாட்டுக்கள் சூழ்ந்த ரொம்ப
விசேஷமான ஒரு திருவிழா அது.

நாங்க குடும்பத்தோடு அப்பா பிறந்து வளர்ந்த ஊருக்குப்
போயிடுவோம். அங்கே 95 வயதிலிருக்கும் எங்கள் குடும்பத்தின்
பெரிய மனுஷி அப்பத்தாகிட்ட போய் ஆசிர்வாதம் வாங்குவோம்.

எங்க சொந்த பந்தம் அத்தனை பேரும் கூடுவிடுவார்கள்.
உறவுமுறை சொல்லி அழைத்து மனம்விட்டுப் பேசுவதும்,
வீட்டுப் பெண்கள் சேர்ந்து குலவை போட்டு வைக்கும்
பொங்கலில் அன்பு நிரம்பி வழியும்.

காரில் பயணித்த நாங்கள் மாட்டு வண்டியில் உட்கார்ந்து
அரட்டை அடித்துக் கொண்டு போவோம். அது ரொம்ப
வித்தியாசமான அனுபவமாக இருக்கும்.

நடிகர் சங்கத்துக்கு என்ன சொன்னீங்க?

அங்கே கிளீன் பண்ண வேண்டியது நிறைய இருக்கு.
நாம சொல்றதுக்கு முன்பே செயல்படத் தொடங்கியிருக்கிறார்கள்.
எல்லா உறுப்பினர்களின் அட்ரஸையும் முறையாக விசாரித்து
வாங்கி வைத்திருப்பதோடு, தீபாவளி நல்வாழ்த்தோடு,
சங்க உறுப்பினர்களுக்கு ஸ்வீட் அனுப்பியது நல்ல பலனைக்
கொடுத்திருக்கிறது. இன்னும் பண்ண வேண்டிய நல்ல காரியங்கள்
நிறைய இருக்கின்றன செய்வார்கள்.
-
பொருளாளரான தம்பிக்கு என்ன சொன்னீர்கள்?
-
பொருளாளர் பதவி நிறைய நேரத்தை சாப்பிடும் பார்த்துக்கோ.
நல்ல பொருளாளர் என்று பேர் எடுப்பதோடு நல்ல நடிகன்
என்ற பேரும் அவசியம். பதவியை நம்பு; கூடவே உன்
தொழிலையும் மறந்து விடாதேன்னு சொன்னேன்.
-

கௌதம்மேனன் படம் பண்ணப் போவதாக கேள்விப்பட்டோம்?
-
ஆமாம். பேசிக் கொண்டிருக்கிறோம். அதற்கான முறையான
அறிவிப்பு பின்னர் வரும்.
-
--------------------------------

- சபீதாஜோசப்
குமுதம்