அன்னமிட்ட கை

**ayyasamy ram** · **ayyasamy ram** Fri Jan 15, 2016 7:09 pm

பராசக்தியிடம் சென்று பாரதியார் எப்படி உரிமை கொண்டாடுவாரோ
, அதுபோலவே கிருஷ்ண பரமாத்மாவுடன் உரிமை கொண்டாடுவார்
விவேகானந்தர்.

பல சமயங்களில் விவேகானந்தர் கிருஷ்ணருடன் கோபித்துக் கொண்ட
சம்பவங்களும் நடந்ததுண்டு. அப்படியொரு முறை கோபம் கொண்ட
நிகழ்ச்சி ஆயர்பாடியில் நடந்தது.

‘இன்று உணவைத் தேடி நாம் செல்லக்கூடாது. நம்மைத் தேடி உணவு
வந்தால் மட்டுமே அதை உண்ண வேண்டும்’ என்று திடீரென்று
ஒரு வைராக்கியம் வைத்துக் கொண்டார்.

அந்த வைராக்கியத்துடனேயே சாலைகளில் நடந்து கொண்டிருந்தார்.
பசி வயிற்றைக் கிள்ளத் தொடங்கி விட்டது. கால்கள் நடுங்க ஆரம்பித்து
விட்டன.

‘அரண்டவன் கண்ணுக்கு இருண்டதெல்லாம் பேய் என்பது போல’
யாரோ தன்னை அழைப்பது போலவும், உணவுப் பொட்டலத்தை நீட்டுவது
போலவும் உணர்ந்தார். ‘ம்ஹும்… இது ஏதோ பிரமை. அது உண்மை
என்றால் நம் முன்னால் வந்து கொடுக்கட்டும். கிருஷ்ண பரமாத்மா
கொடுக்க வேண்டும் என்று நினைத்து விட்டால் கொடுத்தே தீருவார்…’

– வைராக்கியம் தொடர்ந்தது. பரமாத்மாதான் பசியைப் போக்க முடிவு
செய்து விட்டாரே! விவேகானந்தரின் முன்னால் அருவமாய் தோன்றி
உணவு கொடுத்துவிட்டு மறைந்து விட்டார்.

விவேகானந்தருக்கு எல்லா வகையிலும் பரம்பொருள் தன்னை
நிரூபித்துக் கொண்டே வந்தார்.
–
——————————–
ரேணுகா சூரியகுமார்
முத்தாரம்

சிவனாசான் · சிவனாசான் Sun Jan 17, 2016 7:16 pm

நமது கடமை என சுவாமி விவேகானந்தர் கூறுவது யாதெனில்.....பிறப்பையும்வாழ்க்கை நிலையையும் அடிப்படையாகக்கொண்ட கடமைகளைப்பற்றி பகவத்கீதை பல இடங்களில் கூறுகிறது. பிறப்பும் ,வாழ்க்கையும் சமுதாயத்தில் ஒருவன் பெறுகின்ற இடமுமே அவனது வாழ்க்கையின் பல்வேறுசெயல்பாடுகளின் மீது அவன் கொள்கின்ற மனநிலையையும் தார்மீக நிலையையும் பெருமளவிற்கு நிர்சயிக்கின்றன. எனவே நாம் எந்த சமூகத்தில் பிறந்துள்ளோமோ அந்த சமுதாயத்தின் லட்சியங்களுக்கும் பழக்க வழக்கங்களுக்கும் ஏற்ப நம்மை உயர்த்தவும் உன்னதப் படுத்தவும் உதவுகின்ற செயலே நமது கடமை...என அறிவிக்கின்றார் .

சிவனாசான் · சிவனாசான் Sun Jan 17, 2016 7:33 pm

கற்பு ;- கற்பு என்பதே ஆண் பெண் இருபாலரிடமும் இருக்கவேண்டிய முதல் நன்னெறியாகும். ஒருமனிநன் எவ்வளவுதான் வழி தவறியவனாக இருந்தாலும்மென்மையும்அன்பும் நிறைந்த கற்புமிக்க மனைவி யால் திருந்தாத மனிதன் அபூர்வமே. உலகம் அந்த அளவிற்கு இன்னும்கெட்டுவிட வில்லை,....தூய்மையாலும் கற்பாலும்வெற்றி கொள்ள முடியாத எந்த மிருகத்தனம் உள்ளது ? கணவனைத்தவிர பிற ஆடவர்கள் எல்லோரையும் தன் குழந்தையாகக் கருதி அவர்களுடன் தாயின் நிலையிலேயே பழகுகின்ற நற்பண்புமிக்க கற்பு நிறைந்த ஒரு பெண்ணின் முன்னால் வருகின்ற எந்த மனிதனும் அவன் எவ்வளவு தான் கொடியவனாக இருந்தாலும்புனிதத்தின் சூழலை உணராமல் இருக்க முடியாது. அந்த பெண்ணினுடைய தூய்மையின் ஆற்றல் அவ்வளவு உயர்ந்த தாக இருக்கும்.அதுபோலவே ஒவ்வோர் ஆணும் தன் மனைவியைத்தவிர மற்ற பெண்ணை தாயாகவோ , சகோதரியாகவோ நினைக்க வேண்டும்....உலகில் தாயின் இடம் மிகவும் உயர்ந்தது. அந்த ஓர் இடத்தில் தான்மிக உயர்ந்த சுயநலமின்மையை கற்கவும் செயல்முறை படுத்தவும் முடியும். தாயன்பைவிட மேலான அன்பு ஒன்று இருக்க முடியுமானால் அது இறையன்பு மட்டுமே . மற்ற எல்லாமே தாழ்ந்தவைதான்.

Sponsored content · Sponsored content

அன்னமிட்ட கை

அன்னமிட்ட கை

Re: அன்னமிட்ட கை

Re: அன்னமிட்ட கை

Re: அன்னமிட்ட கை

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக