23-ம் தேதி தொடங்குகிறது நட்சத்திர கிரிக்கெட் போட்டி-8 அணிகள் மோதுகின்றன

-


சென்னை, :
சிசிஎல் எனப்படும் நட்சத்திர கிரிக்கெட் போட்டியின்
6வது சீசன் வரும் 23-ம் தேதி தொடங்கி பிப்ரவரி 14-ம் தேதி வரை
நடக்கிறது.
-
இதில் சென்னை ரைனாஸ், தெலுங்கு வாரியர்ஸ், கர்நாடகா புல்டோசர்ஸ்,
கேரளா ஸ்டிரைக்கர்ஸ், மும்பை இண்டியன்ஸ், பெங்கால் டைகர்ஸ்,
பஞ்சாப் தே ஷேர், போஜ்புரி பாங்க் என 8 அணிகள் மோதுகின்றன.
-
சென்னை அணி கேப்டனாக ஜீவா உள்ளார்.
ஆர்யா, விஷ்ணு, விக்ராந்த், பரத், சாந்தனு, ஷாம், ரமணா, பிருத்வி,
போஸ் வெங்கட், சரண் உள்பட 15 வீரர்கள் இடம் பெற்றுள்ளனர்.
-
23-ம் தேதி பெங்களூரில் தொடங்கி, ஐதராபாத், அகமதாபாத், சண்டிகர்
கொச்சியில் போட்டிகள் நடக்கிறது. பிப்ரவரி 13-ம் தேதி அரையிறுதியும்
14ல் இறுதிப் போட்டியும் ஐதராபாத்தில் நடக்கிறது.
-
சென்னை ரைனோஸ் மற்றும் தெலுங்கு வாரியர்ஸ் அணிகளின் அறிமுக
நிகழ்ச்சி சென்னையில் நேற்று நடந்தது. இதில் சென்னை அணி
உரிமையாளர் ஸ்ரீ காந்த், கேப்டன் ஜீவா, தெலுங்கு அணி உரிமையாளர்
சச்சின் கோஷ், கேப்டன் அகில் அக்னினேனி, தூதுவர் நடிகைகள் பிரனிதா,
அடாசர்மா, பயிற்சியாளர் ஸ்ரீ சாந்த் உள்பட பலர் கலந்து கொண்டனர்.
-
போட்டி பற்றி இதன் நிறுவனர் விஷ்ணு இந்தூரி கூறும்போது,
‘இந்த ஆண்டு புதிதாக பஞ்சாப் அணியை சேர்த்துள்ளோம்.
இதன் கேப்டனாக நடிகர் சோனு சூட் உள்ளார். பொழுது போக்குக்காக,
ஆரம்பிக்கப்பட்ட சிசிஎல், தற்போது சமூக சேவைகளுக்கு பயன்பட்டு
வருகிறது.
-
கடந்த ஆண்டு திரட்டிய நிதியால் இதய ஆபரேஷன்கள் செய்தோம்.
இந்த ஆண்டு மும்பை ரோட்டரி கிளப் உதவியுடன், ஆசிட் வீச்சால்
பாதிக்கப்பட்டவர்களுக்கு உதவ இருக்கிறோம்’ என்றார்.
-
-----------------------