நான் கண்ட பொங்கல்

**கார்த்திக் செயராம்** · 29/10/2015

First topic message reminder :

நான் கண்ட பொங்கல்
போவியலும் வந்தாச்சி
சுவரெல்லாம் வெள்ளயாச்சி.
ஓட்டடை அடிச்சாச்சி.
வீடெல்லாம் சுத்தமாச்சி.
பண்ட பாத்திரம் கழுவியாச்சி.
குப்பை எல்லாம் எரிச்சாச்சி
தோரணைகள் கட்டியாச்சி.
அவரைக்கா கொழம்பு வச்சி
ஆண்டவனுக்கு படச்சாசி.

புது பான பச்சரிசி பாத்து நல்லா கழுவிவச்சி
பொங்கவிடும் அடுப்புக்குதான் சாணம் விட்டு மெழுகி வச்சி.
பச்சரிசி மாக்கோலம் வீடெல்லாம் இட்டு வச்சி .
நல்ல நேராம் கேட்டு வச்சி சூரியனை பாத்துவச்சி.
குடும்பமெல்லாம் சேர்ந்து நின்னு சந்தோசமா இருக்கயில
சர்க்கரை பொங்கப்பான முதலுல பொங்கையில .
சந்தோஷத்தில் பொங்கலோ பொங்கல்னு கத்தையில
பொங்கினது பானை மட்டுமா எங்கள் உள்ளமும் தானே .

பொங்க சோத்தை தின்னுபுட்டு செங்கரும்பை கடிசிகிட்டு
மாட்டை எல்லாம் ஓட்டிகிட்டு மந்தையில மேயவிட்டு
மனசெல்லாம் பொங்கிடுமே உள்ளந்தான் மலர்ந்திடுமே .

மறுநாளு காலையில மாட்டுபொங்க வந்திடுங்க.
மாட்டயேல்லாம் குளிப்பாட்டி காளைகெல்லாம் பொட்டுவச்சி.
அவரம்பூ மாலை கட்டி அழகான பொங்க வச்சி .
மாட்டை எல்லாம் ஓட்டிகிட்டு மந்தையில நிக்கவச்சி .
மனம்பொங்க கொண்டாடி வந்தோம் மாட்டு பொங்கல் .
இளவட்ட காளைகளெல்லாம் ஊர்களத்தில் ஒன்னு சேர்ந்து .
உரிபான,சீட்டாட்டம் ஊரெல்லாம் விளையாட்டு .
கோலாட்டம் கும்மியடி கொண்டையில பூக்கலடி
கண்ணிகள் பொங்கலிடும் கன்னி பொங்கல் எங்கள் காணும் பொங்கல்

நன்றி

அன்புடன் கார்த்திக் ஜெயராம் .

ஈகரை உறவுகள் அனைவருக்கும் தமிழர் திருநாளாம் இனிய பொங்கல் திருநாள் வாழ்த்துக்கள்

**krishnaamma** · **krishnaamma** Tue Jan 19, 2016 9:35 am

அருமையான கவிதை கார்த்திக் புன்னகை

**krishnaamma** · **krishnaamma** Tue Jan 19, 2016 9:35 am

யினியவன் wrote:நன்றிகள் இரண்டு இனிமை சேர்க்கிறது
அய்யா, அம்மா, அண்ணா என அழைப்பது
ஈகரை உறவுகளுக்கு வலிமை சேர்க்கிறது

ம்ம்.....

ரொம்ப சரி இனியவன் புன்னகை

**T.N.Balasubramanian** · **T.N.Balasubramanian** Tue Jan 19, 2016 11:55 am

அருமை கார்த்திக் செயராம் .
இன்றுதான் "இதை காணும் பொங்கலாக "அமைந்தது .

சிறியதோர் கிராமத்து சூழ்நிலையை
சிந்தையில் காணொலி போல் பதிவிட்டுள்ளீர் .
பல நடைமுறைகளை
கோர்வையாக
கருத்து மிக்க கவிதையில் வச்சி இருக்கீங்க !

ரசித்தேன் . அருமையிருக்கு

ரமணியன்

**ராஜா** · **ராஜா** Tue Jan 19, 2016 12:39 pm

அருமை கார்த்திக் .. நானும் இன்று தான் காணக்கிடைத்தது.

அப்படியே , பழைய நினைவுகள் மேலெழுகிறது.

அம்மாவும் அக்காவும் காய்கறிகள் நறுக்கி கொண்டிருக்க , அப்பாவும் அண்ணனும் ஆளுக்கொரு பக்கம் இருந்து சர்க்கரை பொங்கல் + வெண்பொங்கல் பானைகளை வைத்து அடுப்பெரிக்க, நானும் தம்பியும் ஆளுக்கொரு பக்கத்தை குத்தகைக்கு எடுத்து கொண்டு புன்னகை

யார் பக்கம் முதலில் பால் பொங்கும் என்று பெட்டிங் கட்டிக்கொண்டு மாற்றி மாற்றி பானையை எட்டிபார்த்து கண்களில் புகை பட்டு கண்ணீர் வரும் ஆனால் அது ஆனந்த கண்ணீர். இப்போ நினைக்கும் போதும் விழியோரம் நீர் கோர்க்கிறது.

**T.N.Balasubramanian** · **T.N.Balasubramanian** Tue Jan 19, 2016 1:05 pm

ஆஹாஹா .....மலரும் நினைவுகள் .

ரமணியன்

யினியவன் · யினியவன் Tue Jan 19, 2016 1:16 pm

T.N.Balasubramanian wrote:ஆஹாஹா .....மலரும் நினைவுகள் .

ரமணியன்

பொங்கல் என்பதால் பொங்கும் நினைவுகளாம்

**கார்த்திக் செயராம்** · 29/10/2015

பின்னூட்டம் இட்ட அம்மா, அய்யா , அண்ணா அனைத்து உறவுகளுக்கும் நன்றி ..

ஒரு கிராமத்து சூழல் கவிதை நடையில் கொடுத்துள்ளேன் ..இந்த படைப்பிற்கு இத்துணை வரவேற்புகள் கிடைத்தது எனக்கு கிடைத்த வெற்றியே ..

நேற்று நமது ஈகரை வாட்ஸ் அப் செயலியில் பதிவு செய்த குறுங் கவிதை உங்களுக்காக இது விளையாட்டாக அந்த சமயத்தில் பதித்தேன் ..

முகம் காணா உறவுகள் :-

அம்மா என்றேன் அம்மா கிடைத்தாள்.
அய்யா என்றேன் அய்யா கிடைத்தார்.
அண்ணா என்றேன் அண்ணன் கிடைத்தார் .
தம்பி என்றேன் தம்பிகள் கிடைத்தனர் .
நண்பா என்றேன் நண்பர்கள் கிடைத்தனர் .

உறவுகளே என்றேன் அனைவரும் கிடைத்தனர் .

இதுவே ஈகரையின் வெற்றி ...உயிரோட்டமான வெற்றி ..

ஒரு சாதாரண மனிதனாக இருந்த என்னையும்

ஒரு படைப்பாளியாக
ஒரு சமுதாய சாடலன்னாக.
ஒரு கவிதையாளனாக.
ஒரு எழுத்தாளனாக .

மாற்றியது இந்த ஈகரை எனும் உறவே ..

"எக்கரையும் இல்லை என்றாலும் நம் மீது அக்கறை காட்ட ஈகரை எனும் சர்க்கரை உண்டு "

கல்லையும் கரைத்து
சிற்பமாய் வடித்து .
தவறுகளை செதுக்கி .
கண்ணையும் தந்து .
உயிர் தந்து .
மொழி தந்து .
இனம் தந்து .
வாழ்வு தந்து .
கவி தந்து .

என அனைத்தையும் தருகின்ற ஈகரை நான் ஒருபோதும் மறவேன் .

நன்றி .. நான் கண்ட பொங்கல் - Page 2 1571444738

**krishnaamma** · **krishnaamma** Tue Jan 19, 2016 6:12 pm

கார்த்திக் செயராம் wrote:பின்னூட்டம் இட்ட அம்மா, அய்யா , அண்ணா அனைத்து உறவுகளுக்கும் நன்றி ..

ஒரு கிராமத்து சூழல் கவிதை நடையில் கொடுத்துள்ளேன் ..இந்த படைப்பிற்கு இத்துணை வரவேற்புகள் கிடைத்தது எனக்கு கிடைத்த வெற்றியே ..

நேற்று நமது ஈகரை வாட்ஸ் அப் செயலியில் பதிவு செய்த குறுங் கவிதை உங்களுக்காக இது விளையாட்டாக அந்த சமத்தில் பதித்தேன் ..

முகம் காணா உறவுகள் :-

அம்மா என்றேன் அம்மா கிடைத்தாள்.
அய்யா என்றேன் அய்யா கிடைத்தார்
அண்ணா என்றேன் அண்ணன் கிடைத்தார் .
தம்பி என்றேன் தம்பிகள் கிடைத்தனர் .
நண்பா என்றேன் நண்பர்கள் கிடைத்தனர் .

உறவுகளே என்றேன் அனைவரும் கிடைத்தனர் .

இதுவே ஈகரையின் வெற்றி ...உயிரோட்டமான வெற்றி ..

ஒரு சாதாரண மனிதனாக இருந்த என்னையும்

ஒரு படைப்பாளியாக
ஒரு சமுதாய சாடலன்னாக.
ஒரு கவிதையாளனாக.
ஒரு எழுத்தாளனாக .

மாற்றியது இந்த ஈகரை எனும் உறவே ..

"எக்கரையும் இல்லை என்றாலும் நம் மீது அக்கறை காட்ட ஈகரை எனும் சர்க்கரை உண்டு "

கல்லையும் கரைத்து
சிற்ப்பமாய் வடித்து .
தவறுகளை செதுக்கி .
கண்ணையும் தந்து .
உயிர் தந்து .
மொழி தந்து .
இனம் தந்து .
வாழ்வு தந்து .
கவி தந்து .

என அனைத்தையும் தருகின்ற ஈகரை நான் ஒருபோதும் மறவேன் .

நன்றி ..

மேற்கோள் செய்த பதிவு: 1188472

சூப்பர் கார்த்திக், இரவே பார்த்தேன் புன்னகை

...............இதில் இன்னும் அதிக வரிகள் இருக்கு!.............உங்கள் கற்பனை அழகாக விரிகிறது.............வாழ்த்துகள்!................. மகிழ்ச்சி

**ராஜா** · **ராஜா** Tue Jan 19, 2016 7:30 pm

உண்மை கார்த்திக் நிறைய நேரத்தில் ஈகரை தான் எல்லாவற்றையும் மறக்க வைத்து புத்துணர்ச்சியை தந்திருக்கிறது

Sponsored content · Sponsored content

நான் கண்ட பொங்கல்

நான் கண்ட பொங்கல்

Re: நான் கண்ட பொங்கல்

Re: நான் கண்ட பொங்கல்

Re: நான் கண்ட பொங்கல்

Re: நான் கண்ட பொங்கல்

Re: நான் கண்ட பொங்கல்

Re: நான் கண்ட பொங்கல்

Re: நான் கண்ட பொங்கல்

Re: நான் கண்ட பொங்கல்

Re: நான் கண்ட பொங்கல்

Re: நான் கண்ட பொங்கல்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக