ஜல்லிக்கட்டு தேவையா! - சத்குரு சொல்வதென்ன?

**ayyasamy ram** · **ayyasamy ram** Thu 14 Jan 2016 - 20:03

-
ஒரு பெண்ணுக்கு அழகு எப்படியோ, அதைப் போலத்தான்
ஆணுக்கு வீரமும். தன் வீரத்தையும், தன் துணிவையும்,
தன் திறமையையும் வெளிபடுத்தக்கூடிய பல வாய்ப்புகளை
கிராமப்புற இளைஞர்கள் இன்று இழந்து நிற்கிறார்கள்.

தமிழ்நாட்டின் பாரம்பரிய விளையாட்டான ஜல்லிக்கட்டு,
கிராமப்புறத்தைச் சேர்ந்த தமிழக இளைஞர்கள் தங்கள் வீரத்தை,
தங்கள் ஆற்றலை வெளிப்படுத்திக் கொள்வதற்கான ஒரு வாய்ப்பு.
இவை எல்லாவற்றையும்விட, மது போதை பழக்கங்களுக்கு
இளைஞர்கள் அடிமையாகாமல் இருக்க இது வழிசெய்கிறது.

ஏனெனில், இதுபோன்ற ஒரு வீரவிளையாட்டினை விளையாட
ஒருவர் துடிப்புள்ளவராய், போட்டியிடக் கூடியவராய்,
தீரம் மிகுந்தவராய் இருப்பது மிகமிக அவசியம்.
-
ஜல்லிக்கட்டில் ஈடுபடும் காளைகள் ஒருபோதும் கொல்லப்படுவதில்லை,
துன்புறுத்தப்படுவதில்லை. விளையாட்டில் ஏற்படும் காயம், இரத்த சேதம்,
உயிரிழப்பு போன்றவை மனிதர்களுக்கு மட்டுமே நடக்கிறது,
காளைகளுக்கு அல்ல. விலங்குகளின் உரிமை, விலங்குகள் வதை என்று
பேசுபவர்கள், இந்த விஷயத்தில் உண்மையான ஆர்வத்துடன் இருந்தால்,
தினமும் லட்சக்கணக்கான மிருகங்களை இறைச்சிக்காக வெட்டுகிறார்களே
முதலில் அதை நிறுத்தட்டும்.
-
ஒரு மிருகத்தை உணவிற்காக அல்ல, ஏற்றுமதி செய்வதற்காக கொலை
செய்யும் மிகக் கொடுமையான பழக்கத்தை தடைசெய்வது அவசியம்.
மாட்டுக்கறி ஏற்றுமதியில் இந்தியா முன்னிலையில் உள்ளது வெட்கக்கேடான
ஒரு விஷயம்.
--
நமக்கு ஊட்டமளித்து, நமக்காக உழைத்து, நம் மண்ணை வளப்படுத்திய
இந்த உயிர்களை, உணவிற்காக மட்டுமல்லாமல், ஏற்றுமதி செய்து பணம்
சம்பாதிப்பதற்காகவும் வெட்டுகிறோம். நாம் நம் தாயின் பாலை பருகியதைப்
போலவே இந்த ஜீவராசியின் பாலினை அருந்துகிறோம்,
அதையே கொன்று வெளிநாடுகளுக்கும் ஏற்றுமதி செய்கிறோம், இது அசிங்கம்.
-
ஜல்லிக்கட்டுக்கு எதிராக போரிட்டு, தமிழ்நாட்டிலுள்ள கிராமப்புற
இளைஞர்களுக்கு கிடைக்கும் எளிமையான சந்தோஷத்தை அழிப்பது முறையல்ல.
-
----------------
தினமலர்

K.Senthil kumar · K.Senthil kumar Thu 14 Jan 2016 - 21:03

தமிழராக இல்லாவிடினும் யோகி சத்குரு தமிழக மக்களின் ஒவ்வொரு தமிழ் இளைஞர்களின் இதயத்தில் இருக்ககூடிய வார்த்தைகளை உதிர்த்திருக்கிறார் ..

ஜல்லிக்கட்டு தேவையா! - சத்குரு சொல்வதென்ன? 3838410834

ஜல்லிக்கட்டு தேவையா! - சத்குரு சொல்வதென்ன? 3838410834

ஜல்லிக்கட்டு தேவையா! - சத்குரு சொல்வதென்ன? 103459460

ஜல்லிக்கட்டு தேவையா! - சத்குரு சொல்வதென்ன? 1571444738

**M.Jagadeesan** · **M.Jagadeesan** Thu 14 Jan 2016 - 21:16

இலக்கியங்களில் கூறப்பட்டுள்ள ஏறுதழுவுதல் இப்போது இல்லை . வேலியால் அடைக்கப்பட்ட ஒரு வட்டமான இடத்தில் ஒரு காளையையும் , அதை அடக்க முற்படும் வீரனையும் , ( இருவரை மட்டுமே ) அனுமதிப்பார்கள் . அந்த வீரன் காளையின் முன்புறமாகச் சென்று , கொம்பைப் பிடித்துக் காளையை அடக்கவேண்டும் . அவ்வாறு அடக்கிய வீரனுக்குப் பெண்ணை , மணம் முடித்துக் கொடுப்பார்கள் . ஆனால் இப்போது பலர்சேர்ந்து ஒரு காளையை அடக்கினால் , அதை வீரம் என்று எப்படி ஏற்றுக்கொள்ள முடியும் ?

K.Senthil kumar · K.Senthil kumar Thu 14 Jan 2016 - 21:33

இன்றைய இளைஞர்களின் வீரத்திற்கு நிகரான காளைகள் இல்லை ஐயா.....

அன்று ஒரு இளைஞன் மாட்டுடன் மோதுவதும் இன்று பத்து இளைஞர்கள் மோதுவதும் ஒன்று என நினைத்துதான் அவ்வாறு அனுமதிக்கிறாகள் ஐயா..

**Dr.S.Soundarapandian** · **Dr.S.Soundarapandian** Thu 14 Jan 2016 - 21:42

நன்றி ஐயாசாமி அவர்களே !

இந்த பதிவைத் துவங்கியவர் நன்றி கூறியுள்ளார் Dr.S.Soundarapandian

Sponsored content · Sponsored content

ஜல்லிக்கட்டு தேவையா! - சத்குரு சொல்வதென்ன?

ஜல்லிக்கட்டு தேவையா! - சத்குரு சொல்வதென்ன?

Re: ஜல்லிக்கட்டு தேவையா! - சத்குரு சொல்வதென்ன?

Re: ஜல்லிக்கட்டு தேவையா! - சத்குரு சொல்வதென்ன?

Re: ஜல்லிக்கட்டு தேவையா! - சத்குரு சொல்வதென்ன?

Re: ஜல்லிக்கட்டு தேவையா! - சத்குரு சொல்வதென்ன?

Re: ஜல்லிக்கட்டு தேவையா! - சத்குரு சொல்வதென்ன?

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக