ஆயுதங்களுடன் பிடிபட்ட அமெரிக்க கப்பல்: இந்தியர்கள் உள்பட 35 பேருக்கு 5 ஆண்டு சிறை!

**கார்த்திக் செயராம்** · 29/10/2015

ஆயுதங்களுடன் அமெரிக்க கப்பல் பிடிபட்ட வழக்கில், 35 பேருக்கு தலா 5 ஆண்டு சிறைத் தண்டனை விதித்து தூத்துக்குடி நீதிமன்றம் தீர்ப்பளித்துள்ளது.

கடந்த 2013-ம் ஆண்டு அக்டோபர் 10ம் தேதி, தூத்துக்குடி அருகே இந்திய கடல் பகுதிக்குள், ஆயுதங்களுடன் அத்துமீறி நுழைந்ததாக அமெரிக்க தனியார் நிறுவனத்துக்கு சொந்தமான ‘‘சீமேன் கார்டு ஓகியோ’’ என்ற கப்பல் பிடிபட்டது. இந்த கப்பலில் இருந்த 10 மாலுமிகள் உள்பட 35 பேரை, கியூ பிரிவு காவல்துறையினர் கைது செய்தனர். அவர்களில் இந்தியாவை சேர்ந்த 12 பேர், உக்ரைனை சேர்ந்த 3 பேர், எஸ்டோனியாவை சேர்ந்த 14 பேர், இங்கிலாந்தை சேர்ந்த 6 பேர் ஆவர்.

மேலும், அமெரிக்க கப்பலுக்கு டீசல் வழங்கியதாக மரிய அன்டனி, விஜய் ரஞ்சித்குமார், விஜய், செல்வம், முருகேசன் உள்பட 8 பேர் கைது செய்யப்பட்டனர்.

தமிழகத்தின் வெவ்வேறு சிறைகளில் அடைக்கப்பட்டிருந்த இவர்கள் மீதான வழக்கு, தூத்துக்குடி முதலாவது குற்றவியல் நீதித்துறை நடுவர் மன்றத்தில் நடந்து வந்தது. இந்த வழக்கு விசாரணை கடந்த 2015-ம் ஆண்டு முடிவடைந்து தேதி குறிப்பிடாமல் தீர்ப்பு தேதி தள்ளிவைக்கப்பட்டது.

இந்த வழக்கில் இன்று தீர்ப்பளித்த தூத்துக்குடி நீதிமன்றம், இந்தியர்கள் உள்பட 35 பேருக்கு தலா 5 ஆண்டு சிறைத் தண்டனை விதித்ததோடு, அமெரிக்க கப்பலுக்கு டீசல் வழங்கியதாக கைது செய்யப்பட்ட 8 பேரை விடுதலை செய்தது.

இதனிடையே, இந்த தீர்ப்பை எதிர்த்து மேல்முறையீடு செய்யப்போவதாக கப்பல் நிறுவனத் தரப்பு வழக்கறிஞர் சுப்பிரமணிய ஆதித்தன் தெரிவித்துள்ளார்.

நன்றி விகடன் செய்தி

**ayyasamy ram** · **ayyasamy ram** Tue Jan 12, 2016 7:41 am

ஆயுதங்களுடன் பிடிபட்ட அமெரிக்க கப்பல்: இந்தியர்கள் உள்பட 35 பேருக்கு 5 ஆண்டு சிறை! 103459460

-
மேலும் சில விபரம்
-------------

குற்றவாளிகள் எந்த நாட்டவர்கள் ?
--
* எஸ்டோனியாவை சேர்ந்த 14 பேர்
* பிரிட்டனை சேர்ந்த 6 பேர்
* இந்தியாவை சேர்ந்தவர்கள் 12 பேர்
* உக்ரைன் நாட்டை சேர்ந்தவர்கள் 3 பேர்
-
வழக்கு கடந்து வந்த பாதை :
-
* 2013ம் ஆண்டு அக்டோபர் மாதம் 12 ம் வழக்கு பதிவு
* 30 - 12 - 2013 ல் குற்றப்பத்திரிக்கை தாக்கல்
* 2,163 பக்கம் கொண்ட குற்றப்பத்திரிக்கை
* 69 சாட்சிகளிடம் விசாரணை
* 10- 07- 2014 ல் மதுரை கோர்ட்டில் வழக்கு செல்லாது என தடை
* 01 - 07- 2015 ல் சுப்ரீம் கோர்ட் வழக்கை விசாரிக்க உத்தரவு.
-
-------------------------------------
தினமலர்

இந்த பதிவைத் துவங்கியவர் நன்றி கூறியுள்ளார் ayyasamy ram

ஆயுதங்களுடன் பிடிபட்ட அமெரிக்க கப்பல்: இந்தியர்கள் உள்பட 35 பேருக்கு 5 ஆண்டு சிறை!

ஆயுதங்களுடன் பிடிபட்ட அமெரிக்க கப்பல்: இந்தியர்கள் உள்பட 35 பேருக்கு 5 ஆண்டு சிறை!

Re: ஆயுதங்களுடன் பிடிபட்ட அமெரிக்க கப்பல்: இந்தியர்கள் உள்பட 35 பேருக்கு 5 ஆண்டு சிறை!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக