நுண்துளை தண்டுவட அறுவைசிகிச்சை-அரசு மருத்துவமனை சாதனை

பெண்ணுக்கு நுண்துளை தண்டுவட அறுவைசிகிச்சை: முதல்முறையாக மதுரை அரசு மருத்துவமனை சாதனை



நுண்துளை முதுகு தண்டுவட அறுவைசிகிச்சை நடந்த பெண் மற்றும் குணப்படுத்திய மருத்துவக் குழுவுடன் டீன் எம்.ஆர்.வைரமுத்துராஜு | படம். எஸ்.கிருஷ்ணமூர்த்தி.


தமிழகத்தில் அரசு மருத்துவமனைகளிலேயே முதல் முறையாக மதுரை அரசு ராஜாஜி மருத்துவமனையில் ரூ.56 லட்சம் மதிப்புள்ள நியூரோ மானிட்டர் கருவி மூலம் முதுகு தண்டுவடத்தில் ஏற்பட்ட நரம்பு விலகலைக் கண்டுபிடித்து, எண்டோஸ்கோபி அறுவை சிகிச்சையில் வெற்றிகரமாக குணப்படுத்தி மருத்துவர்கள் சாதனை படைத்துள்ளனர்.

மதுரை மேலஅனுப்பானடியை சேர்ந்தவர் அப்துல்கலாம் ஆசாத். இவர் கார்பெண்டராக பணிபுரிந்து வருகிறார். இவரது மனைவி ஹாஜிரா பேகம். இவர் டெய்லராக பணிபுரிந்து வந்தார். சில மாதங்களுக்கு முன் ஹாஜிரா பேகம் சாலையில் நடந்து சென்றபோது பைக் மோதியதில் முதுகு தண்டுவடத்தில் காயம் ஏற்பட்டது.

சிகிச்சை எடுத்துக்கொண்ட பின்பும் முதுகு வலி நிற்கவில்லை. ஒரு கட்டத்தில் வலி கடுமையானதால் இவரால் நடக்க முடியவில்லை. சிகிச்சைக்காக மதுரை அரசு ராஜாஜி மருத்துவமனையில் இவர் சேர்க்கப்பட்டார்.

முடநீக்கியல் துறைத் தலைவர் பேராசிரியர் பி.வி.புகழேந்தி மற்றும் அவரது மருத்துவ குழுவினர் பேராசிரியர்கள் ஆர்.சிவக்குமார், பி.சிவக்குமார் ஆகியோர் எம்ஆர்ஐ ஸ்கேன் எடுத்து பரிசோதனை மேற்கொண்டனர்.

அவரது முதுகு தண்டுவடத்தில் குறுத்தெலும்பு நரம்பு ஜவ்வு விலகியிருப்பதும், நரம்பு அழுத்தம் அதிகமாகி இடது கால் விரல்கள் செயல்திறன் படிப்படியாகக் குறைந்துவருவதும் தெரியவந்தது. இதையடுத்து, மருத்துவக் குழுவினர் கடந்த 10 நாள்களுக்கு முன் ஹாஜிரா பேகத்துக்கு எண்டோஸ்கோபி கருவி மூலம் முதுகு தண்டுவடத்தில் நுண்துளையிட்டு அறுவை சிகிச்சை செய்து நரம்பு ஜவ்வு விலகலை வலியில்லாமல் சரிசெய்தனர்.

அறுவைசிகிச்சை முடிந்த 2 நாளிலேயே ஹாஜிரா பேகம் எழுந்து நடக்க ஆரம்பித்தார். ஆரம்ப காலத்தில் இதுபோன்ற சிகிச்சையில் முதுகு தண்டுவடத்தை கிழித்து திறந்து அறுவை சிகிச்சை நடந்துவந்தது குறிப்பிடத்தக்கது.

நன்றி தமிழ் ஹிந்து

ரமணியன்

மருத்துவ குழுவினருக்கும் டீன் அவர்களுக்கும் வாழ்த்துகள் .
அரசு மருத்துவமனைகளில் இது மாதிரி மருத்துவ சாதனைகள்,
மக்கள் மத்தியில் நல்லதொரு நல்லெண்ணத்தை உண்டாக்கும் .

ரமணியன்

இதே மருத்துவர்கள் தனியார் மருத்துவமனையில் அதே அறுவைசிகிச்சையை பல செய்து இருப்பார்கள்..

அரசு மருத்துவ மனையில் இது சாதனை தான்..

காலம் கடந்த சாதனை செய்த மருத்துவர்களுக்கு பாராட்டுகள்..

நீங்கள் சொன்னால் சரிதான் கார்த்திக் செயராம் !

ரமணியன்

T.N.Balasubramanian wrote:நீங்கள் சொன்னால் சரிதான் கார்த்திக் செயராம் !

ரமணியன்

மேற்கோள் செய்த பதிவு: 1188072

அய்யா நான் மருத்துவ துறையையோ மருத்துவரையோ தவறாக கூறவில்லை..
கடவுளுக்கு இணையாக வணங்கபடும் மனிதன் மருத்துவர்கள் மட்டுமே..

ஆனால் பணத்திற்காக தனியார் மருத்துவ மனையில் காட்டும் ஆர்வத்தை அரசு மருத்துவ மனையில் காட்ட தயங்குவது

நம்ம மருத்துவ துறையின் சாபகேடே..ஒரு சிலர் என்று கூறுவதைவிட பெரும்பாலான மருத்துவர்கள் அப்படி தான்.

நீங்க சொன்னதைதானே வழி மொழிந்தேன் , கார்த்திக்

ரமணியன்

http://www.eegarai.net/t125335p840-topic#1187373

கார்த்திக் செயராம் wrote:

T.N.Balasubramanian wrote:நீங்கள் சொன்னால் சரிதான் கார்த்திக் செயராம் !

ரமணியன்

மேற்கோள் செய்த பதிவு: 1188072

அய்யா நான் மருத்துவ துறையையோ மருத்துவரையோ தவறாக கூறவில்லை..
கடவுளுக்கு இணையாக வணங்கபடும் மனிதன் மருத்துவர்கள் மட்டுமே..

ஆனால் பணத்திற்காக தனியார் மருத்துவ மனையில் காட்டும் ஆர்வத்தை அரசு மருத்துவ மனையில் காட்ட தயங்குவது

நம்ம மருத்துவ துறையின் சாபகேடே..ஒரு சிலர் என்று கூறுவதைவிட பெரும்பாலான மருத்துவர்கள் அப்படி தான்.

மேற்கோள் செய்த பதிவு: 1188073

நன்றி ஐயா நல்ல தகவலை பகிர்ந்து கொண்டமைக்கு. 
கார்த்திக் அரசு மருத்துவமனையில் மருத்துவர்களின் தவறு ஒன்றும் இல்லை. 
உள்கட்டமைப்பு, உபகரணங்கள்,தரமான மருந்துகள் எல்லாம் அரசு சரியாக வாங்கினால் அனைத்து மருத்துவர்களும் சாதனையாளர்கள் தான். 
தவறு அரசினுடையது.