அறியாயோ.... அஞ்சுகமே .....

K.Senthil kumar · K.Senthil kumar Fri Jan 08, 2016 7:24 pm

First topic message reminder :

அறியாயோ.... அஞ்சுகமே .....

மருதாணி பறிச்சுவந்து
ஆட்டுரலில் அரச்சுவந்து
என் விரலில் உருட்டி உருட்டி –உன்
உள்ளங்கையில ஒட்டிவச்சா
உச்சந்தல குளுரடிச்சு
கூச்சத்துல சிலுத்துக்குவ
சின்ன பொண்ணே தெரியாதா..??

உன் மூக்குகீழ தூசு அத
ஒனக்கு நான் தொடச்சிவிட
காலையில நீ வந்து
கண்ணாடி பாக்கையில
செவந்த மீச கொஞ்சம்
செரப்பத்தான் மொளச்சிருக்கும்
ஊரே குலுங்கி அத
ஒக்காந்து சிரிச்ச கத
ஒனக்குந்தான் தெரியாதா..???

பாண்டி வெளையாட்ட
பக்குவமா நீயாட
நொண்டி வெளையாட்ட –நீ
நொனசொல்லி நானாட
உப்புமூட்ட ஒன்ன தூக்கி
ஒருவீதி சுத்திவந்து
எறங்க சொல்லி நான் கேக்க
எறங்காம நீ இருக்க –நான்
இடுச்சி விட்டதால –நீ
இடுப்போடிஞ்சி போனகத
எலஞ்சியமே தெரியாதா ...??

ஆளுக்கொரு பிடிச்ச
அரிசியத்தான் எடுத்துவந்து
கரிசமர வெறகு கொல்லி
கணக்கத்தான் பொருக்கிவந்து
ஆத்துகோயில் பக்கத்துல
அடுப்பத்தான் பத்தவச்சு
கூட்டாஞ்சோறு ஆக்கிதின்னு
கொண்டாடி குளுந்தோமே
கொஞ்சங்கூட தெரியாதா...??

கரடோரம் மாடுமேய்க்க
கயிர்புடிச்சி நடக்கையில
ஓமாடு முன்ன போக
ஏமாடு பின்ன வர
கோமியத்த ஓமாடு
கொடங்கோடமா அடிச்சிவிட
பாவாட நனைஞ்சதால
பசங்க கண்ணு பட்டுடாம –நீ
பதுங்கி பதுங்கி நடந்த கத
பச்சமண்ணே தெரியாதா..??

ஒங்க ஊட்டு வாசலுல
பொங்கலுக்கு கோலம்போட
நீ கொஞ்சம் கோடிழுக்க
நான் கொஞ்சம் கலரடிக்க
ஒரு நாள் முழுக்க அத
ஒக்காந்து ரசிப்போமே
ஒனக்கு அது தெரியாதா..??

வாழதோப்பு ஓரத்துல
வரப்போரம் நடக்கையில
வாழக்கா நான் பறிக்க
வாஞ்சையோட நீ கடிக்க
வரிபல்லு கரையாள –நீ
அர கெழவியான கத –என்
அஞ்சுகமே தெரியாதா...??

வயசுக்கு நீ வந்த பின்ன
வெளையாட வாரத்துக்கு
ஓஊட்டுல தடவிழுகவிழ
ஏமனசுல இடிவிழுகவிழ
இடிஞ்ச மனசோட
இத்தன நாள் இருக்கேனே
இந்த கத ஒனக்குந்தான்
இப்பவரைக்கும் தெரியாதா..??

கே.செந்தில்குமார்

K.Senthil kumar · K.Senthil kumar Sat Jan 09, 2016 1:37 pm

M.Jagadeesan wrote:நாட்டுப்புற கவிதை மிகவும் நன்று . தொடர்க !

மேற்கோள் செய்த பதிவு: 1186561

மிக்க நன்றி ஐயா ....

K.Senthil kumar · K.Senthil kumar Sat Jan 09, 2016 1:41 pm

krishnaamma wrote:நாட்டுப்புற கவிதை ரொம்ப நல்லா இருக்கு செந்தில்...........தொடருங்கள்................
.
.
.நொனசொல்லி என்பது போலவே "நொட்டை சொல்லறாங்க" என்று கூட சொல்வார்கள் தானே?

மேற்கோள் செய்த பதிவு: 1186565
தங்களின் பாராட்டுக்கு நன்றி அம்மா ..
நொட்டை என்பதை இங்கு நோட்டம் சொல்லுதல் என்று சொல்வார்கள் அம்மா

**கார்த்திக் செயராம்** · 29/10/2015

அருமை செந்தில் நீண்ட நாள் கழித்து கிராமிய தெம்மாங்கு பாடல் கேட்ட உணர்வு..நன்றி

**krishnaamma** · **krishnaamma** Sat Jan 09, 2016 1:43 pm

K.Senthil kumar wrote:
krishnaamma wrote:நாட்டுப்புற கவிதை ரொம்ப நல்லா இருக்கு செந்தில்...........தொடருங்கள்................
.
.
.நொனசொல்லி என்பது போலவே "நொட்டை சொல்லறாங்க" என்று கூட சொல்வார்கள் தானே?
மேற்கோள் செய்த பதிவு: 1186565
தங்களின் பாராட்டுக்கு நன்றி அம்மா ..
நொட்டை என்பதை இங்கு நோட்டம் சொல்லுதல் என்று சொல்வார்கள் அம்மா

மேற்கோள் செய்த பதிவு: 1186568

ஒ.. அப்படியா?........சரிசரி புன்னகை

K.Senthil kumar · K.Senthil kumar Sat Jan 09, 2016 1:46 pm

T.N.Balasubramanian wrote:
sendhilkumar wrote:நாட்டுபுற பாடல் வடிவம் புரிந்துகொள்ள கடினமாக இருப்பது போல் தெரிந்தால் சொல்லுங்கள் ஐயா. அந்த நடையை நான் கைவிட்டுவிடுகிறேன்.

நடையை மாற்றவேண்டாம் . அவசியமுமில்லை .
புதிதாக சில விஷயங்களை கற்றுக் கொள்வதில் எனக்கு விருப்பமே !
நன்றி ,தொடர்ந்து உங்கள் பணியை தொடருங்கள் .
சந்தேக விளக்கங்களுக்கு நன்றி , செந்தில் .
நேற்று உங்களுடன் பேசியதில் மகிழ்ச்சி .

ரமணியன்

மேற்கோள் செய்த பதிவு: 1186545

எனக்கும் நேற்று தங்களுடன் பேசியது இன்ப அதிர்ச்சியாக தான் ஐயா இருந்தது
மிகவும் மகிழ்ச்சியடைந்தேன்.எதிர்பாராத வேளையில் நடந்த நிகழ்வு. தங்களிடம் என்ன பேசுவதென்று தெரியாமல் சற்று நேரம் திகைத்துத்தான் போனேன் ஐயா .....

**T.N.Balasubramanian** · **T.N.Balasubramanian** Sat Jan 09, 2016 2:00 pm

K.Senthil kumar wrote:
T.N.Balasubramanian wrote:
sendhilkumar wrote:நாட்டுபுற பாடல் வடிவம் புரிந்துகொள்ள கடினமாக இருப்பது போல் தெரிந்தால் சொல்லுங்கள் ஐயா. அந்த நடையை நான் கைவிட்டுவிடுகிறேன்.

நடையை மாற்றவேண்டாம் . அவசியமுமில்லை .
புதிதாக சில விஷயங்களை கற்றுக் கொள்வதில் எனக்கு விருப்பமே !
நன்றி ,தொடர்ந்து உங்கள் பணியை தொடருங்கள் .
சந்தேக விளக்கங்களுக்கு நன்றி , செந்தில் .
நேற்று உங்களுடன் பேசியதில் மகிழ்ச்சி .

ரமணியன்
மேற்கோள் செய்த பதிவு: 1186545

எனக்கும் நேற்று தங்களுடன் பேசியது இன்ப அதிர்ச்சியாக தான் ஐயா இருந்தது
மிகவும் மகிழ்ச்சியடைந்தேன்.எதிர்பாராத வேளையில் நடந்த நிகழ்வு. தங்களிடம் என்ன பேசுவதென்று தெரியாமல் சற்று நேரம் திகைத்துத்தான் போனேன் ஐயா .....

மேற்கோள் செய்த பதிவு: 1186572

புன்னகை

ரமணியன்

**ஜாஹீதாபானு** · **ஜாஹீதாபானு** Sat Jan 09, 2016 2:36 pm

கவிதை வரிகள் அருமை செந்தில் ...

எங்க ஊர்ல இந்த நொன நொட்டுக்கு ஒன்னும் குறைச்சலில்லை என சொல்வாங்க...

K.Senthil kumar · K.Senthil kumar Sat Jan 09, 2016 7:38 pm

கார்த்திக் செயராம் wrote:அருமை செந்தில் நீண்ட நாள் கழித்து கிராமிய தெம்மாங்கு பாடல் கேட்ட உணர்வு..நன்றி

மேற்கோள் செய்த பதிவு: 1186569

நன்றி கார்த்திக் ..

உங்களால் ரமணின் ஐயாவுடன் பேசும் வாய்ப்பு கிடைத்தது.
வாய்ப்பை ஏற்படுத்தி கொடுத்த உங்களுக்கு மீண்டும் ஒருமுறை நன்றி சொல்லி கொள்கிறேன் கார்த்திக் ..

**கார்த்திக் செயராம்** · 29/10/2015

களத்து மேட்டு பக்கம் புல் அருக்க போகயில.(நான்)
கன்டாங்கி சேலை ஒன்னு சந்தையில் வாங்கிவர
கன்டவங்க பாத்திடாம ஒளிந்து நின்று பாக்கயில.(நீ)
கண்ணான கண்ணனுக்கு கடி முத்தம் கொடுத்தாயே.(உன்)
கன்னக்குழி சிரிப்புக்கு தான் உலகத்தையே தந்திடலாமா.

அருமை செந்தில் ...

K.Senthil kumar · K.Senthil kumar Sat Jan 09, 2016 7:46 pm

ஜாஹீதாபானு wrote:கவிதை வரிகள் அருமை செந்தில் ...

எங்க ஊர்ல இந்த நொன நொட்டுக்கு ஒன்னும் குறைச்சலில்லை என சொல்வாங்க...

மேற்கோள் செய்த பதிவு: 1186580

நன்றி பானு அக்கா ...

வட்டார வழக்கை பயன்படுத்தி எழுதிவிட்டோமே, சுவைக்காமல் போய்விடுமோ என்று சிறிது தடுமாறித்தான் போனேன்.
நீங்கள் அதுபோன்ற வார்த்தைகளை அறிந்திருப்பதால் நான் இனி கவலை கொள்ள தேவையில்லை .

Sponsored content · Sponsored content

அறியாயோ.... அஞ்சுகமே .....

அறியாயோ.... அஞ்சுகமே .....

Re: அறியாயோ.... அஞ்சுகமே .....

Re: அறியாயோ.... அஞ்சுகமே .....

Re: அறியாயோ.... அஞ்சுகமே .....

Re: அறியாயோ.... அஞ்சுகமே .....

Re: அறியாயோ.... அஞ்சுகமே .....

Re: அறியாயோ.... அஞ்சுகமே .....

Re: அறியாயோ.... அஞ்சுகமே .....

Re: அறியாயோ.... அஞ்சுகமே .....

Re: அறியாயோ.... அஞ்சுகமே .....

Re: அறியாயோ.... அஞ்சுகமே .....

Re: அறியாயோ.... அஞ்சுகமே .....

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக