மூடுவிழா காணும் எச்.எம்.டி., வாட்ச் தொழிற்சாலை :(

**krishnaamma** · **krishnaamma** Wed Jan 06, 2016 10:49 pm

புதுடில்லி: நலிவடைந்த, எச்.எம்.டி., வாட்சஸ் உட்பட, மூன்று பொதுத்துறை நிறுவனங்களை மூட, டில்லியில், பிரதமர் மோடி தலைமையில், நடைபெற்ற, பொருளாதார விவகாரங்களுக்கான அமைச்சரவை குழு கூட்டத்தில் ஒப்புதல் அளிக்கப்பட்டது.

பெங்களூரில் உள்ள, எச்.எம்.டி., வாட்சஸ், ஜம்முவில் உள்ள எச்.எம்.டி., சினார் வாட்சஸ், ஐதராபாத்தை சேர்ந்த, எச்.எம்.டி., பியரிங்ஸ் என, மூன்று நிறுவனங்கள் மூடப்பட உள்ளன. இந்நிறுவனங்களைச் சேர்ந்த, 1,000 தொழிலாளர்கள், 2007ம் ஆண்டு ஊதிய விகிதத்தின் கீழ், தங்களது விருப்ப ஓய்வூதிய திட்ட சலுகைகளை பெறுவர். இதற்காக, மத்திய அரசு, 427 கோடி ரூபாய் நிதியுதவி வழங்கும்.

கடந்த, 50 ஆண்டுகளுக்கு மேலாக, இந்தியர்களின் பெருமை மிகு அடையாளமாக, எச்.எம்.டி., கைக்கடிகாரங்கள் திகழ்ந்து வந்தன. ஜப்பானைச் சேர்ந்த, சிட்டிசன் வாட்ச் நிறுவனத்தின் கூட்டுடன், பெங்களூருவில், எச்.எம்.டி., வாட்ச் நிறுவனம், 1961ல் துவக்கப்பட்டது.உள்நாட்டில், முதன் முதலாக இத்தொழிற்சாலையில் தான், கைக்கடிகாரம் தயாரிக்கப்பட்டது. முதல் கடிகாரத்தை, அப்போதைய பிரதமர் நேரு வெளியிட்டார். இதுவரை, 10 கோடிக்கும் அதிகமான கைக்கடிகாரங்கள் விற்பனை செய்யப்பட்டுள்ளன.

எச்.எம்.டி., சினார் வாட்ச் நிறுவனம், 'குவார்ட்ஸ்' கைக்கடிகாரங்களையும், எச்.எம்.டி., பியரிங்ஸ் நிறுவனம், மோட்டார்களுக்கான, 'பால் பியரிங்கு'களையும் தயாரித்து வந்தன. நலிவடைந்த இந்த மூன்று நிறுவனங்களையும் மூட, 2014 செப்டம்பரில், மத்திய அரசு முடிவு செய்தது. இதற்கு, முறைப்படி ஒப்புதல் கிடைத்துள்ளது.அந்தஸ்தின் அடையாளமாக திகழ்ந்து வந்த, எச்.எம்.டி., கடிகாரம், இனி, நினைவுச் சின்னமாக மாற இருப்பது, குறிப்பாக, மூத்த குடிமக்களை வருத்தத்தில் ஆழ்த்தியுள்ளது.

ஒப்புதல் அளிக்கப்பட்ட மற்றவை:

பொருளாதார விவகாரங்களுக்கான அமைச்சரவை கூட்டத்தில், நேற்று ஒப்புதல் அளிக்கப்பட்ட இதர விஷயங்கள்:
* இந்தியா - பஹ்ரைன் இடையே பயங்கரவாத தடுப்பு ஒப்பந்தம்
* இந்தியா - வங்கதேச எல்லையில், வர்த்தக சந்தைகளை திறப்பதற்கான ஒப்பந்தம்
* கனரக தொழில்துறையில், செக் குடியரசின் தொழில்நுட்ப உதவிக்கான ஒப்பந்தம்
* அமைப்பு சாரா தொழிலாளர்களை, அமைப்பு சார்ந்த துறையினராக அங்கீகரிப்பதற்கான, சர்வதேச தொழிலாளர் கூட்டமைப்பின் தீர்மானம்
* குறைந்தது, 2.5 லட்சம் தாழ்த்தப்பட்டோர், பழங்குடியினர் மற்றும் பெண் தொழில் முனைவோருக்கு, 'எழுச்சி இந்தியா' திட்டத்தின் கீழ், 10 லட்சம் முதல், 1 கோடி ரூபாய் வரை வங்கி கடன் அளிக்கும் திட்டம்
* ஆமதாபாத், ஜெய்ப்பூர் விமான நிலையங்களை நிர்வகித்து, பராமரிக்க, சிங்கப்பூர் கார்ப்பரேஷன் எண்டர்பிரைசஸ் நிறுவனத்திற்கு அனுமதி வழங்குவது.

தினமலர்

**krishnaamma** · **krishnaamma** Wed Jan 06, 2016 11:34 pm

வருத்தமாய் இருக்கு சோகம்

....முன்ன எல்லாம் வாட்ச் என்றாலே HMT தான் புன்னகை

யினியவன் · யினியவன் Wed Jan 06, 2016 11:37 pm

இன்னும் என்னிடம் உள்ளது ஒன்று - அணிந்து பலப்பல ஆண்டுகள் ஆகிவிட்டது - பேட்டரி மாற்றினால் இயங்கும் என்றே நினைக்கிறேன்.

**krishnaamma** · **krishnaamma** Wed Jan 06, 2016 11:44 pm

யினியவன் wrote:இன்னும் என்னிடம் உள்ளது ஒன்று - அணிந்து பலப்பல ஆண்டுகள் ஆகிவிட்டது - பேட்டரி மாற்றினால் இயங்கும் என்றே நினைக்கிறேன்.

மேற்கோள் செய்த பதிவு: 1185794

நானும் வைத்திருக்கேன்....2............ஒன்று இவருடையது, மற்றது எனக்கு கல்யாணத்தின்போது எங்க அப்பா வாங்கினது...அப்போவெல்லாம் ஆண் பிள்ளை களுக்கு வேலைக்கு சேர்ந்ததும் வாங்குவா, பெண் குழந்தைகளுக்கு கல்யாணம் என்றால் வாங்குவா புன்னகை

யினியவன் · யினியவன் Wed Jan 06, 2016 11:45 pm

krishnaamma wrote:
நானும் வைத்திருக்கேன்....2............ஒன்று இவருடையது, மற்றது எனக்கு கல்யாணத்தின்போது எங்க அப்பா வாங்கினது...அப்போவெல்லாம் ஆண் பிள்ளை களுக்கு வேலைக்கு சேர்ந்ததும் வாங்குவா, பெண் குழந்தைகளுக்கு கல்யாணம் என்றால் வாங்குவா

இப்பல்லாம் ஒவ்வொரு உடைக்கும் ஏற்றார் போல்
வாங்கித் தரலேன்னா நம்ம உசிர வாங்குவா புன்னகை

**krishnaamma** · **krishnaamma** Wed Jan 06, 2016 11:48 pm

யினியவன் wrote:
krishnaamma wrote:
நானும் வைத்திருக்கேன்....2............ஒன்று இவருடையது, மற்றது எனக்கு கல்யாணத்தின்போது எங்க அப்பா வாங்கினது...அப்போவெல்லாம் ஆண் பிள்ளை களுக்கு வேலைக்கு சேர்ந்ததும் வாங்குவா, பெண் குழந்தைகளுக்கு கல்யாணம் என்றால் வாங்குவா

இப்பல்லாம் ஒவ்வொரு உடைக்கும் ஏற்றார் போல்
வாங்கித் தரலேன்னா நம்ம உசிர வாங்குவா

மேற்கோள் செய்த பதிவு: 1185805

ம்ம்.. நிஜம்............குட்டி குட்டி பசங்க கூட வாட்ச் கட்டிக்கறாளே புன்னகை

யினியவன் · யினியவன் Wed Jan 06, 2016 11:50 pm

krishnaamma wrote:
ம்ம்.. நிஜம்............குட்டி குட்டி பசங்க கூட வாட்ச் கட்டிக்கறாளே

வாங்கித் தருவான்னு தான் பெண்கள் கல்யாணமே கட்டிக்கறா புன்னகை

**M.Jagadeesan** · **M.Jagadeesan** Thu Jan 07, 2016 9:08 am

இப்படித்தான் "தந்தி " ( TELEGRAM ) ஒழிக்கப்பட்ட போது வருத்தப்பட்டவர்களில் நானும் ஒருவன் . என்ன செய்வது ? கைபேசியிலேயே கடிகாரம் வந்தபிறகு HMT WATCH எதற்கு என்று மக்கள் முடிவெடுத்து விட்டார்கள் போலும் !

**ராஜா** · **ராஜா** Thu Jan 07, 2016 10:45 am

நலிவடைந்து நஷ்டத்தில் இயங்குகிறது என்று பொதுத்துறை நிறுவனங்களை மூடுவம், அதே தொழிலை பிரதானமாக கொண்டுள்ள தனியார் நிறுவனங்கள் பல மடங்கு லாபத்தில் இயங்கு வதும் தெரிந்த விஷயம் தானே. புற்றுநோய் போல எல்லா இடத்திலும் புரையோடிவிட்ட இந்த அரசியல்வியாதிகள் இருக்கும் வரை எந்த அரசாங்கம் வந்தாலும் இந்தியாவின் நிலை இப்படி தான் இருக்கும்

M.Jagadeesan wrote:இப்படித்தான் "தந்தி " ( TELEGRAM ) ஒழிக்கப்பட்ட போது வருத்தப்பட்டவர்களில் நானும் ஒருவன் . என்ன செய்வது ? கைபேசியிலேயே கடிகாரம் வந்தபிறகு HMT WATCH எதற்கு என்று மக்கள் முடிவெடுத்து விட்டார்கள் போலும் !

என்னதான் லட்சகணக்கில் காசு போட்டு கைப்பேசி வாங்கினாலும் கைக்கடிகாரத்திற்கு இருக்கும் மவுசு அப்படியே தான் ஐயா இருக்கு.

**krishnaamma** · **krishnaamma** Thu Jan 07, 2016 10:58 am

M.Jagadeesan wrote:இப்படித்தான் "தந்தி " ( TELEGRAM ) ஒழிக்கப்பட்ட போது வருத்தப்பட்டவர்களில் நானும் ஒருவன் . என்ன செய்வது ? கைபேசியிலேயே கடிகாரம் வந்தபிறகு HMT WATCH எதற்கு என்று மக்கள் முடிவெடுத்து விட்டார்கள் போலும் !

ம்ம்...ரொம்ப வருத்தமாய் இருக்கு ஐயா சோகம்

Sponsored content · Sponsored content

மூடுவிழா காணும் எச்.எம்.டி., வாட்ச் தொழிற்சாலை :(

மூடுவிழா காணும் எச்.எம்.டி., வாட்ச் தொழிற்சாலை :(

Re: மூடுவிழா காணும் எச்.எம்.டி., வாட்ச் தொழிற்சாலை :(

Re: மூடுவிழா காணும் எச்.எம்.டி., வாட்ச் தொழிற்சாலை :(

Re: மூடுவிழா காணும் எச்.எம்.டி., வாட்ச் தொழிற்சாலை :(

Re: மூடுவிழா காணும் எச்.எம்.டி., வாட்ச் தொழிற்சாலை :(

Re: மூடுவிழா காணும் எச்.எம்.டி., வாட்ச் தொழிற்சாலை :(

Re: மூடுவிழா காணும் எச்.எம்.டி., வாட்ச் தொழிற்சாலை :(

Re: மூடுவிழா காணும் எச்.எம்.டி., வாட்ச் தொழிற்சாலை :(

Re: மூடுவிழா காணும் எச்.எம்.டி., வாட்ச் தொழிற்சாலை :(

Re: மூடுவிழா காணும் எச்.எம்.டி., வாட்ச் தொழிற்சாலை :(

Re: மூடுவிழா காணும் எச்.எம்.டி., வாட்ச் தொழிற்சாலை :(

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக