வருகிறது பயங்கர நிலநடுக்கம்: இமயமலை, வடகிழக்கு மாநிலங்களுக்கு ஆபத்து!

**krishnaamma** · **krishnaamma** Wed Jan 06, 2016 11:17 am

புதுடில்லி : இமயமலை பகுதியில் மிகப் பெரிய நிலநடுக்கம் ஏற்பட உள்ளதாக மத்திய உள்துறை அமைச்சகத்தின் இயற்கை நேரிடம் மேலாண்மை நிபுணர்கள் எச்சரித்துள்ளனர். இந்த நிலநடுக்கம் 8.2 அல்லது அதற்கு மேல் இருக்கக் கூடும் எனவும் அவர்கள் தெரிவித்துள்ளனர்.

புவி அமைப்பின் அடிப்படையில் ஏற்பட்டுள்ள மாற்றம் காரணமாக சமீப காலமாக இமயமலையை ஒட்டிய பகுதிகளில் கடும் நிலநடுக்கம் ஏற்பட்டு வருகிறது. 2011 ல் சிக்கிமில் ஏற்பட்ட 6.9 அளவிலான நிலநடுக்கம், 2015ல் நேபாளத்தில் ஏற்பட்ட 7.3 அளவிலான நிலநடுக்கம், சமீபத்தில் மணிப்பூரில் ஏற்பட்ட 6.7 அளவிலான நிலநடுக்கம் ஆகியவற்றால் இமயமலை சிதைந்து வருவதாக நிலநடுக்க கணக்கீட்டு நிபுணர்கள் தெரிவித்துள்ளனர். இதன் தொடர்ச்சியாக இனி வரும் காலங்களில் இதை விட பயங்கர நிலநடுக்கம் இமயமலையில் ஏற்பட உள்ளது.

இந்த பயங்கர நிலநடுக்கத்தால் நேபாளம், பூட்டான், மியான்மர், இந்தியா ஆகிய நாடுகள் மிகப் பெரிய அழிவை சந்திக்க உள்ளதாக எச்சரிக்கப்பட்டுள்ளது. அடுத்தடுத்து ஏற்படும் இந்த நிலநடுக்கங்கள் இந்தியாவின் மலைப்பிரசே மாநிலங்கள், பீகார், உ.பி., டில்லி, வடகிழக்கு மாநிலங்கள் ஆகியன மிகப் பெரிய பாதிப்பை சந்திக்கும் என தேசிய பேரிடர் மேலாண் கழக இயக்குனர் சந்தோஷ் குமார் தெரிவித்துள்ளார். இது தொடர்பான ஆலோசனைக் கூட்டம் அருணாச்சல பிரதேசத்தில் சமீபத்தில் நடைபெற்றது. இக்கூட்டத்தில் 11 மலைப்பிரதேச மாநிலங்களைச் சேர்ந்த தலைவர்கள் கலந்து கொண்டனர்.

இந்திய விஞ்ஞானிகளின் இந்த எச்சரிக்கையை சர்வதேச புவியியல் ஆய்வாளர்களும் உறுதி செய்துள்ளனர். 8.0 அளவிற்கும் அதிகமாக ஏற்படக் கூடிய 4 நிலநடுக்கங்களால் நூற்றாண்டு காணாத அளவிற்கு பேரழிவு ஏற்படும் என எச்சரித்துள்ளனர். இதனால் மலைப்பிரதேச மாநிலங்கள் மற்றும் இந்தியாவின் பிற பகுதிகளிலும் மீட்புப் படையினர் தயார் நிலையில் வைக்கப்பட்டுள்ளனர். பெரிய அளவில் உயிர்சேதங்களை தவிர்க்க என்ன செய்யலாம் எனவும் மத்திய அரசு, புவியியல் நிபுணர்களுடன் ஆலோசித்து வருகிறது.

தினமலர்

**krishnaamma** · **krishnaamma** Wed Jan 06, 2016 11:17 am

**ராஜா** · **ராஜா** Wed Jan 06, 2016 12:26 pm

பூமி தன்னை தானே சமநிலைபடுத்திகொள்ள இது போன்ற பெரிய பூகம்பங்கள் ஏற்படுகிறது.

அறிவியல் வளர்ச்சியின் காரணமாக இதை முன்கூட்டியே தெரிந்துகொள்ளும் நாம் தான் எச்சரிக்கையுடன் இருக்கவேண்டும்.

**ayyasamy ram** · **ayyasamy ram** Wed Jan 06, 2016 4:01 pm

ராஜா wrote:பூமி தன்னை தானே சமநிலைபடுத்திகொள்ள இது போன்ற பெரிய பூகம்பங்கள் ஏற்படுகிறது.

அறிவியல் வளர்ச்சியின் காரணமாக இதை முன்கூட்டியே தெரிந்துகொள்ளும் நாம் தான் எச்சரிக்கையுடன் இருக்கவேண்டும்.

மேற்கோள் செய்த பதிவு: 1185622
-
மக்களுக்கு சில ஒத்திகை நிகழ்ச்சிகளை நடத்தி
விழிப்புணர்ச்சி ஏற்படுத்தலாம்....
-

யினியவன் · யினியவன் Wed Jan 06, 2016 4:06 pm

பேரிடர் வர விருப்பம் இல்லை ஆனால்
பேரிடர் வரும் இடத்தில் இருக்க விருப்பம்

**T.N.Balasubramanian** · **T.N.Balasubramanian** Wed Jan 06, 2016 4:13 pm

எல்லாம் சரிதாங்க !
எப்போ வரும் ? உத்தேச தினங்கள் உண்டா ?.

ரமணியன்

Sponsored content · Sponsored content

வருகிறது பயங்கர நிலநடுக்கம்: இமயமலை, வடகிழக்கு மாநிலங்களுக்கு ஆபத்து!

வருகிறது பயங்கர நிலநடுக்கம்: இமயமலை, வடகிழக்கு மாநிலங்களுக்கு ஆபத்து!

Re: வருகிறது பயங்கர நிலநடுக்கம்: இமயமலை, வடகிழக்கு மாநிலங்களுக்கு ஆபத்து!

Re: வருகிறது பயங்கர நிலநடுக்கம்: இமயமலை, வடகிழக்கு மாநிலங்களுக்கு ஆபத்து!

Re: வருகிறது பயங்கர நிலநடுக்கம்: இமயமலை, வடகிழக்கு மாநிலங்களுக்கு ஆபத்து!

Re: வருகிறது பயங்கர நிலநடுக்கம்: இமயமலை, வடகிழக்கு மாநிலங்களுக்கு ஆபத்து!

Re: வருகிறது பயங்கர நிலநடுக்கம்: இமயமலை, வடகிழக்கு மாநிலங்களுக்கு ஆபத்து!

Re: வருகிறது பயங்கர நிலநடுக்கம்: இமயமலை, வடகிழக்கு மாநிலங்களுக்கு ஆபத்து!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக