அன்னூர் மன்னீஸ்வரர் கோயிலில் பரபரப்பு

**பழ.முத்துராமலிங்கம்** · 27/09/2015

அன்னூர் மன்னீஸ்வரர் கோயிலில் பரபரப்பு: தண்ணீரில் தெப்பம் கவிழ்ந்ததால்
சிலையுடன் மூழ்கிய அர்ச்சகர்கள்
By Dinakaran, 26 Dec 2015 03:22 பம்

அன்னூர்: கோவை அன்னூரில் மன்னீஸ்வரர் கோயிலில் தெப்பம் தண்ணீரில் கவிழ்ந்ததால்
பெரும் பரபரப்பு ஏற்பட்டன. கோவை மாவட்டம் அன்னூரில் பிரசித்திப்பெற்ற மன்னீஸ்வரர் கோயிலில் மார்கழி தேரோட்டத்திற்காக கடந்த 13ம்தேதி கொடியேற்றப்பட்டது. இதைத்
தொடர்ந்து, தினமும் மன்னீஸ்வரர், அருந்தவசெல்வி, விநாயகர் உள்ளிட்ட சாமிகள் அலங்கரிக்கப்பட்ட சப்பரத்தில் திருவீதி உலா நடந்தது. கடந்த 23ம் தேதி தேரோட்டம்
நடந்தது. தெப்ப உற்சவத்திற்காக கோயில் வளாகத்தில் ரூ.10 லட்சம் செலவில் 10 அடி
உயரத்தில் 30 அடி நீளம், 30 அடி அகலத்தில் கோயில் வளாகத்திற்குள் வடக்கு திசையில்
குளம் கட்டப்பட்டு அதில் தெற்போற்சவம் நடப்பதற்கான ஏற்பாடு நடந்தது. நேற்று மாலை அலங்கரிக்கப்பட்ட தெப்பத்தில் அருந்தவசெல்வி உடனமர் மன்னீஸ்வரருக்கு சிறப்பு பூஜை நடத்தப்பட்டது. இரவு 7.45 மணிக்கு சிவச்சாரியார்கள் தெப்பத்தில் அமர்ந்து சாமிக்கு
தீபாராதனை செய்த பின்னர் வேதமந்திரங்கள் முழங்க தெப்பத்தை பக்தர்கள் குளத்தை
வலம் வரும்படி தள்ளி சென்றனர். 3வது முறையாக தெப்பம் குளத்தை வலம் வந்த போது எதிர்பாராத விதமாக தெப்பம் தண்ணீருக்குள் கவிழ்ந்தது. இதில் சாமி சிலைகளும்,
அர்ச்சகர்களும் தண்ணீரில் விழுந்து தத்தளித்தனர். சாமி தரிசனத்துக்காக தெப்பக்
குளத்தை சுற்றி காத்திருந்தவர்களில் நீச்சல் தெரிந்தவர்கள் குளத்துக்குள் பாய்ந்து
அர்ச்சகர்களை காப்பாற்றினர். சாமி சிலைகளை மீட்டனர். இதனால் பரபரப்பு நிலவியது.
தெப்பம் தண்ணீருக்குள் கவிழ்ந்ததால் பக்தர்கள் மத்தியில் பெரும் அதிர்ச்சியை
ஏற்படுத்தி உள்ளது.

நன்றி-டெய்லிகண்ட்

அன்னூர் மன்னீஸ்வரர் கோயிலில் பரபரப்பு

அன்னூர் மன்னீஸ்வரர் கோயிலில் பரபரப்பு

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக