வீதியில் வெறிச்செயல்: 24 பேரை வெட்டிய ஆடவர் சுட்டுக்கொலை

**ayyasamy ram** · **ayyasamy ram** Fri Dec 25, 2015 7:17 am

--
தேர்வில் தோல்வியடைந்து விரக்தியின் உச்சக்கட்டத்திற்குச் சென்ற இளையர் ஒருவர் வீதியில் போவோர் வருவோரை எல்லாம் கூர்வாளால் தாக்கினார். தெலுங்கானா மாநிலம் கரிம் நகரில் நேற்று முன்தினம் காலை இச்சம்பவம் நிகழ்ந்தது. அங்குள்ள லட்சுமி நகரில் மனமுடைந்த நிலையில் காணப்பட்ட பல்விந்தர் சிங் எனப்படும் அந்த 25 வயது இளையர், முதலில் வீட்டில் இருந்த தமது பெற்றோரை வாளால் தாக்கிக் காயப்படுத்தினார்.

பின்னர் வீதிக்கு ஓடி வந்த அவர், ஆட்டோ ஓட்டுநரை வெட்டி னார். அவருக்கு பலத்த காயம் ஏற்பட்டது. பின்னர் ஆண், பெண், பெரியவர், சிறியவர் என்று பாராது வீதியில் நடந்து சென்ற அத்தனை பேரையும் கண்மூடித்தனமாக வாளால் தாக்கினார் பல்விந்தர். தகவல் அறிந்து விரைந்து வந்த போலிசார், வெறித்தனமாக வாளைச் சுழற்றிக்கொண்டே சென்ற பல் விந்தர் சிங்கை கட்டுப்படுத்த முயன்றனர்.

ஆனால் தம்மைத் தடுக்க வந்த இரண்டு போலிஸ்காரர்களையும் அவர் வாளால் வெட்டினார். இதனால் மற்ற போலிஸ்காரர்கள் அவரை நெருங்கப் பயந்தனர். இவ் வாறு தாக்கப்பட்டதில் 24 பேருக்கு ரத்தக் காயம் ஏற்பட்டது. அவர்கள் அத்தனை பேரும் மருத்துவ மனைக்குக் கொண்டு செல்லப்பட் டனர். அருகிலிருந்த வாகனம் ஒன்றின் கண்ணாடியையும் வாளால் தாக்கி உடைத்தார் அவர். இந்நிலையில், வேறு வழியின்றி விஜய்சாரதி என்ற போலிஸ் அதிகாரி, பல்விந்தர் சிங்கை நோக்கி துப்பாக்கியால் சுட்டார்.
--------------
தமிழ்முரசு, சிங்கப்பூர்