மொரீஷியஸ் இல் 7 நாட்கள் ! by Krishnaamma :)

அன்று மாலை வரை  நாங்கள் அந்த கடற்கரை லேயே செலவழித்தோம். முதலில் கொஞ்சம் வெயில் இருந்தாலும் பிறகு குறைந்து  விட்டது.



முதலில் அவர்கள் மூவரும் தண்ணிரில் போய் நின்றுகொண்டு , வீடியோ மற்றும் போடோக்கள் எடுத்தனர்.  நான் பைகளை பார்த்துக்கொண்டேன், பிறகு கிருஷ்ணா அப்பா வந்து உட்கார்ந்து கொண்டதும் நானும் கிருஷ்ணா ஆர்த்தியுடன் தண்ணிரில் நின்றுகொண்டேன்.

ஆழம் அதிகம் இல்லாத கடல், சுமாரான அலைகள் என்று ரொம்ப நல்லா இருந்தது. சிலர், சுவாசத்திர்க்கான பைப் வைத்துக் கொண்டு ,நீந்தினார்கள்..............நிறைய நேரம் ஆனதும் நாங்கள் ஒருவசதியான பாறையாகப் பார்த்து நாங்கள் உட்கார்ந்து விட்டோம், அலைகள் வந்து வந்து மோதியதில் உடைகள் மொத்தமும் நனைந்து விட்டது

நேரம் ஆக ஆக, அலைகள் ஆக்ரோஷமாய் மோதின. ஆனாலும், மாலைவரை அப்படியே இருந்தோம்.

'back  water ' என்று சொல்வார்களே அப்படியும் அங்கு இருந்தது, அங்கு மிதவைத் தடுப்புகள் வைத்து இருந்தார்கள். அதில் குட்டி குட்டி குழந்தைகளை அப்படியே விட்டு விட்டார்கள். ரொம்ப சந்தோஷமாய் ஆடினார்கள் குழந்தைகள் அங்கு. சில மிதவைகளும் இருந்தன.

உட்கருவதற்கும் சில சாய்வு நாற்காலிகள் போல இருந்தது, ஆனால் அவைகளை யாரோ முதலிலேயே புக் செய்து இருந்தார்கள். என்றாலும் , மக்கள் எதைப்பட்றியும்   கவலைப்படாமல், தாங்கள் கொண்டு  வந்திருந்த டர்க்கி  டவலை விரித்து அப்படியே படுத்துக்கொண்டார்கள்.

ஒருவழியாக 3 1/2 மணிக்கு தண்ணிரை விட்டு வெளியே வந்தோம். 4 மணிக்குள் தீவின் boat  stand  க்கு போகணுமே. கிருஷ்ணாவும் ஆர்த்தியும் உடைகளை மாற்றிக்கொண்டு வதர்கள். என்னுடையது அப்படியே காய்ந்து விட்டது. பார்த்தால் அப்போதுதான் எங்களுடன் வண்டி இல் வந்த ஒரு ஜோடி வேகமாய் வருகிறார்கள், " ஆண்டி, எங்க டிரெஸ்ஸை கொஞ்சம் பாத்துக்கரீங்கலா? " என்று கொச்சை தமிழில் கேட்டாள் அந்த பெண். " என்ன இல்ல்வளவு லேட் என்று? நாங்கள் கேட்டதற்கு, அங்கேயே லேட் ஆகி விட்டது என்று சொல்லி ஓடினார்கள், பாவம் "



அங்கு நிறைய கடைகள், toilet  கள் உடை மாற்றும் இடம் என்று எல்லா வசதிகளுமே இருந்தது. நிறைய சிறிய சிறிய ஹோட்டல்கள் இருந்தது. சிறிய குடில் போல,  வட்டமாக அமைத்து, எல்லாவிதமான sea food  ம் தருகிறார்கள். நாங்கள் ஜூஸ் மட்டும் குடித்தோம். எல்லா கும்பலுமே எழுந்து கிளம்புவதைப் பார்க்க முடிந்தது.

சிறிது நேரத்தில் எங்களுடன் வந்த 20 பேரும் மற்றும் ஒரு கும்பலும் தவிர எல்லோரும் போய்விட்டார்கள். தீவே 'சப்ஜாடா' காலி. எங்களுக்கான படகு இன்னும் வரலை. நாங்கள் மதியம் வந்த படகும் வரலை, மற்றவர்கள் வந்த படகும் வரலை.

அது லேட்டாக வந்த ஜோடிக்கு கொஞ்சம் வசதியாக போனது, கொஞ்சநேரம் தண்ணிரில் ஆடிவிட்டு வந்தார்கள். ஒருவழியாக ஒரு பெரிய படகு வந்தது.  எங்கள் எல்லோரையும் அதிலே ஏற சொன்னார்கள். பார்த்தால் அதில் ஒன்லி 16 allowed  என்று போட்டிருக்கு.

நான் பார்த்துவிட்டு இவரிடம் சொன்னேன், இவரும் என்ன இது? என்று கேட்டார். ஏனென்றால் நாங்களே 20 பேர் , அப்புறம் ஒரு கைடு மற்றும் ஒரு டிரைவர். அவங்க இருவரும்," ஒண்ணும் ஆகாது, இடுக்கிண்டு உட்காருங்கோ, எதானாலும் ரோந்து படகு இருக்கு".....என்று சொல்லி சிரிக்கிறார்கள்.............

"அடப்பாவிக;எ" என்று மனதுக்குள் நினைத்தோம்...........எங்கள் அனைவரின் முகங்களையும் பார்த்த அவன், "பயப்பட வேண்டாம், ஒன்றும் ஆகாது..........actual  ஆக ரோந்து படகு பார்த்தால் எங்களுக்குத்தான் ஆபத்து, ஆனால் அப்படி எதுவும் நேராது" என்கிறான்.

சரி பெருமாள் விட்ட வழி என்று நாங்கள் எல்லோரும் உயரைக் கையில் பிடித்துக்கொண்டு உட்கார்ந்தோம். அப்பவும் இவர் கேட்டார், "எங்களுக்கு புக் பண்ண படகு எங்கே" என்று........அவன் வரமாட்டான் என்று இந்த ஆள் சொன்னார். ஆனால் கொஞ்ச தூரம் போனதுமே பாவம் அந்த டிரைவர் படகுடன் எதிரில் வந்தார். ஆனால் நடு கடலில் எப்படி இறங்கி ஏறுவது? ......

பேசாமல் அவருக்கு கை காட்டிவிட்டு, இதிலேயே  பயணம் செய்தோம் , நல்லபடி கரைக்கு வந்து சேர்ந்தோம். இன்றுடன் எங்களுக்கு எல்லா ட்ரிப் களும் முடிந்து விடுவதால், எல்லா guide  களுக்கும் நன்றி சொன்னோம்.
அடுத்த 2 நாள் எங்களுக்கு ஓய்வு, மீண்டும் திங்கள் மாலை 4 மணிக்கு வருவதாக சொல்லி எங்களை எங்கள் ஹோட்டலில் இறக்கி விட்டார் டிரைவர்.

Back  water !



4 மணிக்கே எவ்வளவு இருட்டி விட்டது பாருங்கள்

அடாடா...இன்றும் யாரும் பார்க்கலையா?...........யாரும் இல்லாமல் நான் மட்டும் டீ ஆத்தறேனா?

krishnaamma wrote:அடாடா...இன்றும் யாரும் பார்க்கலையா?...........யாரும் இல்லாமல் நான் மட்டும் டீ ஆத்தறேனா?

அப்படி நீங்க நினைக்க கூடாது .... எப்படியும் டீ சூடு குறைவதற்குள் பார்த்துவிடுவார்கள்

krishnaamma wrote:அடாடா...இன்றும் யாரும் பார்க்கலையா?...........யாரும் இல்லாமல் நான் மட்டும் டீ ஆத்தறேனா?

மேற்கோள் செய்த பதிவு: 1195968

இல்லையே , இன்னும் ஒருவர்



ரமணியன்