என் சோஷலிச சொர்க்கமே.......

K.Senthil kumar · K.Senthil kumar Tue Dec 22, 2015 12:27 pm

First topic message reminder :

எல்லோரும்
ஓர் திசையில் ஓட
ஏதோ ஒன்று குறிக்கிட
வழி தவறியவன்
வந்து சேர்ந்த கதையாக
நிதி சறுக்கலில்
பாரதம் பாதி
தப்பி பிழைக்க
சாதித்தோம் என்று
மார் தட்டிக்கொள்கிறார்கள்
மண்ணாலும் மன்னவர்கள்.

வெள்ளையடிக்க தேவையில்லையாம்
வெள்ளைமாளிகைக்கு
கருப்பு நிறம் பூச
கருவி செய்தார்கள்
தாஜ்மகாலுக்கு
அருகில் தொழிற்சாலைகள்..

பலகட்சி
பலக்கொள்கை
பங்குவர்த்கமாயின
பாரதத் தேர்தல்..

பாரதத்தின் பலம் பண்பாடாம்
பதவி என்ற இருக்கையின் பலம்
பணமட்டுமாம்

சட்டமியற்றும் கடமை மறக்க
உறுப்பினர்கள் உறங்கி விழ
தற்காலிக சமாதிமேடாய்
சட்டமன்றம்..

பந்தாட்டம்
பண ஆட்டம்
பாராளுமன்றத்தில்
சரக்கு சேவை சட்டமுன்வடிவு
கூடவே துணையாக
பாரத மானமும்
பட்டத்தில் பறக்கிறதோ...?

கங்கையை சுத்தபடுத்துங்கள்
புனிதநீர் கடலில்
சென்று சேரட்டும்
நிதி ஒதுக்குவோம் தாராளம்
காவிரிநீர் வரவில்லை
கண்டுகொள்ள ஆளில்லை
கங்கை காவிரி இணைப்பு
நிதியில்லை பாவம்

ரோஜா மலர்களைப்போல்
தொட்டியில் வைத்து
நீர் ஊற்றி காட்சிப்படுத்துகிறாகள்
கோடிகள் அங்கே
கொட்டுகின்றன!!
கிரிக்கெட், டென்னிஸ்..

கண்ணுக்கெட்டிய தூரத்தில்
காணக்கூடிய கல்லிமலர்
கால ஓட்டத்தில்
காணாமல் போயினவே!!
ஒரு ரூபாய்
உருண்டோட வழியில்லையே!!!
கபடி, சிலம்பு..

ஊர்கூடி தேர் இழுக்கும்
உன்னத கலை மறந்தோம்
ஊருக்கு நூறமைப்பு
உருவாக்கி
உனக்கொன்னா எனக்கென்ன
உலக புதுநெறி தெரிந்தோம்

விட்டுவிடுவோம்
வீரவிளையாட்டு ஜல்லிகட்டை
விலங்கு வதைபடுகிறதாம்!
அசைவம் அவரவர் உரிமை
குதிரையும் கழுதையும்
சவாரிபொருட்கள்
நியாயத்தை நீதிதேவனிடம்
விட்டுவிடுவோம்

பாரம்பரிய பழக்கவழக்கம்
ஆடை அலங்காரம்
வேண்டாம் விட்டுவிடலாம்
பாலியல் சீண்டல்கள்
இதய பரிதவிப்பு
இதற்கு யார் பொறுப்பு...?

வண்டி வாகனம்
வாங்கி குவிப்போம்
மாசு நீங்க
மந்திரகோல் தேடி
என்ன பயன்..?

பண்டமாற்றும்
பழக்கமுள்ளவர் நாம்
கம்பு, சோளம், ராகி
ஏற்றுமதி
நீரிழிவு மருந்துகள்
இறக்குமதி

விளைநிலம் விலையானது...!
விளையாட்டு விலையானது...!
பாரம்பரியம் என்னும்
வீணையை விற்றுவிடுவோம்?
அழிவு என்னும்
வினை செய்துவிடுவோம்?

அப்பொழுதுதான்
தில்லி தீபிடிக்கும்
மும்பை முகமறக்கும்
தஞ்சையில் நஞ்சை இருக்காது
கூவம் கொப்பளிக்கும்
கொருக்கு பேட்டை
நொறுக்கு முட்டையாகும்...

K.Senthil kumar · K.Senthil kumar Fri Dec 25, 2015 9:30 pm

T.N.Balasubramanian wrote:
வெள்ளையடிக்க தேவையில்லையாம்
வெள்ளைமாளிகைக்கு
கருப்பு நிறம் பூச
கருவி செய்தார்கள்
தாஜ்மகாலுக்கு
அருகில் தொழிற்சாலைகள்..

அருமை செந்தில்குமார் .
ரமணியன்

மேற்கோள் செய்த பதிவு: 1182934

நன்றி ஐயா...

என் சோஷலிச சொர்க்கமே.......

என் சோஷலிச சொர்க்கமே.......

Re: என் சோஷலிச சொர்க்கமே.......

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக