மார்கழி மாதப் பிறப்பு!

-


வருடந்தோறும், முக்கியமான மாதங்களில்,
உரிய நட்சத்திரம் மற்றும் திதியைக் கருத்தில் கொண்டு,
விழாக்களும் விசேஷங்களும் ஆலயங்களில் அமர்க்களமாக
நடைபெறும்.

ஆடி மாதம் வந்து விட்டால் அம்மன் கோயில்களிலும்
ஆவணி மாதத்தில் ஸ்ரீகிருஷ்ணர் கோலோச்சும்
ஆலயங்களிலும் ஐப்பசி மற்றும் கார்த்திகையில் சிவன்
மற்றும் முருகன் கோயில்களிலும் விழாக்கள் விமரிசையாக
நடக்கும்.
–
அதேபோல் மார்கழி வந்துவிட்டால், சிவாலயங்களில் மட்டும்
அல்லாமல் பெருமாள் குடிகொண்டிருக்கும் கோயில்களிலும்
சிறப்பு பூஜைகள் நடைபெறும்.
–
எந்த மாதத்துக்கும் இல்லாத சிறப்பு மார்கழிக்கு உண்டு.
‘மாதங்களில் நான் மார்கழி’ என்று பகவான் ஸ்ரீகிருஷ்ணரே
அருளியிருக்கிறார். பாவைநோன்பு இருந்த சூடிக்கொடுத்த
சுடர்க்கொடியாள் ஸ்ரீஆண்டாள், மார்கழி மாதத்தின்
ஒவ்வொரு நாளும் திருப்பாவை பாடி, திருமாலை
வணங்கியதாகச் சொல்வர்!
–
அதேபோல், சிவாலயங்களில் திருவெம்பாவை பாடி சிவனாரை
பூஜிப்பார்கள். இரண்டு ஆலயங்களிலும் மார்கழி மாதம்
துவங்கியதும், தினமும் அதிகாலையில் திருப்பள்ளியெழுச்சி
பூஜையுடன் கோயில் நடை திறந்து, சிறப்பு நைவேத்தியங்கள்
பகவானுக்கு படைக்கப்படும்.
–
இந்த நைவேத்தியங்களை, பக்தர்கள் பலரும் வேண்டிக்
கொண்டு உபயதாரர்களாக இருந்து, அனைவருக்கும்
வழங்குவார்கள்!
–
மார்கழி மாதம், குளிரும் பனியும் நிறைந்த அற்புதமான காலம்.
இந்தக் காலத்தில், அதிகாலையில் தியானம், யோகம் முதலான
பயிற்சியில் ஈடுபட்டால், அவை எளிதில் மனதில் ஏறிவிடும்.
சுலபமாக தியானத்தில் மூழ்க முடியும் என்று ஞானிகளும்
சித்தர்களும் தெரிவித்துள்ளனர்.
–
எனவே, மார்கழி மாதத்தில் முடியும் போதெல்லாம், சிவன்
மற்றும் பெருமாள் கோயிலுக்குச் செல்லுங்கள்.
மனமும் உடலும் புத்துணர்ச்சியாவதை உணர்வீர்கள்!
–
—————————————–

ayyasamy ram wrote:
மார்கழி மாதம், குளிரும் பனியும் நிறைந்த அற்புதமான காலம்.
இந்தக் காலத்தில், அதிகாலையில் தியானம், யோகம் முதலான
பயிற்சியில் ஈடுபட்டால், அவை எளிதில் மனதில் ஏறிவிடும்.
சுலபமாக தியானத்தில் மூழ்க முடியும் என்று ஞானிகளும்
சித்தர்களும் தெரிவித்துள்ளனர்.

மேற்கோள் செய்த பதிவு: 1181189
மார்கழி மாதம் அதிகாலை எழுவது அற்புத அனுபவம்,நன்றி ஐயா.