சென்னையில் 33 ஆயிரம் தெருக்களில் 1 லட்சம் டன் குப்பைகள்

சென்னையில் பலத்த மழையால் வெள்ளப்பெருக்கு ஏற்பட்ட பகுதிகளில் இருந்து தண்ணீர் வடிந்து கொண்டிருக்கிறது.

90 சதவீத பகுதிகளில் வெள்ளம் அகற்று விட்ட நிலையில் மீதமுள்ள பகுதிகளிலும் தண்ணீரை அகற்ற தீவிர நடவடிக்கைகள் எடுக்கப்பட்டுள்ளது.

இந்த நிலையில் வெள்ளம் வடிந்த பகுதிகளில் மக்கள் சேதமடைந்த தங்கள் வீடுகளை சீர்படுத்தத் தொடங்கியுள்ளனர். வீடுகளுக்குள் மழைத் தண்ணீரால் பயன்படுத்த முடியாதபடி மாறி விட்ட பொருட்களை மக்கள் தெருவோரங்களில் போட்டு வருகிறார்கள்.

ஏற்கனவே மழை வெள்ளம், காட்டாறு தண்ணீர் போல கரைபுரண்டு ஓடியதால் மற்ற பகுதிகளில் கிடந்த குப்பைகளையெல்லாம் அடித்து வந்து தெருக்களில் குவித்து விட்டது. இதனால் வெள்ளம் வடிந்த பகுதிகளில் உள்ள தெருக்கள் குப்பைகளாகவும், சேறும்–சகதிகளுமாக காட்சியளிக்கிறது.

சென்னை மற்றும் புறநகர் பகுதிகளில் உள்ள சுமார் 33 ஆயிரம் தெருக்களில் குப்பைகள் தேங்கியுள்ளது. மாநகராட்சி அதிகாரிகள் மேற்கொண்ட ஆய்வுப்படி சுமார் 1 லட்சம் டன் குப்பைகள் தெருக்களில் கிடக்கின்றன.

இந்த குப்பைகளை அகற்றும் பணியை சென்னை மாநகராட்சி இன்று (செவ்வாய்க்கிழமை) காலை தொடங்கியது. இந்த பணிக்கு சென்னை மாநகராட்சி துப்புரவு பணியாளர்கள் மட்டுமே போதாது என்பதால் வெளி மாவட்டங்களில் இருந்து 10 ஆயிரம் பணியாளர்கள் வரவழைக்கப்பட்டுள்ளனர்.

குப்பைகளை எடுத்து செல்வதற்காக 500 லாரிகளுடன் அவர்கள் வந்துள்ளனர்.

சில பகுதிகளில் தெருவாசிகளே ஒன்றிணைந்து தங்கள் பகுதியை சுத்தப்படுத்தும் நடவடிக்கையை மேற்கொண்டுள்ளனர். ஆனால் மழை வெள்ளம் அதிகம் பாதித்த தெருக்களில் ஒவ்வொரு வீட்டில் இருந்தும் குறைந்த பட்சம் 500 கிலோ குப்பை தெருக்களில் கொட்டப்பட்டு கிடக்கிறது. பயன்படுத்த முடியாத துணிகள், இருக்கைகள், எலக்ட்ரானிக் பொருட்களும் இதில் அடங்கும்.

இந்த பெருட்களை அகற்றுவதுதான் கடும் சவாலான பணியாகக் கருதப்படுகிறது. இந்த வாரத்துக்குள் இந்த குப்பைகளை அகற்ற வேண்டுமானால் கூடுதல் பணியாளர்கள் வேண்டும்.

எனவே தன்னார்வ தொண்டு அமைப்புகள் மற்றும் சேவை நிறுவனங்களைச் சேர்ந்தவர்கள் நிவாரணப் பணிகளுடன் குப்பைகளை அகற்றவும் ஒத்துழைக்க வேண்டும் என்று சென்னை மாநகராட்சி கோரிக்கை விடுத்துள்ளது.

குப்பைகளை அகற்ற ஆட்கள் கொடுத்து உதவ தயாராக இருக்கும் அமைப்புகள் சென்னை மாநகராட்சி துணைக் கமிஷனர் (சுகாதாரம்) ஆர்.கண்ணனை 9445190996 என்ற எண்ணில் தொடர்பு கொள்ளலாம் என்று அறிவிக்கப்பட்டுள்ளது.-malaimalar

ஆனால் மழை வெள்ளம் அதிகம் பாதித்த தெருக்களில் ஒவ்வொரு வீட்டில் இருந்தும் குறைந்த பட்சம் 500 கிலோ குப்பை தெருக்களில் கொட்டப்பட்டு கிடக்கிறது. பயன்படுத்த முடியாத துணிகள், இருக்கைகள், எலக்ட்ரானிக் பொருட்களும் இதில் அடங்கும்.

இந்த பெருட்களை அகற்றுவதுதான் கடும் சவாலான பணியாகக் கருதப்படுகிறது

சென்னைவாசிகளிடம் எனக்கு பிடிக்காத குணம் இது தான் , தன்வீட்டில் இருந்து தூக்கி ரோட்டில் போட்டுவிட்டு தான் மட்டும் சுத்தமாக இருந்தால் போதும் என்று தான் பெரும்பாலோனோர் இருப்பார்கள்.

இவ்வளவு பட்டும் இன்னும் திருந்தாத மக்களால் தான் நிலைமை இன்னும் சிக்கலாக உள்ளது.

தன் வீடு போல , தன்னுடைய compound அல்லது தெருவும் சுத்தமாக இருக்க வேண்டும் என்று ஒவ்வொருவரும் நினைத்தால் மழை விட்ட அடுத்த நிமிடம் கூட சென்னை தெருக்கள் சுத்தமாக இருக்கும்

எல்லாம் சுயநலம் தான். ஒருசாரார் இன்னும் மாறவில்லை அண்ணா. ஒன்றும் செய்ய இயலாது. சகதியாகத்தான் இருக்கிறது. ஒன்று சேர்ந்து செய்தால் சீக்கிரம் சரி செய்து விடலாம். ஆனால் சுத்தம் செய்யும் பணிக்கு தன்னார்வலர்கள் வருவது கடினம். இது தான் நமது சமூக அமைப்பு.

சசி wrote:எல்லாம் சுயநலம் தான். ஒருசாரார் இன்னும் மாறவில்லை அண்ணா. ஒன்றும் செய்ய இயலாது. சகதியாகத்தான் இருக்கிறது. ஒன்று சேர்ந்து செய்தால் சீக்கிரம் சரி செய்து விடலாம். ஆனால் சுத்தம் செய்யும் பணிக்கு தன்னார்வலர்கள் வருவது கடினம். இது தான் நமது சமூக அமைப்பு.

ஆம் சசி ,

ராஜா wrote:
ஏற்கனவே மழை வெள்ளம், காட்டாறு தண்ணீர் போல கரைபுரண்டு ஓடியதால் மற்ற பகுதிகளில் கிடந்த குப்பைகளையெல்லாம் அடித்து வந்து தெருக்களில் குவித்து விட்டது. இதனால் வெள்ளம் வடிந்த பகுதிகளில் உள்ள தெருக்கள் குப்பைகளாகவும், சேறும்–சகதிகளுமாக காட்சியளிக்கிறது.
-malaimalar

மேற்கோள் செய்த பதிவு: 1179225
சென்னையே எப்போதும் குப்பை சேரும் இடம் அதை அகற்றவே படாத பாடு படுவார்கள்.இந்த சூழலில் வீட்டிற்கு குறைந்தது 500 கிலோ குப்பை என்பதே மிக குறைத்த அளவே கூறி உள்ளீர்கள், இத்தனையும் சேரும் போது இது தான் அபார பணியாக இருக்கும்.நினைக்கவே பிரமிப்பாக உள்ளது ஒவ்வொரு நபரும்
தான்னால் முடிந்த அளவு ஒத்துழைத்து நிறைய துப்புரவு பணியாளர் உதவியுடன் இது சாத்தியப் படும்.
நல்ல பதிவுக்கு நன்றி நண்பரே.