மழைக்குள் ஈரம்..! Mano Red

Mano Red · Mano Red Fri 4 Dec 2015 - 14:33

காய்ந்து கெடுக்கும்
இல்லையென்றால்
பெய்ந்து கெடுக்கும்
கடும் வெயில் கண்ட சென்னையை
கொடும் நெஞ்சோடு ஈரமாக்கியது.

தார்ச் சாலைகளில்
பாம்பு, பல்லி, பூச்சிகளை
பார்க்கும்போதுதான்
சென்னையில் மண்ணும் உண்டு
என்பது நினைவுக்கு வருகிறது.

பிளாஸ்டிக் குடங்களுக்கு
கைகால்கள் முளைத்து,
வறண்ட நாக்குகளுடன்
தண்ணீர் லாரிகளின் பின்னால்
ஓடிய மக்கள்
தண்ணீரில் தவித்து நிற்கின்றனர்.

அடையாறுக்கும் கூவத்துக்கும்
கரை எதுவும் கிடையாது.
கரையெல்லாம் குடி(சை)யிருப்புகள்.
மழை மிகுந்ததால்
மரண சாகசத்தின்
கயிற்றிலேறி நடக்கிறார்கள்.

ஏரிகளில்
குடியேறியது தவறென
மன்னிப்பு கேட்கச்சொல்லி
மல்லுக்கு நிற்கிறது
பெய்யெனப் பெய்யும் மழை.

என்னைப் பெய்யச் சொல்லியிருந்தால்
குடையாக மட்டுமல்ல
கொடையாகவும் பெய்திருப்பேன்.
கொஞ்சமல்ல
ரொம்பவே மோசம் மழை.

இம்முறை
ஆறு குளங்கள்
தாங்கள் தொலைத்த இடங்களை
மழையின் உதவியோடு
கோவமாகத் தேடி வருகிறது
குறுக்கே யார் வந்தாலென்ன?
மழையின் நெஞ்சிலும்
ஈரம் இருக்கிறதே.

**ayyasamy ram** · **ayyasamy ram** Fri 4 Dec 2015 - 14:52

கவிதை...

-

மழைக்குள் ஈரம்..! Mano Red BYOc5aBCQMG6oRPph17X+raining

**பழ.முத்துராமலிங்கம்** · 27/09/2015

Mano Red wrote:
ஏரிகளில்
குடியேறியது தவறென
மன்னிப்பு கேட்கச்சொல்லி
மல்லுக்கு நிற்கிறது
பெய்யெனப் பெய்யும் மழை.

மேற்கோள் செய்த பதிவு: 1178505

Mano Red · Mano Red Fri 4 Dec 2015 - 15:30

ஆமாங்க .அனுபவித்த துயரம்...இப்போதுதான் மீள்கிறோம்

சசி · சசி Sat 5 Dec 2015 - 9:54

அருமையான கவிதை

Mano Red · Mano Red Sat 5 Dec 2015 - 10:30

சசி wrote:அருமையான கவிதை

மேற்கோள் செய்த பதிவு: 1178618 ஆமாம் ...பாதிப்புக்குள்ளான கவிதை(((

Sponsored content · Sponsored content

மழைக்குள் ஈரம்..! Mano Red

மழைக்குள் ஈரம்..! Mano Red

Re: மழைக்குள் ஈரம்..! Mano Red

Re: மழைக்குள் ஈரம்..! Mano Red

Re: மழைக்குள் ஈரம்..! Mano Red

Re: மழைக்குள் ஈரம்..! Mano Red

Re: மழைக்குள் ஈரம்..! Mano Red

Re: மழைக்குள் ஈரம்..! Mano Red

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக