கேளிக்கை வரிச் சலுகையின் பயனை மக்களுக்கு அளிக்கும் உத்தரவுக்குத் தடை

**ayyasamy ram** · **ayyasamy ram** Thu Dec 03, 2015 3:52 am

வரி விலக்கு பெற்ற திரைப்படங்களுக்கு மக்களிடம் கேளிக்கை வரியை வசூலித்து, அவர்களுக்கு சுமை ஏற்படுவதைத் தடுக்க நடவடிக்கை எடுக்க வேண்டும் என தனி நீதிபதி பிறப்பித்த உத்தரவுக்கு சென்னை உயர் நீதிமன்றம் இடைக்காலத் தடை விதித்தது.
-
இது தொடர்பாக கே.ஜே.சரவணன் என்பவர் உயர் நீதிமன்றத்தில் தாக்கல் செய்திருந்த மனுவில் கூறியிருப்பதாவது:
கேளிக்கை வரி விலக்கு அளிக்கப்பட்ட திரைப்படங்களுக்கு, வரியைத் தவிர்த்து மீதமுள்ள கட்டணத்தை நுழைவுச் சீட்டுகளில் அச்சடிக்க வேண்டும்.
-
நுழைவுச் சீட்டின் பின்புறம் வணிகவரித் துறை அதிகாரிகள் முத்திரை அளித்த பின்பே அவற்றை விநியோகிக்க தமிழக அரசுக்கு உத்தரவிட வேண்டும் என கோரியிருந்தார்.
-
இந்த மனுவை விசாரித்த நீதிபதி ஆர்.மகாதேவன் பிறப்பித்த உத்தரவு:
-
கேளிக்கை வரி விலக்கு உத்தரவு என்பது திரைத்துறை, திரையரங்க உரிமையாளர்கள் பயன்பெறத்தான் எனவும், பார்வையாளர்களைக் கருத்தில் கொண்டு பிறப்பிக்கபட்டதல்ல என தமிழக அரசு வாதிடுவதை ஏற்க இயலாது.
எனவே, வரிவிலக்கு பெற்ற படங்களுக்கு மக்களிடம் கேளிக்கை வரியை வசூலித்து அவர்களுக்கு சுமை ஏற்படுவதை தடுக்க ஒரு மாதத்துக்குள் தமிழக அரசு தகுந்த உத்தரவு பிறப்பிக்க வேண்டும் என உத்தரவிட்டார்.
-
இந்த உத்தரவை எதிர்த்து, மும்பையைச் சேர்ந்த -ஐனாக்ஸ்- பொழுதுபோக்கு நிறுவனம் சார்பில் மேல்முறையீட்டு மனு தாக்கல் செய்யப்பட்டது. பின்னர், கடந்த முறை இந்த வழக்கு விசாரணைக்கு வந்தபோது, அரசிடமிருந்து வரிச் சலுகையைப் பெற தயாரிப்பாளர் பல நிபந்தனைகளைக் கடந்து வர வேண்டியுள்ளது.
-
எனவே, வரிச்சலுகையின் பயனை தயாரிப்பாளருக்கே அளிக்க வேண்டும் என பொழுபோக்கு நிறுவனம் சார்பில் தெரிவிக்கப்பட்டது.
-
இந்த நிலையில், இந்த வழக்கை விசாரித்த நீதிபதிகள் எம்.ஜெய்சந்திரன், எஸ்.விமலா ஆகியோர், கேளிக்கை வரி தொடர்பாக தனி நீதிபதி பிறப்பித்த உத்தரவுக்கு இடைக்கால தடை விதித்து, வழக்கு விசாரணையை டிசம்பர் 8-ஆம் தேதிக்கு ஒத்திவைத்தனர்.
-

தினமணி

**பழ.முத்துராமலிங்கம்** · 27/09/2015

இந்த பதிவுக்கு நன்றி ஐயா.

ayyasamy ram wrote:
எனவே, வரிச்சலுகையின் பயனை தயாரிப்பாளருக்கே அளிக்க வேண்டும் என பொழுபோக்கு நிறுவனம் சார்பில் தெரிவிக்கப்பட்டது.
-
இந்த நிலையில், இந்த வழக்கை விசாரித்த நீதிபதிகள் எம்.ஜெய்சந்திரன், எஸ்.விமலா ஆகியோர், கேளிக்கை வரி தொடர்பாக தனி நீதிபதி பிறப்பித்த உத்தரவுக்கு இடைக்கால தடை விதித்து, வழக்கு விசாரணையை டிசம்பர் 8-ஆம் தேதிக்கு ஒத்திவைத்தனர்.
-

தினமணி

மேற்கோள் செய்த பதிவு: 1178217

கேளிக்கை வரிச் சலுகையின் பயனை மக்களுக்கு அளிக்கும் உத்தரவுக்குத் தடை

கேளிக்கை வரிச் சலுகையின் பயனை மக்களுக்கு அளிக்கும் உத்தரவுக்குத் தடை

Re: கேளிக்கை வரிச் சலுகையின் பயனை மக்களுக்கு அளிக்கும் உத்தரவுக்குத் தடை

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக