வரலாற்றில் இன்று - டிசம்பர்

**விமந்தனி** · **விமந்தனி** Sat 28 Nov 2015 - 1:19

First topic message reminder :

வரலாற்றில் இன்று - டிசம்பர் - Page 3 KmB1x6dLSrmSj4R0vHZw+December-0

**விமந்தனி** · **விமந்தனி** Wed 9 Dec 2015 - 0:28

வரலாற்றில் இன்று - டிசம்பர் - Page 3 NLhC87oSca8V7ifSfN2e+December-8

தெற்காசிய நாடுகளின் பிராந்தியக் கூட்டமைப்பு தினமாக இன்று கொண்டாடப்படுகிறது.

தெற்காசிய நாடுகளின் பிராந்தியக் கூட்டமைப்பு அல்லது சார்க் (South Asian Association for Regional Cooperation, SAARC) என்பது தெற்காசிய நாடுகளுக்கிடையேயான நல்லுறவு, பிராந்திய ஒத்துழைப்பு ஆகியவற்றை ஏற்படுத்தும் முகமாக ஏற்படுத்தப்பட்ட ஓர் அமைப்பு ஆகும்.

தெற்காசியாவின் 8 நாடுகள் இவ்வமைப்பில் முழுமையான அங்கத்துவ நாடுகளாக உள்ளன. இவ்வமைப்பு டிசம்பர் 8, 1985 ஆம் ஆண்டில் இந்தியா, பாகிஸ்தான், வங்காள தேசம், இலங்கை, நேபாளம், மாலத்தீவு மற்றும் பூட்டான் ஆகிய நாடுகளினால் உருவாக்கப்பட்டது.

ஏப்ரல் 2007 இல் இடம்பெற்ற இவ்வமைப்பின் 14வது உச்சி மாநாட்டில் ஆப்கானிஸ்தான் இதன் 8வது உறுப்பு நாடாக சேர்த்துக்கொள்ளப்பட்டது.

**விமந்தனி** · **விமந்தனி** Wed 9 Dec 2015 - 0:29

வரலாற்றில் இன்று - டிசம்பர் - Page 3 ZIIGAdFATqaabIHqmLjT+December-9

1961 - பிரித்தானியாவிடம் இருந்து தங்கனீக்கா விடுதலை பெற்றது.

தங்கனீக்கா (Tanganyika) என்பது கிழக்கு ஆபிரிக்காவில் தான்சானியா நாட்டின் பெருநிலப்பரப்பாகும். இது கிழக்காபிரிக்காவில் பாயும் முக்கிய பெரும் ஏரிகளான விக்டோரியா ஏரி, மலாவி ஏரி, மற்றும் தங்கனீக்கா ஏரி ஆகியவற்றின் கரைகளில் அமைந்திருக்கிறது.

முன்னர் ஜெர்மனிய கிழக்கு ஆபிரிக்காவின் (Deutsch-Ostafrika) ஒரு குடியேற்ற நாடாக இருந்தது. முதலாம் உலகப் போரின் போது பிரித்தானியாவின் இராணுவ ஆட்சியின் கீழ் வந்த தங்கனீக்கா 1919 இல் வேர்சாய் ஒப்பந்தப்படி இது பிரித்தானிய ஆட்சியின் கீழ் "தங்கனீக்கா பிரதேசம்" என்ற பெயரில் இருந்தது.

பின்னர் இது ஐநாவின் நிர்வாகப் பொறுப்பின் கீழ் கொண்டு வரப்பட்டது.

டிசம்பர் 9, 1961 இல் இது தங்கனீக்கா என்ற பெயரில் தனிநாடாகியது. ஜூன் 9, 1962 இல் இது பொதுநலவாயத்தின் கீழ் "தங்கனீக்கா குடியரசு" என்ற பெயரில் குடியரசாகியது.

1964 இல் இது சன்சிபார் தீவுகளுடன் இணைந்து "தங்கனீக்கா மற்றும் சன்சிபார் ஐக்கிய குடியரசு" என்ற பெயரில் ஒன்றுபட்டன.

இதன் பெயர் ஏப்ரல் 26, 1964 இல் தான்சானியா ஐக்கிய குடியரசு எனப் பெயர் மாற்றம் பெற்றது.

**krishnaamma** · **krishnaamma** Wed 9 Dec 2015 - 0:54

நல்ல பதிவுகள் விமந்தனி புன்னகை

**ayyasamy ram** · **ayyasamy ram** Wed 9 Dec 2015 - 4:32

வரலாற்றில் இன்று - டிசம்பர் - Page 3 103459460

-

வரலாற்றில் இன்று - டிசம்பர் - Page 3 IpYab0uFRyqZFatWKPEK+comics1_2404597g

-
-வால்ட் டிஸ்னியின் டொனால்ட் டக் வரைகதை வெளிவந்தது(1934)

**krishnaamma** · **krishnaamma** Wed 9 Dec 2015 - 20:41

ayyasamy ram wrote:
-

-
-வால்ட் டிஸ்னியின் டொனால்ட் டக் வரைகதை வெளிவந்தது(1934)

மேற்கோள் செய்த பதிவு: 1179410

எனக்கு டொனால்ட் டக் ரொம்ப பிடிக்கும் புன்னகை

**விமந்தனி** · **விமந்தனி** Thu 10 Dec 2015 - 1:03

வரலாற்றில் இன்று - டிசம்பர் - Page 3 ZAoEqn5R5KQanklQ6wbO+December-10

1901 - முதலாவது நோபல் பரிசுகள் வழங்கப்பட்டன.

நோபெல் பரிசு (Nobel Prize) அல்லது நோபல் பரிசு (பழைய வழக்கு) என்பது ஒப்பற்ற ஆய்வு மேற்கொண்டவர்களுக்கும் பெரும் பயன் விளைவிக்கும் தொழில்நுட்பங்கள் அல்லது கருவிகளைக் கண்டுபிடித்தவர்களுக்கும் சமூகத்திற்கு அரிய தொண்டாற்றியவர்களுக்கும் வழங்கப்படும் உலகளவில் பெரிதும் மதிக்கப்படும் பரிசு ஆகும்.

அமைதிக்கான நோபல் பரிசு மட்டும் சில நிறுவனங்களுக்கும் வழங்கப்படுவது உண்டு. மார்ச் 2005 வரை 770 நோபெல் பரிசுகள் வழங்கப்பட்டுள்ளன.

எனினும், சிலர் இந்தப் பரிசைப் பெற்றுக்கொள்ள மறுத்ததும் உண்டு. இது வேதியியலாளர் ஆல்ஃபிரட் நோபெல் என்பவரால் 1895ல் தொடங்கப்பட்டது.

முதல் பரிசு 1901 ல் வழங்கப்பட்டது. சில ஆண்டுகள் ஒரு பரிசு கூட அறிவிக்கப்படாமல் போனதும் உண்டு. எனினும், குறைந்தபட்சம் ஐந்து ஆண்டுகளுக்கு ஒரு முறையாவது இந்தப் பரிசு அறிவிக்கப்படும். நோபெல் பரிசு, திரும்பப் பெறத்தக்கதல்ல.

இயற்பியல், வேதியியல், இலக்கியம், மருத்துவம் அல்லது உடலியங்கியல் மற்றும் அமைதி ஆகியவையே ஆல்ஃபிரட் நோபெல் அவர்களின் உயில் படி ஏற்படுத்தப்பட்ட பரிசுகளாகும்.

பொருளியலுக்கான நோபல் நினைவுப் பரிசு 1968 ல் சுவீடன் நடுவண் வங்கியினால் அதன் 300 வது ஆண்டு நிறைவை கொண்டாடும் முகமாக ஏற்படுத்தப்பட்டது.

பரிசு பெறும் ஒவ்வொருவரும், ஒரு தங்கப்பதக்கமும் ஒரு பட்டயமும், நோபெல் அறக்கட்டளையின் அவ்வருட வருமானத்தைப் பொறுத்து பரிசுப் பணமும் பெறுவர்.

**krishnaamma** · **krishnaamma** Thu 10 Dec 2015 - 1:04

நல்ல தகவல் புன்னகை

.............

**விமந்தனி** · **விமந்தனி** Fri 11 Dec 2015 - 0:31

வரலாற்றில் இன்று - டிசம்பர் - Page 3 Ugaqcy59QSmrfdsZXUao+December-11

1882 - சுப்பிரமணிய பாரதி, கவிஞர் பிறந்த தினம் இன்று.

சின்னசுவாமி சுப்பிரமணிய பாரதி, ஒரு கவிஞர், எழுத்தாளர், பத்திரிக்கையாசிரியர், விடுதலை வீரர் மற்றும் சமூக சீர்திருத்தவாதி ஆவார்.

இவரை பாரதியார் என்றும் மகாகவி என்றும் அழைக்கின்றனர். பாரதி, தமிழ் கவிதையிலும் உரைநடையிலும் சிறப்பான புலமை கொண்டு, நவீன தமிழ் கவிதைக்கு முன்னோடியாகத் திகழ்ந்தார்.

தமிழ், தமிழர் நலன், இந்திய விடுதலை, பெண் விடுதலை, சாதி மறுப்பு, பல்வேறு சமயங்கள் குறித்து கவிதைகளும் கட்டுரைகளும் எழுதியுள்ளார்.

தம் எழுத்துகள் மூலமாக மக்கள் மனதில் விடுதலை உணர்வை ஊட்டியவர். எட்டப்ப நாயக்கர் மன்னர் இவருடைய கவித்திறனை மெச்சி பாரதி என்ற பட்டம் வழங்கினார். பாரதியாரின் நூல்கள் தமிழ்நாடு மாநில அரசினால் 1949 ஆம் ஆன்டில் நாட்டுடைமை ஆக்கப்பட்டன. இந்தியாவிலேயே முதன்முதலாக நாட்டுடைமையாக்கப்பட்ட இலக்கியம் பாரதியாருடையதாகும்.

பாரதி, இந்திய வரலாற்றின் திருப்பங்கள் நிறைந்த காலகட்டத்தில் வாழ்ந்தவர்.

பால கங்காதர திலகர், உ. வே. சாமிநாதையர், வ. உ. சிதம்பரம் பிள்ளை, மகான் அரவிந்தர் முதலியோர் இவரின் சமகாலத்தைய மனிதர்கள் ஆவர்.

இவர் விவேகானந்தரின் மாணவியான சகோதரி நிவேதிதையை தமது குருவாக கருதினார்.

**krishnaamma** · **krishnaamma** Fri 11 Dec 2015 - 0:44

நல்ல பகிர்வு விமந்தனி புன்னகை

**பழ.முத்துராமலிங்கம்** · 27/09/2015

விமந்தனி wrote:
டிசம்பர் 9, 1961 இல் இது தங்கனீக்கா என்ற பெயரில் தனிநாடாகியது. ஜூன் 9, 1962 இல் இது பொதுநலவாயத்தின் கீழ் "தங்கனீக்கா குடியரசு" என்ற பெயரில் குடியரசாகியது.
1964 இல் இது சன்சிபார் தீவுகளுடன் இணைந்து "தங்கனீக்கா மற்றும் சன்சிபார் ஐக்கிய குடியரசு" என்ற பெயரில் ஒன்றுபட்டன.

மேற்கோள் செய்த பதிவு: 1179405
வரலாற்றில் இன்று - டிசம்பர் - Page 3 3838410834

வரலாற்றில் இன்று - டிசம்பர் - Page 3 1571444738

Sponsored content · Sponsored content

வரலாற்றில் இன்று - டிசம்பர்

வரலாற்றில் இன்று - டிசம்பர்

Re: வரலாற்றில் இன்று - டிசம்பர்

Re: வரலாற்றில் இன்று - டிசம்பர்

Re: வரலாற்றில் இன்று - டிசம்பர்

Re: வரலாற்றில் இன்று - டிசம்பர்

Re: வரலாற்றில் இன்று - டிசம்பர்

Re: வரலாற்றில் இன்று - டிசம்பர்

Re: வரலாற்றில் இன்று - டிசம்பர்

Re: வரலாற்றில் இன்று - டிசம்பர்

Re: வரலாற்றில் இன்று - டிசம்பர்

Re: வரலாற்றில் இன்று - டிசம்பர்

Re: வரலாற்றில் இன்று - டிசம்பர்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக