வாழ்க்கை ஒரு பரமபத விளையாட்டு?

அந்த காலத்தில் வைகுண்ட ஏகாதசி அன்று விரதம் இருந்து விடிய விடிய விழித்திருந்து காலையில் சுவர்க்க வாசலுக்கு முதல் ஆளாக செல்கின்றனர்..அப்படி இரவு கண் விழித்திருக்கும் பொழுது பரமபத விளையாட்டு என்று சொக்கட்டனை உருட்டி பரபதம் என்ற ஒரு விளையாட்டை விளையாடுவார்கள்..முதலில் தாயம் என்ற ஒற்றைப்புள்ளி சொக்கட்டனில் விழுந்தவர்களே இந்த விளையாட்டில் அனுமதி பெறுவார்கள்..பிறகு பாம்பு இருக்கும்..ஏணிப்படி இருக்கும்..இதெல்லாம் கடந்துவிட்டவர்கள் மேலே சென்ற பிறகு மறுபடியும் ஒற்றை புள்ளியாய் எடுத்து விஷ்ணு வரைக்கும் சென்றடைந்தால் விளையாட்டு நிறைவு..இதனுடைய உண்மை என்னவென்றால் இந்த உலகில் தர்மத்தை படைக்கவரும் பரமாத்மா..நம்மை ஆன்மா என்ற ஒற்றை புள்ளியாக உணர சொல்கின்றார்..பிறகு இந்த உலகத்தின் நிலை நமக்கு புரிய வருகின்றது..மாயை என்ற தீய குணங்களுடைய நச்சு பாம்புகளும்..இறைவன் கொடுக்கும் உயர்ந்த வழி என்ற ஏணிப்படிகளும் ..ஆன்மாவின் பல்வேறு நிலைகள் என்ற பல்வேறு கால கட்டங்களும் அந்த கட்டத்தில் அடங்கும்..இது எப்படியாக இருந்தாலும் நம்முடைய விருப்பபடி அதில் காய்களை நாம் நகர்த்த முடியாது..சொக்கட்டானில் விழுந்த எண்ணின் படிதான் நாம் நகர்த்த முடியும்..இதைதான் பரமாத்மா என்ற சிவபெருமான் உன்னை முதலில் நெற்றியின் புருவ மத்தியில் வசிக்கும் ஆன்மா என்று உணர்ந்தால் இந்த உலக விளையாட்டு உனக்கு தெரிய வரும்..மாயை என்ற பாம்பு என்பது என்ன?இறைவனின் ஸ்ரீமத் என்ற ஏணிப்படியின் உயர்ந்த வழி என்றால் என்ன?பரந்தாமத்தில் ஆன்மாக்கள் அனைவரும் புள்ளியாக இருப்பதன் ரகசியம்..?அதர்மத்தை அழித்து பூமியில் விஷ்ணுபுரியை சிவபெருமான் படைத்தவுடன் பரந்தாமத்தில் இருந்து தர்மம் நிறைந்த ராஜ்யத்திற்கு வரும் ஆன்மாவின் ஒரு சுற்று விளையாட்டு முடிந்து மீண்டும் புதிய விளையாட்டு ஆரம்பம் ஆகின்றது..இதில் நாம் புரிந்து கொள்ளவேண்டிய ஒன்று எல்லாம் நம் கையில் இருந்தாலும் விதி என்ற நாடகத்தின் படியே எல்லாம் நடக்கின்றது.. சொக்கட்டானில் விழும்எண்ணிக்கைக்கு தகுந்த படியே காய்களை நாம் நகர்த்த முடியும்...இருந்தாலும் அந்த விளையாட்டில் எல்லாமே வேடிக்கை பார்த்துக்கொண்டே நாம் முயற்சி செய்கின்றோம்.. அதைப்போலவே நாமும் நம்முடைய வாழ்கையில் இவ்வளவு துன்பங்கள் வருகின்றதே.. வேதனைகள் வருகின்றதே என்று மனம் உடைந்து போக கூடாது..எப்படி விளையாட்டு என்று புரிந்தவுடன் மகிழ்ச்சியே வெளிப்பட்டது.. அதைப்போல நாமும் இந்த உலக வாழ்கையில் வரும் துன்பங்களை ஒரு விளையாட்டாக பார்த்தால் மகிழ்ச்சியாக கடந்துவிடலாம்.. ஏனென்றால் ஆன்ம நினைவில் இருந்து பரமாத்மாவின் துணையை அனுபவம் செய்தால் இந்த விஷக்கடலில் இருந்து பாற்கடலுக்கு பயணம் செய்துவிடலாம்.. சிவபெருமான் மீது பொறுப்பை ஒப்படைத்துவிட்டு சொக்கட்டானை அவர் நினைவில்பயன்படுத்தினால் வெற்றி எண்ணிக்கை மட்டுமே விழும்..நாமும் விஷ்ணுபுரியை அடைந்து பேரானந்தம் பெறலாம்..வாழ்த்துக்கள்..