ஒரு நாள் இரவில்… – விமர்சனம்

-


‘ஷட்டர்’ மலையாளப்படத்தின் தமிழ்ப்பதிப்புதான் –
‘ஒரு நாள் இரவில்’
–
‘நைட் ஷோ’ என்ற ஆபாசமான தலைப்பில் எடுக்கப்பட்டு
‘ஒரு நாள் இரவில்’ என்ற அர்த்தபூர்வமான பெயரில்
வெளியாகியிருக்கிறது.
–
கதை?
–
தன்னுடைய மகள் சக மாணவனுடன் சகஜமாக பழகுவதை
காதல் என்று தவறாக நினைக்கும் சத்யராஜ், மகளின் படிப்பை
நிறுத்தி விட்டு அவசர அவசரமாக திருமணத்துக்கு ஏற்பாடு
செய்கிறார்.

அதனால், குடும்பத்தில் ஏற்பட்ட டென்ஷனில், நண்பர்களுடன்
தன் வீட்டுக்கு முன்னால் உள்ள காலியாக இருக்கும் கடையில்
சரக்கு அடிக்கிறார்.

ஆட்டோ டிரைவர் வருணுடன் நட்பாகப் பழகும் சத்யராஜ்,
ஆட்டோவில் போகும்போது பஸ் நிறுத்தத்தில் நிற்கும் பாலியல்
தொழிலாளி அனுமோலைப் பார்க்கிறார்.

குடிபோதையில் இருக்கும் சத்யராஜுக்கு அனுமோலைப்
பார்த்ததும் சபலம்.
–
அனுமோலை அழைத்துக் கொண்டு ஹோட்டலுக்கு போகும்
முயற்சிகள் தோல்வியில் முடிய, தன் வீட்டுக்கு முன்னால் உள்ள
கடைக்குள்ளேயே சந்தோஷத்தை அனுபவிக்க முடிவு செய்கிறார்.
–
சத்யராஜையும், அனுமோலையும் கடையின் உள்ளே வைத்து
ஷட்டரை மூடி வெளியே பூட்டி விட்டு அனுமோலுக்கு பரோட்டா
வாங்கச் செல்கிறார் வருண்.
–
ஆட்டோவில் வரும்போது போலீஸில் சிக்கிக் கொள்கிறார்.
–
சத்யராஜும் அனுமோலும் பூட்டிய கடைக்குள் சிக்கிக்
கொள்கிறார்கள்.
–
அதன் பிறகு நடக்கும் பரபரப்பான, விறுவிறுப்பான சம்பவங்களின்
தொகுப்புதான் ஒருநாள் இரவில் படம்!
–
சபலத்தால் ஒரு மனிதனின் வாழ்க்கை என்னவெல்லாம் ஆகிறது
என்பது மேலோட்டமான கதையாக இருந்தாலும், பெண்களுக்கு
கல்வியின் அவசியத்தை வலியுறுத்துவதே இப்படம் சொல்லும்
செய்தி.

பல முன்னணி இயக்குநர்களின் படங்களில் படத்தொகுப்பாளராகப்
பணியாற்றிய ‘எடிட்டர்’ ஆன்டனிதான் இயக்குநர்.
–
காட்சிகள் செம ஷார்ப்.
–
பூட்டிய கடைக்குள்ளேயே பெரும்பாலான காட்சிகள் நகர்வதால்
சீக்கிரமே போரடித்துவிடக்கூடிய அபாயம் உள்ள கதை.
–
அதையே அடுத்து என்ன நடக்குமோ என பதைக்க வைக்குமளவுக்கு
புத்திசாலித்தனமான திரைக்கதையில் ரசிக்க வைத்திருக்கிறார்.
–
ஷட்டர் திறக்கப்படும் இண்டர்வெல் ப்ளாக் புத்திசாலித்தனத்தின்
உச்சம்.
–
சீரியசான கதைக்கு சிரிப்பு நடிகர் யூகி சேது வசனம் எழுதி
இருக்கிறார்.
–
பல இடங்களில் இயல்பான வசனங்கள்.
–
மார்க்கெட் போனநிலையில் சர்வைவலுக்காகப் போராடும் சினிமா
டைரக்டராகவும் நடித்திருக்கும் யூகிசேது நடிகராகவும் கவனம்
ஈர்க்கிறார்.
–
சத்யராஜ், அனுமோல், வருண், யூகிசேது என கதைக்கு ஏற்ற
கதாபாத்திர தேர்வுகள் படத்தின் பலம்.
–
முக்கியமாக பாலியல் தொழிலாளி வேடத்தில் நடித்துள்ள அனுமோல்
அனாயசமான நடிப்பில் அசரடித்தருக்கிறார்.
–
சத்யராஜுக்கு அவரது திரைவாழ்க்கையில் பேர் சொல்ல மற்றுமொரு
படம்.
–
சத்யராஜின் மகளாக நடித்துள்ள தீக்‌ஷிதா…எதிர்கால த்ரிஷா.
–
பின்னணி இசை, ஒளிப்பதிவு, படத்தொகுப்பு போன்ற தொழில்
நுட்ப நேர்த்தியில் சிறந்த படமாக மனதில் நிற்கிறது – ஒருநாள்இரவில்…
–
நல்ல சினிமாவை ரசிக்கத் தெரிந்தவர்கள் அவசியம் பார்க்க வேண்டிய
படம்.
–
———————————————
தமிழ் ஸ்கிரீன்.காம்