சிவன் சொத்து குலநாசம்

-
பார்வதி தேவியின் தவத்தின் பொருட்டும்; சங்கன், பதுமன்
ஆகியநாகங்களுக்கும் மற்று முள்ள பலருக்கும் சிவன் வேறு,
அரி வேறல்ல என்பதைஉணர்த்தும் பொருட்டும் சிவபெருமான்
சங்கர நாராயணராகக் காட்சி தந்த தலம்சங்கரன் கோவில்!
-
இவ்வாறு சிவபெருமான் ஒரு பாதி சிவனாகவும் மறுபாதி
நாராயண னாகவும் காட்சிதந்த அந்த அரிய நிகழ்ச்சி, ஆடி
மாதத்தில் ஆடித்தபசு விழாவாக சங்கரன்கோவில் தலத்தில்
வெகு சிறப்பாகக் கொண்டாடப்பட்டு வருவது நாமறிந்ததே.
-
அத்தகைய சிறப்பு வாய்ந்த சங்கரன் கோவில் தலத்தில் மேலும்
ஒரு அற்புதத்தைநிகழ்த்தியிருக்கிறார் சிவபெருமான்.
இந்த நிகழ்வை உணர்வுப் பூர்வமாகவிவரித்தார் மணி பட்டர்.
-
"ஒருசமயம், சிவபூஜை செய்வதற்காக கோவிலுக்குள் நுழைந்த
அர்ச்சகர்கள்,பூஜைக் குரிய பொருட்கள் அனைத்தும் களவு
போயிருப்பதைக் கண்டுதிடுக்கிட்டனர். சிவனுக்கு எப்படி பூஜை
செய்வது என்று தெரியாமல் ஈசனிடம்முறையிட்டுப் புலம்பி
நின்றனர்.
-
"உன் கண்ணெதிரே உன்னுடைய பொருட்களே களவு போய்
விட்டனவே! என்ன செய்யப் போகிறாய் நீ?' என்று அவர்கள் கலங்கி
நிற்க, சிவபெருமான்சந்திரசேகரராய்- வேட்டைச் சாமியாய்
வடிவெடுத்து கள்வர்களைப் பிடிக்ககுதிரையில் விரைந்து சென்றார்.
கள்வர்களைக் கண்டுபிடித்து, களவு போனபொருட்களுடன்
அவர்களைக் கட்டியிழுத்துக் கொண்டு வேட்டை மடம் திரும்பினார்
சிவபெருமான்.
-
அங்கு அவர்களிடம், "அடுத்தவர் பொருட்களைத் திருடுதல் பாவம்.
அதிலும் சிவன்சொத்தை அபகரித் தால் குலமே நாசமடையும்' என்று
அவர்களுக்கு தர்ம நியாயங்களைஎடுத்துரைத்தார்.
-
அதைக் கேட்டு மனம் வருந்திய கள்வர்கள், "பாவத் தொழிலான
திருட்டுத் தொழிலை இனி ஒருபோதும் செய்ய மாட்டோம்' என்று
மன்னிப்பு வேண்டி, தங்கள் முடியைக்காணிக்கையாகச் செலுத்தி
மொட்டையடித் துக் கொண்டனர்.
-
திருடு போன தன்னுடைய பொருட்களைத் தானே கண்டுபிடித்து,
சிவன் சொத்தைஅபகரித்தால் குலம் நாசமடையும் என்ற
உண்மையையும் சிவபெருமான் உணர்த்தியஅந்த அரிய
காட்சியைக் கண்டு உருகி நின்றனர் அர்ச்சகர்கள்.
-
மேற்கண்ட சம்பவத்தை "வேட்டை மடச் சாமி' என்னும் விழாவாக
தை மாதம் இரண்டாம்நாள் (மாட்டுப் பொங்கலன்று) மாலை
சங்கரன் கோவிலில் கொண்டாடி வருகிறார்கள்.
-
குதிரை வாகனத்தில் சந்திரசேகரராய் சிவபெருமான் எழுந்தருளி,
கள்வர்களைப்பிடித்துக்கொண்டு திரும்பி வரும்போது, அவரைக்
காண்பதற்காகப் பல்வேறுபகுதிகளிலிருந்தும் ஏராளமான
பக்தர்கள் திரள்கின்றனர்.
-
"இழி செயலான திருட்டுத் தொழிலை யும், மனித குலத்திற்கெதிரான
பாவச்செயல்களையும் இனி ஒருபோதும் செய்ய மாட்டேன். என்னை
மன்னித் தருள வேண்டும்சிவபெருமானே!' என்று வேண்டிக்
கொள்பவர்களுக்கு விமோசனமும்-
-
"ஐயனே! ஏழைகளான எங்கள் பொருட்கள் திருட்டு போய்விட்டன.
அவை மீண்டும் கிடைக்க வேண்டும்' என்று வேண்டுபவர்களுக்கு
அதற்கான வழியும் கிடைக்கிறது'' என்று கூறினார் மணி பட்டர்.
-
பஞ்சமா பாதகச் செயல்களிலிருந்து விடுபட, களவுபோன பொருட்கள்
திரும்பக் கிடைக்க வழிபட வேண்டி சிறப்புத் தலமாக விளங்குகிறது
நெல்லை மாவட்டத்தின் முக்கிய நகரமான சங்கரன் கோவில்!
-
-------------------------------------
nakkheeran.in