மழைக் குழந்தை

by **Aathira** Sun Nov 15, 2015 8:10 pm

கம்மியும்
கை கால்களை உதைத்து கர்ச்சித்தும்
ஒலி எழுப்பும்
குழந்தையின்
அழுகையாய்க் கேட்கிறது
பலஹீனமாகவும்
பலமாகவும் பெய்யும்
மழையின் குரல்

அழவும் தெரியாமல்
அழாமல் இருக்கவும் முடியாமல்
விம்மி வெதும்பிக் கொண்டிருக்கும்
குழந்தையாய்
பரிதாபமாக முகத்தை
வைத்துக் கொண்டிருக்கிறது
மழை பொழியாத
நேரத்து மேகம்

அவ்வப்போது நிறுத்தி
நம் கவனத்தை ஈர்க்கும்
குழந்தையின் அழுகையென
நாம் கவனிக்கவே
விட்டு விட்டு
பெய்கிறது
மழையும்

அடிக்க வேண்டும் போல
கோபம் வந்தாலும்
ரசிக்காமல்
இருக்க முடிவதில்லை
குழந்தைகளின்
அடத்தைப் போலவே
மழையின்
அடத்தையும்

ஆனால்
குழந்தைகள் ஒருபோதும்
கொல்வதில்லை
குழந்தைகளை
மழையைப் போல!

- ஆதிரா முல்லை

by Namasivayam Mu Sun Nov 15, 2015 8:15 pm

இயற்கை அன்னைதரும் தாய்ப் பாலே

மழை புன்னகை

by K.Senthil kumar Sun Nov 15, 2015 8:30 pm

கவி மழையில் கரைய வைத்தமைக்கு மிக்க நன்றி அக்கா ...............

by **Aathira** Sun Nov 15, 2015 10:08 pm

@Namasivayam Mu wrote:இயற்கை அன்னைதரும் தாய்ப் பாலே

மழை

மேற்கோள் செய்த பதிவு: 1174953
தாய்ப்பாலும் அளவுக்கு அதிகமானால் குழந்தைக்கு மூச்சு முட்டி விடும். இப்போது நடந்துகொண்டு இருப்பது அதுவே ஐயா

by **Aathira** Sun Nov 15, 2015 10:16 pm

@K.Senthil kumar wrote:கவி மழையில் கரைய வைத்தமைக்கு மிக்க நன்றி அக்கா ...............

மேற்கோள் செய்த பதிவு: 1174955
நன்றி தம்பி அன்பு மலர்

by **விமந்தனி** Sun Nov 15, 2015 11:06 pm

மழையை போல உங்கள் கவிதையும் அழகாய் இருக்கிறது அக்கா.

by **விமந்தனி** Sun Nov 15, 2015 11:09 pm

@Aathira wrote:
@Namasivayam Mu wrote:இயற்கை அன்னைதரும் தாய்ப் பாலே

மழை
மேற்கோள் செய்த பதிவு: 1174953
தாய்ப்பாலும் அளவுக்கு அதிகமானால் குழந்தைக்கு மூச்சு முட்டி விடும். இப்போது நடந்துகொண்டு இருப்பது அதுவே ஐயா

ஆமாம், எங்கு பார்த்தாலும் தண்ணீர், தண்ணீர். சோகம்

(வீட்டிற்குள்ளும்)

by **M.Jagadeesan** Mon Nov 16, 2015 6:19 am

காற்றும் மழையும் கதிரவனும் ஓய்ந்திட்டால்
நாற்றும் கதிரும் முளைத்திடுமா - போற்றிடுவீர்
வாட்டும் பசியால் வருந்தும் மனிதருக்கு
காட்டும் வழியென்ன கூறு .

by சசி Mon Nov 16, 2015 4:38 pm

மழை குழந்தையின் குறும்புகள் அருமை
அக்கா!

by Hari Prasath Mon Nov 16, 2015 4:47 pm

மிக அருமையான கவிதை

தெருவிலே சாரல் மழை,
முற்றத்திலே என் செல்ல மழலை,

மழை மீது உனக்கு பாசமா - (அல்லது )
மழைக்கு உன்மேல் நேசமா?

நடப்பதை ரசித்து - (நீ ) தூரலை எண்ணி ,
கவலையிலோ உன் அன்னை -உன்னை எண்ணி ,

இயற்கையின் இரண்டு கவிதைகளும் விளையாடும் இத்தருணம்
இரண்டும் தவழ்வதை காண்கையில் கோடி இன்பம்

*****மழை / மழலை *****

கார்த்திக் செயராம்

by Sponsored content

மழைக் குழந்தை

மழைக் குழந்தை

Re: மழைக் குழந்தை

Re: மழைக் குழந்தை

Re: மழைக் குழந்தை

Re: மழைக் குழந்தை

Re: மழைக் குழந்தை

Re: மழைக் குழந்தை

Re: மழைக் குழந்தை

Re: மழைக் குழந்தை

Re: மழைக் குழந்தை

Re: மழைக் குழந்தை

Re: மழைக் குழந்தை