தூங்காவனம்

**M.Jagadeesan** · **M.Jagadeesan** Sat 14 Nov 2015 - 16:20

அதுஒரு அழகிய அற்புதக் காடு
ஆறும் மலையும் இருக்கும் காடு
உதய சூரியன் ஒளியின் வெள்ளம்
உள்ளே நுழையா அடர்ந்த காடு
துள்ளிப் பாயும் அருவிகள் மலையில்
தும்பைப் பூவெனக் கொட்டும் ஒருபால்
புள்ளும் மாவும் அருகே சுனையில்
புதுநீர் அருந்தும் காட்சிகள் ஒருபால்
மலையை ஒத்த யானைகள் கூட்டம்
மத்தகம் முட்டி போரிடும் ஒருபால்
கலைமான் கூட்டம் காதலி தம்மோடு
அலையெனப் பாய்ந்து ஓடும் ஒருபால்
கோடை இடியின் தாளம் கேட்டு
ஆடும் மயில்கள் கூட்டம் ஒருபால்
கடுவன் குரங்கு மந்தி தம்மோடு
காதல் செய்யும் காட்சிகள் ஒருபால்
சிங்க ராஜா கர்ஜனைக் கேட்டு
சிலிர்த்து ஓடும் மிருகக் கூட்டம்
கரடிகள் கூட்டம் தேனடை அருந்திக்
களித்து ஆடும் காட்சிகள் ஒருபால்
எங்கு நோக்கினும் ஒலியின் தொகுதி
தங்கும் இயற்கை அன்னையைக் காண
ஏங்கும் எந்தன் மனதிற்கு விருந்தாய்
தூங்கா வனத்தைப் படைத்தனன் இறைவன் !

Hari Prasath · Hari Prasath Sat 14 Nov 2015 - 18:11

மிக அருமை

M.Jagadeesan wrote:
புள்ளும் மாவும் அருகே சுனையில்
புதுநீர் அருந்தும் காட்சிகள் ஒருபால்

மா என்றால் என்ன ஐயா?

**M.Jagadeesan** · **M.Jagadeesan** Sat 14 Nov 2015 - 18:42

" மா " என்றால் விலங்கு .

K.Senthil kumar · K.Senthil kumar Sat 14 Nov 2015 - 19:31

மிகவும் அருமையாக இருக்கிறது தங்களின் பதிவு
தூங்காவனம்
துள்ளலும் -மகிழ்ச்சி
கொள்ளலும்
உள்ளவனம்

Hari Prasath · Hari Prasath Sat 14 Nov 2015 - 21:09

M.Jagadeesan wrote:" மா " என்றால் விலங்கு .

விளக்கியமைக்கு நன்றி ஐயா

Sponsored content · Sponsored content

தூங்காவனம்

தூங்காவனம்

Re: தூங்காவனம்

Re: தூங்காவனம்

Re: தூங்காவனம்

Re: தூங்காவனம்

Re: தூங்காவனம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக