விடலை

K.Senthil kumar · K.Senthil kumar Thu Nov 12, 2015 7:52 am

மோகமுள்ளின் கூர்மை
கொடுமையாய் குத்துவதால் தான்
பாரதி மோகத்தை முறித்துவிடு
என்றாரோ?
விடலையாய் இருந்தால்
பசலைநோய்
பற்றிக்கொள்கிறது..
பாலுணர்வு தூண்டல்
பாடாய் படுத்துகிறது.
பவித்ர ஞாநிகளின்
உபதேசங்கள்
பறந்து போகின்றன..
மெய் ஞானம் அகன்று
மென்மையான தேகம் மட்டுமே
மினுமினுக்கின்றன..
கண்களுக்கு கட்டுப்பாடுகள் என்னும்
கதவிடபட்டிருந்தால் அதை
கடந்து செல்ல துடிக்கின்றன
வயதும் அறிவும்..
தெரியாத உறுப்புகளின்
தேடல்களை
தெரியாத உணர்வுகளுக்கு
தெரிவித்தது யாரோ......?
திண்ணாத கிளிகளுக்கும்
திகட்டாத விழிகளுக்கும
தீண்டப்படாத கனிகளின்மீது மட்டுமே
ஈர்ப்பு..
தெரியாத தேகங்கள் -விரல்
பதியாத பாகங்களாய்
இருந்தால் மட்டுமே
சுகமும் சுவாரஸ்யமும்......

**பழ.முத்துராமலிங்கம்** · 27/09/2015

விடலை பருவ சேட்டைகளை கவிதை ரூபத்தில் வடித்தளித்தமைக்கு நன்றி ,அருமை.

**T.N.Balasubramanian** · **T.N.Balasubramanian** Thu Nov 12, 2015 9:45 am

[quote="sendhil kumar"]தெரியாத தேகங்கள் -விரல்
பதியாத பாகங்களாய்
இருந்தால் மட்டுமே
சுகமும் சுவாரஸ்யமும்......

அருமை செந்தில்குமார் அவர்களே ! விடலை 3838410834