மறுபடியும் ஒரு ரவுண்டு - விமந்தனி

**விமந்தனி** · **விமந்தனி** Mon Dec 21, 2015 11:52 pm

வராமல் இருந்ததற்கும், வரப்போகாமல் இருப்பதற்கும் சேர்த்து எனது விடுமுறை விண்ணப்பம்.

சொல்லாமல் எடுத்த எனது விடுப்பிற்கு உறவுகள் முதலில் என்னை மன்னிக்க, மன்னிக்க...!

முதலில்,

வராமல் இருந்ததற்கு –

சமீபத்தில் பெய்த பேய் மழை பாதிப்பின் விளைவாக, வெள்ள நிவாரண உதவி புரிவதில் இயன்ற அளவு எங்களை ஈடுபடுத்திகொண்டதால்,

அது முடிவதற்குள், எனது தம்பி (மனைவி)க்கு குழந்தை பிறந்துவிடவே எதிர்பாராதவகையில் மருத்துவமனையில் அவளுடன் தங்கவேண்டிய சூழல்.

அது முடிந்து கொஞ்சம் ஆசுவாசப்படுத்திக்கொண்டு சிஸ்டம் முன்னால் உட்கார்ந்தால்.......

பெய்த மழையில் அதற்கும் ஜுரம் வந்துவிட்டது போலும். வேலை செய்யவில்லை.

அதற்கும், நிலவேம்பு கஷாயம் வைத்து கொடுக்காத குறையாக குணப்படுத்தி, எதிரில் உட்கார்ந்தால்...... இந்த எலி தொந்தரவு தாங்கலை.

Mouse பத்தி தான் சொல்றேன். இந்த பக்கம் இழுத்தா, அந்த பக்கம் போகுது...... பிடிக்கவே முடியல.

சோதனை மேல் சோதனை....!

வரலாறும், பயணக்கட்டுரையும் பாதியிலேயே நின்று என்னை மேலும் டென்ஷனாக்கி கொண்டிருந்தது.

எல்லாவற்றையும் (ஏதோ) சரி செய்து, வரலாறையாவது பதிவு செய்யலாம் என்று பார்த்தால்...............................

என் நேரம், விக்கிபீடியா பேஜ் மட்டும் open ஆகவே இல்லை. (அதிசயம் தான்)

அதற்குள்,

நான் வரப்போகாமல் இருப்பதற்கு உண்டான விடுமுறை விண்ணப்பம் இங்கே போடும் நேரமும் வந்து விட்டது!
.
.
.
.
.
அது என்னவென்றால்,

23.12.2015 – அன்று காலை LTC சுற்றுலா செல்கிறேன். இதுவரை இந்த சுற்றுலா சென்றதில்லை. அதுவும், இந்த வருடத்தோடு இந்த சுற்றுலா சலுகையை இவர் department லிருந்து cancel செய்யப்போவதாக ஒரு வதந்தி உலாவருகிறதாம். So, அதன் உலா முடிவதற்குள், நாம் ஒரு உலா போய் வந்துவிடலாம் என்று சென்ற நவம்பர் முதல் வாரத்தில் இந்த சிற்றுலாவை புக் செய்து விட்டேன். அடித்துக்கொண்டிருந்த பேய் மழையில் போகமுடியாது என்றே நினைத்திருந்தேன். அனால், அதற்க்கு வாய்ப்பில்லாமல் போய்விட்டது.

ஒரு வார சுற்றுலா. தமிழ்நாடு டூரிசம் மூலமாக செல்கிறோம். அடுத்த எட்டாவது நாள், பழையபடி எனது அன்பிற்குரிய சென்னை வாசம் மற்றும் உங்களுடனும்.....

.
.
.
.
.
.
சென்று வருகிறேன் உறவுகளே...! மீண்டும் சந்திப்போம்