ரமணி ஹைக்கூ

**ரமணி** · **ரமணி** Tue Nov 03, 2015 7:38 pm

First topic message reminder :

ரமணி ஹைக்கூ
03/11/2015

1.
ஓவியக் கண்காட்சி
அகலும் விழிகள் நடுவே
கறுப்புக் கண்ணாடி

2.
அடைமழை அழிக்கதவு
ஓசையுடன் தாழ்ப்பாள் திறந்தார்
காற்றில் குழந்தையின் முகம்

3.
விண்வெளியில் பம்பரம்
சாட்டை எது? அப்பா ஆய்வு
மகன் கையில் பட்டம்

*****

**ரமணி** · **ரமணி** Tue Feb 02, 2016 6:43 pm

59.
வயல்சேற்றில் நகர்வது
வெள்ளைத் தாமரைப் பூக்களோ?
வாத்துகள் அணிவகுப்பு!

60.
ஜன்னல் கம்பியில் கண்--
வான்நின்று ஒரு நட்சத்திரம்
குழந்தை கண்ணில் விழும்!

*****

**ரமணி** · **ரமணி** Mon Feb 15, 2016 7:38 pm

16/12/2015
61.
மின்விசிறி அருகே
கூரையில் நீரலைகள் ததும்பும்--
பல்லியும் பச்சோந்தி!

62.
அணிலை விரட்ட
முருங்கை மரத்தை ஆட்டும் குழந்தை--
தரையில் பூக்கோலம்!

*****

**ayyasamy ram** · **ayyasamy ram** Mon Feb 15, 2016 9:45 pm

அனைத்தும்... ரமணி ஹைக்கூ - Page 7 3838410834

**ரமணி** · **ரமணி** Fri Feb 19, 2016 8:28 pm

22/12/2015
63.
மரக்கிளைப் பறவைகள் சளசள
தூளியில் குழந்தை கண்பார்க்கும்--
தாயவள் கண்மூட!

64.
நாய் காலைத் தூக்கும்
கருவோலைப் பந்தல் பிரிப்பு--
பசுவுக்கு உணவு!

*****

**ரமணி** · **ரமணி** Sun Feb 28, 2016 11:01 am

65.
இருளில் சதுப்பு நிலம்
குழந்தைக் குரல்கள் காதில் விழும்--
கானாங் கோழிகள் குழு!

66.
சிறகடித்துக் குளிக்கும்
குருவித் திரள் எங்கே போயின?
நுண்கதிர் தரும் அழிவு!

*****

**ரமணி** · **ரமணி** Tue Mar 15, 2016 8:25 pm

‪#‎ரமணி_ஹைக்கூ‬
67.
அலிமரக் கட்டை மேல்
ஊதா நிறத்தில் மீன் கொத்தி--
குரலில் திடுக்கிடும் குழந்தை!

68.
ஓயாது தேடும்
சின்னக் குருவி தேன்சிட்டு--
சீழ்க்கை காதுறுத்தும்!

*****

**ரமணி** · **ரமணி** Sat Mar 26, 2016 8:10 pm

69.
கண்டது மேய்ந்த பசு
வாலை வீசி அசைபோடும்--
கால் நடுவே கொக்கு!

70.
கடுகுக் கண்ணுடன் அணில்
குழந்தை தின்ன வாயசைக்கும்--
மார்பில் முதுகில் கை!

*****

**ரமணி** · **ரமணி** Thu Apr 28, 2016 7:17 pm

71.
தென்னையில் சலசலப்பு
விளக்கைப் போட்டுப் பார்த்தபோது--
குழந்தையின் ஆந்தை விழி!

72.
துரத்தும் கரையும் இனம்
பூனையின் வாயில் ஓர் காக்கை--
குழந்தை பரிதவிக்கும்!

*****

**ரமணி** · **ரமணி** Wed May 18, 2016 10:39 am

‪#‎ரமணி_ஹைக்கூ‬
06/01/2016
73.
அதிகாலை ஐந்து
துவாதசிநாள் வெண்பிறை நாட்டியம்--
சிறுமுகில் நட்டுவனார்!

74.
நிலா அருகிலோர் விண்மீன்--
உன்னிப் பார்க்கும் சிறுகுழந்தை
பற்றும் முந்தானை!

*****

**ரமணி** · **ரமணி** Fri Jun 10, 2016 7:41 pm

‪#‎ரமணி_ஹைக்கூ‬
75.
மாமரம் மறைத்திருக்க
வடக்கில் சூரியன் அஸ்தமனம்--
ஓர் மாடி ஜன்னலில்!

76.
புதிதாய் வாசல் ராம்ப்
ஆசிர்வதித்தது பசு ஒன்று--
சாணி மூத்திரமாய்!

*****

Sponsored content · Sponsored content

ரமணி ஹைக்கூ

ரமணி ஹைக்கூ

Re: ரமணி ஹைக்கூ

Re: ரமணி ஹைக்கூ

Re: ரமணி ஹைக்கூ

Re: ரமணி ஹைக்கூ

Re: ரமணி ஹைக்கூ

Re: ரமணி ஹைக்கூ

Re: ரமணி ஹைக்கூ

Re: ரமணி ஹைக்கூ

Re: ரமணி ஹைக்கூ

Re: ரமணி ஹைக்கூ

Re: ரமணி ஹைக்கூ

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக