அறிஞர் அண்ணாவின் ஆங்கல புலமை....

தாமு · தாமு Wed 11 Nov 2009 - 8:59

தமிழில் மட்டுமல்ல ஆங்கிலத்திலும் மிகுந்த புலமையுடையவர் என்று வெளிநாட்டுப் பத்திரிக்கைகள் எழுதின. அமெரிக்காவிலிருந்து வெளியாகும் "தி சாட்டர்டே ஈவினிங் போஸ்ட்" என்ற பத்திரிக்கைக்கான நிருபர் அண்ணாவைப் பற்றி இவ்வாறு கேள்விப்பட்டதும் என்னதான் ஆங்கிலம் அறிந்திருந்தாலும் மேல்நாட்டினர் அளவுக்குப் பேச முடியாது என்று இறுமாப்புடன் எண்ணிக்கொண்டிருந்தாராம்.

அப்போது அனைத்து மாநிலங்களின் முதலமைச்சர்கள் அடங்கிய மத்திய அரசின் கூட்டம் ஒன்று டெல்லியில் நடந்தது. அப்போது டெல்லி விமான நிலையத்திலேயே அண்ணாவை மடக்கிப் பேட்டி காண்பது மட்டுமல்லாமல் அவரது ஆங்கிலப் புலமையையும் சோதித்துப் பார்த்து விடலாம் என்று எண்ணிய அந்த நிருபர் அவ்வாறே அண்ணாவைப் பேட்டியும் கண்டாராம். விமானத்திலிருந்து இறங்கி வெளியே வந்து கொண்டிருந்த அண்ணாவைப் பார்த்துத்தன்னை அறிமுகப்படுத்திக்கொண்டாராம்.

சரி! கேள்விகளைக் கேளுங்கள் என்று அண்ணா சொன்னவுடன் அந்த நிருபர் கேட்டாராம்.
"டூ யு நோ யுனொ?
சுவற்றில் அடித்த பந்தாகப் பட்டென்று பதில் வந்ததாம்.

ஐ நோ யுனொ, யு நோ யுனொ, ஐ நோ யு நோ யுனொ. பட் ஐ நோ யுனொ பெட்டெர் தேன் யு நோ யுனொ!

கேள்வி கேட்ட நிருபருக்கு மயக்கம் வராத குறைதான். தட்டுத்தடுமாறிக் கேட்டாராம். எக்ஸ்கியூஸ் மீ. சற்று விளக்கமாகக்கூறுங்கள் என்றாராம்.

அன்ணா என்ன விளக்கம் சொன்னார் தெரியுமா?

I know UNO(United Nations Organisation).You know UNO.. I know you know UNO. But I know UNO better than you know UNO.

அவர் தான் அண்ணா!!!

தொகுப்பு : தமிழண்ணா

nandhtiha · nandhtiha Wed 11 Nov 2009 - 9:09

வண்க்கம்
அண்ணாவின் சமயோசித நகைச்சுவை
அண்ணா தமிழக முதலமைச்சராக வீற்றிருக்கிறார், அப்போதைய திருத்தணி எம்.எல்.ஏ திரு விநாயக மூர்த்தி (காங்கிரஸ்) அவ்ர் திருத்தணியில் தண்ணீர் பற்றாக்குறை இருக்கிறது, வரும் பக்தர்கள் சிரமத்துக்குள்ளாகின்றனர். முதலமைச்சர் நேரடியாகத் தலையிட்டு இந்தப்பிரச்சினையைத் தீர்க்கவேண்டும் என்றார், அண்ணா அருள் மிகு முருகனையோ பக்தர்களையோ கிண்டல் செய்யாமல் புன் முறுவலுடன் கூறினார். தம்பிக்காக அண்ணன் வைக்கும் கோரிக்கையை இந்த அண்ணா நிச்சயம் நிறைவேற்றி வைப்பார், திருத்தணியில் வீற்றிருப்பது அருள் மிகு முருகன், தண்ணீர் வேண்டும் என்று கேட்டது விநாயக மூர்த்தி., இது தான் அண்ணா
அன்புடன்
நந்திதா