புது ஆந்திர தலைநகருக்கு 16 ஆயிரம் கிராமங்களில் இருந்து மண் !

திருப்பதி: திருமலையில் உள்ள, மலை, தீர்த்தங்களில் இருந்து, அமராவதி பூமி பூஜைக்கு, மண் மற்றும் நீர் எடுத்து செல்லப்பட உள்ளது.
ஆந்திராவின், புதிய தலைநகருக்கான பூமி பூஜை வரும், 22ம் தேதி அமராவதியில் நடக்கிறது. இதற்காக, ஆந்திரா முழுவதும் உள்ள, 16 ஆயிரம், கிராமங்களில் இருந்து, மண் மற்றும் தண்ணீர் எடுத்து, அமராவதியில் பூமி பூஜை நடத்தப்பட இருக்கிறது.திருமலையில் உள்ள ஏழு மலைகளில் இருந்தும், ஏழு தீர்த்தங்களில் இருந்தும், தேவஸ்தான அதிகாரிகள், மண், நீர் சேகரித்து, மாட வீதியை சுற்றி வலம் வந்தனர்.பூமிபூஜையில் கலந்து கொள்ள வரும், பிரதமர் நரேந்திர மோடி, பூஜை முடிந்த பின், திருப்பதிக்கு வந்து, பன்னாட்டு விமான நிலையத்தை, திறந்து வைக்க உள்ளார். பின் அவர், திருமலைக்கு சென்று, ஏழுமலையானை தரிசிக்க உள்ளதாக, அரசு அதிகாரிகள், தெரிவித்தனர்.ஆந்திர முதல்வர், சந்திரபாபுநாயுடு, அவர் பிறந்த ஊரான, திருப்பதி அருகில் உள்ள, நாராவாரிபள்ளியில், புற்றுக்கு சிறப்பு பூஜை செய்து, அங்கிருந்து மண், நீர் எடுக்கும் நிகழ்ச்சியில், கலந்து கொண்டார்.

அதன் பின், அவர் கூறியதாவது. அமராவதி என்பது, 5 கோடி ஆந்திர மக்களின், உயிர்நாடி. ஆந்திராவில் வசிக்கும், அத்தனை மக்களுக்கும், அமராவதியின் மேல், சமஉரிமை உண்டு. அதை பறைசாற்றும் விதம், ஆந்திராவில் உள்ள, அனைத்து கிராமத்திலிருந்து, மண், நீர் எடுத்து, அமராவதி பூமிபூஜை, நடத்த உள்ளோம். நம் நாட்டின், கலாசாரம், பண்பாட்டை சிறப்பிக்கும்விதம், இப்பூஜை, நடைபெற உள்ளது.

பூமி பலம், வாஸ்து பலம் நிறைந்த, அமராவதிக்கு, மற்றொரு வரலாறு, உண்டு. இது, புத்தர் நடமாடிய, புனித பூமி. ஆந்திர மக்கள் அனைவரும், கர்வம் கொள்ளும் வகையில், தலைநகர் ஏற்படுத்தபடும். சிங்கபூர், ஜப்பான் இதற்கு உதவிபுரிய உள்ளது. இவ்வாறு, அவர் கூறினார்.

தினமலர்

புத்தர் நடமாடிய, புனித பூமி....
-
பூமி பூஜை சிறப்புற நடக்க வாழ்த்துகள்