120 டிகிரியில் உருக்கிய 'நெய்யால்' பாதிப்பு !

First topic message reminder :

தமிழகத்தில் ரூ.400 கோடி ஆவின் பொருட்கள் தேக்கம்: உருக்கிய 'நெய்யால்' பாதிப்பு !



திண்டுக்கல்: தமிழகத்தில் கூட்டுறவு பால் உற்பத்தியாளர் சங்கம், மாவட்ட கூட்டுறவு ஒன்றியங்கள், மாநில உற்பத்தி இணையங்களின் மூலம் பால் கொள்முதல் செய்யப்படுகிறது. நாள்தோறும் 17 மாவட்ட ஒன்றியங்களில் இருந்து 11 ஆயிரத்து 503 பால் உற்பத்தியாளர்கள் 1.50 கோடி லிட்டர் பாலை உற்பத்தி செய்கின்றனர்.இதில் தினமும் 30 லட்சம் லிட்டர் பால் ஆவின் நிறுவன விற்பனைக்கு செல்கிறது.

மீதியுள்ள 1.20 கோடி லிட்டரில் 75 லட்சம் லிட்டர் பாலை, அரசு அங்கீகாரம் பெற்ற 67 தனியார் நிறுவனங்கள் கொள்முதல் செய்து, தயிர், வெண்ணெய் உள்ளிட்ட பால் பொருட்களாக விற்பனை செய்து வருகின்றன. மீதமுள்ள 5 லட்சம் லிட்டர் பாலை அரசின் அங்கீகாரமில்லாத நிறுவனங்கள் மற்றும் சிறு,குறு பால் விற்பனை நிலையங்கள் விற்கின்றன.

பால் ஏற்றுமதி குறைவு, கொள்முதல் விலை குறைவு காரணத்தால் ஆவினின் அங்கீகாரம் பெற்று, பால் பொருட்கள் உற்பத்தியில் ஈடுபட்டு்ள்ள நிறுவன கிட்டங்கிகளில் ரூ.12 ஆயிரம் 'டன்' வெண்ணெய் கடந்த ஏழு மாதங்களாக தேங்கியுள்ளன.

இதுதவிர கோவை, தர்மபுரி, கிருஷ்ணகிரி, திண்டுக்கல்லில் உள்ள தனியார் கோடவுன்களிலும் ஆவினின் வெண்ணெய் உள்ளிட்ட பொருட்கள் தேக்கமடைந்துள்ளன. இதனால் ஆவினில் இருந்து பால் பொருட்களை வாங்கிய தனியார் நிறுவனங்கள் நஷ்டத்தை ஈடுகட்ட வெண்ணெயை உருக்கி நெய்யாக விற்பனை செய்து வருகின்றன. நாள்பட்ட வெண்ணையை விற்பதால் பொதுமக்களுக்கு வயிற்றுப்போக்கு, வாந்தி உள்ளிட்டவை ஏற்படும் அபாயம் ஏற்பட்டுள்ளது.

நுகர்வோர் உரிமை பாதுகாப்பு பேரவை நிர்வாகி எஸ்.தமிழரசன் கூறியதாவது: தமிழகத்தில் ரூ.400 கோடி மதிப்பிலான பால் பொருட்கள் தேக்கமடைந்துள்ளன. ஆவினின் பால்பொருட்களை வாங்கி விற்கும் தனியார் நிறுவனங்கள் தேக்கமடைந்த கெட்டுப்போன வெண்ணெய்யை விற்பனை செய்து வருகின்றன. இதுபோன்ற முறையற்ற விற்பனை முயற்சியை இந்திய உணவு பொருட்கள் பாதுகாப்பு ஆணையம். இந்திய தரச்சான்று நிறுவனம், நிறுவன அதிகாரிகள் ஆய்வு செய்ய வேண்டும், என்றார்.

உருக்கிய நெய்யால் பாதிப்பு !

நாள்பட்டதாலும், பாதுகாப்பாக வைக்கப்படாததாலும் கெட்டுப்போன ஆவினின் வெண்ணெய்யை விற்பனை செய்ய, தனியார் நிறுவனங்கள் 120 டிகிரியில் நெய்யாக உருக்குகின்றன. வரும் தீபாவளிக்குள் விற்பனையை முடிக்க இலக்கும் நிர்ணயித்துள்ளன. திண்டுக்கல் - தாடிக்கொம்பு ரோட்டிலுள்ள தனியார் கோடவுனில் மட்டும் 1100 டன்னுக்கும் மேல் கெட்டுப்போன வெண்ணெய் தேங்கியுள்ளது. இதற்கு கோவையிலிருந்து விற்பனை 'ஆர்டர்' கிடைத்திருப்பதாகவும் கூறப்படுகிறது.

மருத்துவ இணை இயக்குனர் டாக்டர் ரவிக்கலா கூறியதாவது: கெட்டுப்போன உருக்கப்பட்ட நெய்யை மனிதர்கள் சாப்பிட்டால் ஒவ்வாமை ஏற்படும். தொடர் வயிற்றுப்போக்கு ஏற்படும். நீர்சத்து குறைந்து ஆபத்தான நிலைமைக்கு கொண்டு செல்லும், என்றார்.

shobana sahas wrote:இங்கு எனக்கு தெரிந்த வரை எல்லாம் ஒரே விலையாக உள்ளது ...
மேலும் வெண்ணை நன்றாக கிடைப்பதால் காய்ச்சிடுவேன் .

மேற்கோள் செய்த பதிவு: 1169474

ஒ...சூப்பர் ...........ஷோபனா

எந்தநெய் வாங்கிடினும் எல்லாமே தண்டந்தான்
சொந்தமாய் மாடுவைக்கத் துப்பில்லை - சுந்தரியே !
ஆய்ச்சியர் கையினிலே நல்வெண்ணெய் வாங்கியே
காய்ச்சி எடுப்பதே மேல் .

M.Jagadeesan wrote:எந்தநெய்  வாங்கிடினும் எல்லாமே தண்டந்தான்
சொந்தமாய் மாடுவைக்கத் துப்பில்லை - சுந்தரியே !
ஆய்ச்சியர் கையினிலே நல்வெண்ணெய்  வாங்கியே
காய்ச்சி எடுப்பதே மேல் .
 

மேற்கோள் செய்த பதிவு: 1169847


ஆய்ச்சியர் கை நல்வெண்ணை அந்தக்காலம் ,
ஆராய்ச்சி செய்தே மார்கரினையும் கலக்கும் ஆய்ச்சிகள் காலமிது .
கண்ணுக்கு  தெரியா கலப்படம் ,
ஆராய்ந்தால்தான் நமக்கு  புலப்படும் .

ரமணியன்

நல்ல பதிவு. நான் குழந்தைக்கு தினமும் நெய் தருவதால் வெண்ணெய் வாங்கி காய்ச்சியே தருவேன். ஆனாலும் வெண்ணெயிலும் கலப்படமோ என்று பயம் அடிக்கடி வரும்.நல்ல வெண்ணெய் எப்படி இருக்கும் என்பதை மறந்து போய்விடும் போல. நல்ல வெண்ணெயை எப்படி தெரிந்து கொள்வது? தீபாவளிக்கு நெய் அதிரசம்லாம் கிடையாது. இன்னும் பயம் அதிகமாகி விட்டது இந்த பதிவை படித்து.

Sasiiniyan Sasikaladevi wrote:நல்ல பதிவு. நான் குழந்தைக்கு தினமும் நெய் தருவதால் வெண்ணெய் வாங்கி காய்ச்சியே தருவேன். ஆனாலும் வெண்ணெயிலும் கலப்படமோ என்று பயம் அடிக்கடி வரும்.நல்ல வெண்ணெய் எப்படி இருக்கும் என்பதை மறந்து போய்விடும் போல. நல்ல வெண்ணெயை எப்படி தெரிந்து கொள்வது? தீபாவளிக்கு நெய் அதிரசம்லாம் கிடையாது. இன்னும் பயம் அதிகமாகி விட்டது இந்த பதிவை படித்து.

சசி, நீங்கள் குழந்தைக்கு மட்டும் மோரில் இருந்து அல்லது பால் ஏட்டிலிருந்து சூப்பராக நெய் எடுக்கலாமே

T.N.Balasubramanian wrote:

M.Jagadeesan wrote:எந்தநெய்  வாங்கிடினும் எல்லாமே தண்டந்தான்
சொந்தமாய் மாடுவைக்கத் துப்பில்லை - சுந்தரியே !
ஆய்ச்சியர் கையினிலே நல்வெண்ணெய்  வாங்கியே
காய்ச்சி எடுப்பதே மேல் .
 

மேற்கோள் செய்த பதிவு: 1169847

ஆய்ச்சியர் கை நல்வெண்ணை அந்தக்காலம் ,
ஆராய்ச்சி செய்தே மார்கரினையும் கலக்கும் ஆய்ச்சிகள் காலமிது .
கண்ணுக்கு  தெரியா கலப்படம் ,
ஆராய்ந்தால்தான் நமக்கு  புலப்படும் .

ரமணியன்

மேற்கோள் செய்த பதிவு: 1169861


வாஸ்த்தவம் ஐயா

M.Jagadeesan wrote:எந்தநெய்  வாங்கிடினும் எல்லாமே தண்டந்தான்
சொந்தமாய் மாடுவைக்கத் துப்பில்லை - சுந்தரியே !
ஆய்ச்சியர் கையினிலே நல்வெண்ணெய்  வாங்கியே
காய்ச்சி எடுப்பதே மேல் .
 

கேட்க நல்லா இருக்கு ஐயா.....ஆனால் இன்றைய சூழ்நிலையில் l  இதெல்லாம் படித்து சந்தோஷப்படலாம் அவ்வளவே