படியில நிற்காதே...உள்ளே வா...!!

**ayyasamy ram** · **ayyasamy ram** Fri Sep 25, 2015 9:33 pm

**ராஜா** · **ராஜா** Sat Sep 26, 2015 1:07 am

படியில நிற்காதே...உள்ளே வா...!!

இதை படிக்கும் போது சென்னை நியாபகம் வருகிறது, சென்னையில் வேலை பார்த்த ஆரம்ப காலங்களில் மாநகர பேருந்துகளில் பயணம் செய்வேன் (கிண்டியில் ஏறி மவுண்ட் ரோடு ஸ்டாப்பில் இறங்கவேண்டும்)

"படியில் நிற்காதே உள்ளே வா.... உள்ளே வா...." கரடியா கத்திகிட்டு இருப்பார் 18A பேருந்து நடத்துனர். அவரிடம் ஒருநாள் கூட்டம் இல்லாத நேரத்தில் ஏன் சார் எவனும் நீங்க சொல்லுறத கேட்க மாட்டேங்குறானுங்க அப்புறம் ஏன் உங்க தொண்டை தண்ணி வற்ற தினமும் இப்படி கத்திகிட்டு இருக்கீங்க என்று கேட்டேன்.

"சைதாபேட்டை" நிறுத்தத்தில் பேருந்து நின்று கிளம்புமுன் பிப்பாக்கெட் ஆசாமிகள் பேருந்தில் ஏறுவார்கள் அவர்களின் முக்கிய டார்கெட் படியிலும் படியின் அருகில் நிற்பவர்களாக தான் இருக்குமாம் , அதனால் இவர் பிப்பாக்கெட் ஆசாமிகளை பார்த்ததும் , பயணிகளை நேரடியாக எச்சரிக்க இயலாது என்பதால் இப்படி சிம்பாலிக்காக சொல்லுவாராம்.

அந்த நல்ல மனிதரிடம் , பிப்பாக்கெட் ஆசாமிகளை கண்டதும் நீங்க நேரடியாகவே பயணிகளிடம் சொல்லலாமே , என்று கேட்டேன். என்னையும் ஏன் வேலையையும் நம்பி பெண்டாட்டி பிள்ளைகள் இருக்கிறார்கள் தம்பி என்று சொன்னார். அவர் சொன்னதும் நியாயமாகத்தான் தோன்றியது. அதுமுதல் பேருந்தில் ஏறினால் , நிற்கவேண்டி இருந்தால் நடுவில் வந்துவிடுவேன்.

shobana sahas · shobana sahas Sat Sep 26, 2015 5:05 am

அனைத்தும் அருமை.
ராஜா அண்ணனின் பின்னூட்டம் அந்த நாட்களை நினைவு படுத்தியது ...1995 இல் ஸ்ரீரங்கம் டு திருச்சி ஒரு நிமிடத்திற்கு 4 பேருந்துகளாவது இருக்கும் ...(இப்போவும் தான் ). நான் என் விருப்பம் போல் எந்த பஸ்சில் பாட்டு போடுறாங்களோ , அந்த
பஸ் ஸாக பார்த்து ஏறுவேன் ... அது ஒரு காலம் . இப்போ பாட்டு போடற பஸ் சை விரும்புவது இல்லை . ஒரே சத்தமா இருக்குன்னு தோணுது ... இளமை காலம் வசந்த காலம் . அது ஒரு வாலிப வயசு .... சோகம்

**ராஜா** · **ராஜா** Fri Oct 02, 2015 8:58 pm

shobana sahas wrote:அனைத்தும் அருமை.
ராஜா அண்ணனின் பின்னூட்டம் அந்த நாட்களை நினைவு படுத்தியது ...1995 இல் ஸ்ரீரங்கம் டு திருச்சி ஒரு நிமிடத்திற்கு 4 பேருந்துகளாவது இருக்கும் ...(இப்போவும் தான் ). நான் என் விருப்பம் போல் எந்த பஸ்சில் பாட்டு போடுறாங்களோ , அந்த
பஸ் ஸாக பார்த்து ஏறுவேன் ... அது ஒரு காலம் . இப்போ பாட்டு போடற பஸ் சை விரும்புவது இல்லை . ஒரே சத்தமா இருக்குன்னு தோணுது ... இளமை காலம் வசந்த காலம் . அது ஒரு வாலிப வயசு ....

மேற்கோள் செய்த பதிவு: 1164736 படியில நிற்காதே...உள்ளே வா...!! 3838410834

**T.N.Balasubramanian** · **T.N.Balasubramanian** Fri Oct 02, 2015 11:34 pm

குஜராத்தில் இருந்து சென்னை வந்து இருந்தேன் .வருடம் 1994. எல்டாம்ஸ் ரோடில் ,12 G , பஸ் பிடித்து T nagar வரவேண்டும் . ஜிப்பா, பைஜாமா உடை , இடது கையில் வாட்ச் / தோளில் தொங்கும் பை. கூட்டம் . படி ஏறி ,
உள்ளே நுழைகிறேன் . ஏதோ உறுத்தல் ,பார்த்தால், கையில் கட்டி இருந்த வாட்ச் காணவில்லை . கண்டக்டரிடம் வாட்ச் காணவில்லை வண்டியை நிறுத்துங்கள் என்று கத்தினேன் . அதற்குள் புட்போர்டில்
இருந்த ஒருவன் , சர் ,கீழே விழுந்திருக்கும் பாருங்கள் என்றார் . அவர் கூறவும் , அவர் பேன்ட் பாக்கெட்டில்
இருந்து வாட்ச் அவர் காலடியில் விழக்கண்டேன் . பாருங்க சர் , உங்க வாட்ச்தானே எடுத்துக்கோங்க என்றான் .
அவன் தான் லாகவமாக வாட்ச்சை கயட்டி இருக்கான் . பொதுவாக, திருட்டுப் பசங்க, என்று சொல்லிக்கொண்டே குனிந்து வாட்ச்சை எடுத்து கட்டிக்கொண்டேன் .
சீட்டில் உட்கார்ந்து டிக்கட், வாங்கி , தோள் பையை பார்த்தால் , உள்ளே வைத்து இருந்த 2" X 6" valet மிஸ்ஸிங் . நேர்கோடில் , வரைந்த ஒரு கோடு போன்ற கீறல் . நல்லவேளை பணம் ஏதும் அதில் இல்லை .
பாவம் அந்த பிக் பக்கெட். என்னை சேட் என்று நினைத்து valet ஐ அடித்துள்ளான் .
பூட்போர்ட் ஆள் வாட்சை அடித்து திருப்பி தர , என் கவனத்தை திருப்ப , அந்த சமயத்தில் அவன் நண்பன்
எந்தென் valet ஐ தேட்டைப் போட்டுவிட்டான் . அவர்கள் coordination /டைமிங் ஒரு விதத்தில் பாராட்டப் படவேண்டியதே . போகட்டும் ,
அந்த கண்டக்டரிடம் என்னங்க , இது மாதிரி திருட்டுப் பசங்க வராங்க , நீங்க போலீசுக்கு ஏன் சொல்லக் கூடாது என்று கேட்டேன் . அதுக்கு அவர் , அவங்க பிக்பகெட் என்று தெரியும் . நீங்க ஒரு நாள் வருவீக
போயி விடுவீர்கள் . நாங்கள் தினமும் இந்த ரூட்டில் தான் குப்பை கொட்டவேண்டும் .நான் காண்பித்துக் கொடுத்தால் நானும் ஏன் குடும்பமும் என்னாவது ? நீங்கள் வருவீர்களா ? உங்கள் உடமைகளை பாதுக்காக்கவேண்டிய பொறுப்பு உங்களுடையதுதான் என்றார். அவர் கூறியதும் சரிதானே !!

ஆம் பூட் போர்டில்தான் திட்டங்கள் தீட்டப்படுகின்றன .

ரமணியன்

**ayyasamy ram** · **ayyasamy ram** Sat Oct 03, 2015 9:52 am

முன்னே போ முன்னே போ-னு நம்மள முன்னேத்தறதும்
கண்டக்டர்தான் ...!!
-

உதயசுதா · உதயசுதா Sat Oct 03, 2015 12:47 pm

உண்மைதான். நான் படிக்கிற காலத்தில் பேருந்து பயணத்தின்போது நடத்துனரும் இதே மாதிரிதான் சொல்லிட்டே இருப்பார். நாங்க கேக்க மாட்டோம். ஆனா என் தோழி ஒருநாள் தன்னோட பர்சை பிக்பாகெட்காரர்களிடம் தொலைத்த பின்னாடி தான் புரிந்தது. ஆண்கள் மட்டும் இல்லை பெண்களும் இதே பிக்பாகெட் வேலைய ரொம்ப கச்சிதமா செய்றாங்க