வரலாற்றில் இன்று - அக்டோபர்

**விமந்தனி** · **விமந்தனி** Fri 2 Oct 2015 - 1:19

**விமந்தனி** · **விமந்தனி** Fri 2 Oct 2015 - 1:22

வரலாற்றில் இன்று - அக்டோபர் 5N88VzDCT7yWbBGY7wQU+1

1799 - புதுக்கோட்டை மன்னர் விஜயரகுநாத தொண்டமானால் வீரபாண்டிய கட்டபொம்மன் கைது செய்யப்பட்டார்.

இராஜா விஜய ரகுநாதராய தொண்டைமான் பகதூர் (1759 –1807) விஜயரகுநாத தொண்டமான் என அறியப்படும் இவர் புதுக்கோட்டையை (1789-1807) ஆண்ட மன்னர் ஆவார்.

இவர் சிங்கமங்கலம், கலசமங்கலம் என்னும் நகரங்கள் அழிந்த பின்னர் அவைகள் இருந்த விடத்தில் ஓர் புதிய நகரையுண்டாக்கி, அதற்குப் புதுக்கோட்டை என்று பெயர் கொடுத்தவர்.

ஆங்கிலேயர்களால் பாஞ்சாலங்குறிச்சி கோட்டை கைப்பற்றப்பட்ட போது வீரபாண்டிய கட்டபொம்மன் கோட்டையை விட்டு வெளியேறி காட்டில் ஒளிந்திருப்பதை அறிந்த புதுக்கோட்டை மன்னர் விஜய ரகுநாத தொண்டைமான், தன் தளபதி முத்துவைர அம்பலக்காரன் வழியாக அவரை விருந்துக்கு அழைத்து, அடைக்கலம் அளிப்பதுபோல் நாடகமாடி பிரிட்டிஷாரிடம் ஒப்படைத்தவர்.

**விமந்தனி** · **விமந்தனி** Fri 2 Oct 2015 - 1:30

வரலாற்றில் இன்று - அக்டோபர் KLJt0kAT21zpgmn7mTTA+2-1

1975 - காமராஜர், இந்திய அரசியல் தலைவர், தமிழ் நாடு முன்னாள் முதலமைச்சர் இறந்த தினம் இன்று.

காமராசர் (காமராஜர்) தமிழ் நாட்டின் முன்னாள் முதலமைச்சர்களுள் ஒருவர் ஆவார்.
1954 ஆம் ஆண்டு அப்போதைய சென்னை மாநில முதலமைச்சர் ஆனார். இவர் ஒன்பது ஆண்டுகள் தமிழகத்தின் முதல்வராக பதவி வகித்தார்.

தமிழகத்தில் பள்ளிக் குழந்தைகளுக்கு இலவச மதிய உணவுத் திட்டத்தை அறிமுகப்படுத்தினார். காமராசர் எளிமைக்கும் நேர்மைக்கும் பெயர் பெற்றவர். இவரை, தென்னாட்டு காந்தி, படிக்காத மேதை, அரசரை உருவாக்குபவர், பெருந்தலைவர் என்றெல்லாம் புகழ்வர்.

இவர் "கருப்பு காந்தி" என்றும் அன்போடு அழைக்கப்படுகிறார். இவர் இறந்த பிறகு, 1976 இல் இந்திய அரசு இவருக்கு பாரத ரத்னா விருது வழங்கியது.

மதுரைப் பல்கலைக்கழகத்திற்கு, மதுரை காமராசர் பல்கலைக்கழகம் என்றும், சென்னை பன்னாட்டு வானூர்தி நிலையத்தின் உள்நாட்டு முனையத்திற்கு காமராசர் பெயர் சூட்டப்பட்டுள்ளது.

**krishnaamma** · **krishnaamma** Fri 2 Oct 2015 - 3:09

வந்தாச்சா

................சூப்பர் ! ................. மகிழ்ச்சி

.
.
.
அக்டோபர் 2 ...........காந்தியைக்காணும் ?

இந்த பதிவைத் துவங்கியவர் நன்றி கூறியுள்ளார் krishnaamma

**ayyasamy ram** · **ayyasamy ram** Fri 2 Oct 2015 - 7:13

வரலாற்றில் இன்று - அக்டோபர் AVby7KIGSmBppER3fose+கண்_பார்வை_அற்றவன்_குருடன்_அல்ல-409-75

**விமந்தனி** · **விமந்தனி** Sat 3 Oct 2015 - 1:30

வரலாற்றில் இன்று - அக்டோபர் S0dvLhYSfPDNJLysqiXA+3

1995 - ம. பொ. சிவஞானம், தமிழறிஞர் மற்றும் அரசியல்வாதியான இவர் இறந்த தினம் இன்று.

ம. பொ. சிவஞானம் (சூன் 26, 1906 - அக்டோபர் 3, 1995) இந்தியாவைச் சேர்ந்த விடுதலைப் போராட்டக்காரரும் சிறந்த தமிழறிஞரும் ஆவார். இவர் ம.பொ.சி என அறியப்படுபவர்.

சிலப்பதிகாரத்தின் மீது இவர் கொண்டிருந்த ஆளுமையின் காரணமாக இவர் சிலம்புச் செல்வர் என அழைக்கப்பட்டார்.

‘சிலம்புச் செல்வர்' என்ற விருது சொல்லின் செல்வர் ரா. பி. சேதுப்பிள்ளை அவர்களால் வழங்கப்பெற்றது.

சென்னை, மற்றும் அண்ணாமலைப் பல்கலைக் கழகங்கள் அவருக்கு டாக்டர் பட்டம் வழங்கி சிறப்பித்தன.
மதுரைப் பல்கலைக் கழகம் 'பேரவைச் செல்வர்' என்ற பட்டம் வழங்கியது. மத்திய அரசு பத்மஸ்ரீ விருது தந்து போற்றியது. தமிழக மேலவையின் தலைவராகவும் பணியாற்றியுள்ளார்.

சென்னை மாநகராட்சியில் ஆல்டர்மேன் மற்றும் கல்விக் குழுத் தலைவராக பணியாற்றியிருக்கிறார்.

2006 ஆம் ஆண்டில் இவரது நூற்றாண்டு விழாவினை முன்னிட்டு தமிழக அரசு இவரது நூல்களை நாட்டுடைமையாக்கி சிறப்பித்தது.

**T.N.Balasubramanian** · **T.N.Balasubramanian** Sat 3 Oct 2015 - 8:01

ஈகரையை அலங்கரிக்கும் பதிவுகளில் இதுவும் ஒன்று
சிறிது இடைவெளிக்கு பிறகு ,
மீண்டும் மகிழ்விக்க ,............
வாழ்த்துகள் !
தொடருங்கள் .

ரமணியன்

**விமந்தனி** · **விமந்தனி** Sun 4 Oct 2015 - 1:45

வரலாற்றில் இன்று - அக்டோபர் JPdn6C9dTlq7OhRIEaEZ+4

1884 - சுப்பிரமணிய சிவா, இந்திய விடுதலைப் போராட்ட வீரர் பிறந்த தினம் இன்று.

சுப்பிரமணிய சிவா (4 அக்டோபர் 1884 - 23 ஜூலை 1925) இருபதாம் நூற்றாண்டின் முற்பகுதியில் வாழ்ந்த இந்திய விடுதலைப்போராட்ட வீரர் ஆவார்.

திண்டுக்கல் மாவட்டம் வத்தலகுண்டுவில் 1884, அக்டோபர் 4 ஆம் நாள் 'சிவம்' என்றும், 'சிவா' என்றும் அழைக்கப்பட்ட சுப்பிரமணிய சிவா பிறந்தார். இவர் தந்தையார் ராஜம் ஐயர், தாயார் நாகம்மாள்(நாகலட்சுமி). பெற்றோர் இட்ட பெயர் சுப்பராமன்.

அரசியலையும் ஆன்மீகத்தையும் இணைத்து விடுதலைக்காகப் போராடியவர். தமிழகத்தின் ஏராளமான மக்களுக்கு விடுதலைத் தாகம் ஏற்படச்செய்த சிறந்த மேடைப்பேச்சாளர் மற்றும் சிறந்த இதழாளர்;

1913-இல் 'ஞானபாநு' இதழை நடத்தியவர். விடுதலைப்போராட்ட வீரர் வ. உ. சிதம்பரனாருடனும் மகாகவி பாரதியாருடனும் நெருங்கிப்பழகியவர். இவர் 'வீரமுரசு' எனப் புகழப்பட்டார்.

**விமந்தனி** · **விமந்தனி** Sun 4 Oct 2015 - 1:47

krishnaamma wrote:வந்தாச்சா ................சூப்பர் ! .................
.
.
.
அக்டோபர் 2 ...........காந்தியைக்காணும் ?

தெரிந்ததை விட அதிகம் அறியப்படாத விஷயத்தை பதிவேற்றலாமே என்ற எண்ணம் தான்...... புன்னகை

**விமந்தனி** · **விமந்தனி** Sun 4 Oct 2015 - 1:48

T.N.Balasubramanian wrote:ஈகரையை அலங்கரிக்கும் பதிவுகளில் இதுவும் ஒன்று
சிறிது இடைவெளிக்கு பிறகு ,
மீண்டும் மகிழ்விக்க ,............
வாழ்த்துகள் !
தொடருங்கள் .

ரமணியன்

நன்றி, மிக்க நன்றி ஐயா!

Sponsored content · Sponsored content

வரலாற்றில் இன்று - அக்டோபர்

வரலாற்றில் இன்று - அக்டோபர்

Re: வரலாற்றில் இன்று - அக்டோபர்

Re: வரலாற்றில் இன்று - அக்டோபர்

Re: வரலாற்றில் இன்று - அக்டோபர்

Re: வரலாற்றில் இன்று - அக்டோபர்

Re: வரலாற்றில் இன்று - அக்டோபர்

Re: வரலாற்றில் இன்று - அக்டோபர்

Re: வரலாற்றில் இன்று - அக்டோபர்

Re: வரலாற்றில் இன்று - அக்டோபர்

Re: வரலாற்றில் இன்று - அக்டோபர்

Re: வரலாற்றில் இன்று - அக்டோபர்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக