பண்டிகை காலத்தில் தாக்குதல் நடத்த ஐ.எஸ்., பயங்கரவாதிகள் திட்டம்!

ஈகரை தமிழ் களஞ்சியம் :: செய்திக் களஞ்சியம் :: தினசரி செய்திகள்

Page 1 of 1 •

பண்டிகை காலத்தில் தாக்குதல் நடத்த ஐ.எஸ்., பயங்கரவாதிகள் திட்டம்!

#1165685

krishnaamma
தலைமை நடத்துனர்: பதிவுகள் : 65836
இணைந்தது : 22/04/2010

Post krishnaamma Thu 1 Oct 2015 - 17:51

பண்டிகை காலத்தில் தாக்குதல் நடத்த ஐ.எஸ்., பயங்கரவாதிகள் திட்டம்! 04seWiGsTjODHKeVDddS+Tamil_News_large_135400720150930235527

புதுடில்லி:வரவிருக்கும், தசரா, தீபாவளி பண்டிகைகளின்போது, டில்லி மற்றும் ராஜஸ்தான் மாநிலங்களில், தாக்குதல் நடத்த, ஐ.எஸ்., பயங்கரவாதிகள் திட்டமிட்டுள்ளதாக,
உளவுத்துறை எச்சரித்துள்ளது.

இந்தியன் முஜாஹிதீன் பயங்கர வாத அமைப்புடன் கைகோர்த்துள்ள, ஐ.எஸ்., பயங்கரவாதிகள், இந்த பண்டிகை காலங்களில் தாக்குதல் நடத்த திட்டமிட்டுள்ளனர். இந்த அமைப்புகளைத் தவிர, லஷ்கர் - இ - தொய்பா மற்றும் ஜெய்ஸ் - இ - முகமது போன்ற பயங்கரவாத அமைப்புகளாலும், தாக்குதல் அபாயம் உள்ளதாக, டில்லி மற்றும் ராஜஸ்தான் மாநில போலீசாருக்கு, மத்திய உளவுத்துறையினர் எச்சரித்துள்ளனர்.

அத்துடன், கள்ள நோட்டுகளை புழக்கத்தில் விட, நிழலுலக தாதா தாவுத் இப்ராஹிம் மற்றும் கள்ள நோட்டு மன்னன் இக்பால் கான் திட்டமிட்டு உள்ளதாகவும், எச்சரிக்கப்பட்டு உள்ளது. பீகாரில் நடைபெறவுள்ள தேர்தலின் போது, 1,000 முதல், 1,500 கோடி ரூபாய் வரையில், 100, 500 ரூபாய் கள்ள நோட்டுகள் வர வாய்ப்புள்ளதாக, உளவுத்துறை எச்சரித்துள்ளது.

இந்த அச்சுறுத்தல் காரணமாக, பண்டிகை காலத்தில், டெபிட் மற்றும் கிரெடிட் அட்டைகளை பயன்படுத்தவும், அதிகளவில் பணம் கொடுக்கல், வாங்கலின் போது கவனமாக இருக்கும்படியும் டில்லிவாசிகளை ரிசர்வ் வங்கி அறிவுறுத்திஉள்ளது.

தினமலர்