ஹஜ் புனித யாத்திரை நெரிசலில் சிக்கி உயிரிழந்தோர் எண்ணிக்கை 453 ஆக உயர்வு: பிரதமர் மோடி இரங்கல்!

புதுடெல்லி,

ஹஜ் புனித யாத்திரை நெரிசலில் சிக்கி உயிரிழந்தோர் எண்ணிக்கை 453 ஆக அதிகரித்துள்ளது.

சவுதி அரேபியாவில் உள்ள புனித நகரான மெக்காவில் இந்த ஆண்டுக்கான ‘ஹஜ்’ பயணம் இன்று தொடங்கியது. இன்று ஹஜ் புனித வழிபாட்டிற்கு 20 லட்சம் பேர் மொத்தமாக குவிந்தது காரணமாக மெக்கா மசூதி அருகே கடும் கூட்ட நெரிசல் ஏற்பட்டது.

மினாவில் சாத்தான் சுவர் மீது கல்லெறியும் நிகழ்ச்சியின் போது கூட்ட நெரிசல் ஏற்பட்டது என்று தெரிவிக்கப்பட்டு உள்ளது. இந்த சம்பவத்தில் பலியானோர் எண்ணிக்கை 453 ஆக அதிகரித்துள்ளது. கூட்ட நெரிசலில் சிக்கி 719 பேர் படுகாயம் அடைந்ததாக சவுதி அரேபியா அரசு தெரிவித்துள்ளது. மீட்பு பணிகள் துரிதப்படுத்தப்பட்டு முழு வீச்சில் நடைபெற்று வருகின்றன.

ஹஜ் புனித யாத்திரையின் போது ஏற்பட்ட நெரிசலில் சிக்கி உயிரிழந்தோருக்கு பிரதமர் மோடி இரங்கல் தெரிவித்துள்ளார். இது குறித்து தனது டுவிட்டரில் பிரதமர் மோடி வெளியிட்டுள்ள பதிவில், மெக்காவில் ஏற்பட்ட சம்பவம் மிகவும் வருத்தமளிக்கிறது. நெரிசலில் சிக்கி ஏராளாமானோர் இறந்தது வேதனை அளிக்கிறது.

உயிரிழந்தவர்களின் குடும்பத்தினருக்கு ஆழ்ந்த இரங்கலை தெரிவித்துக்கொள்கிறேன். காயம் அடைந்தவர்கள் விரைவில் குணம் அடைய இறைவனிடம் பிரார்த்திக்கிறேன்” இவ்வாறு அதில் தெரிவித்துள்ளார்.

அதேபோல், காங்கிரஸ் தலைவர் சோனியா காந்தியும் இரங்கல் செய்தி வெளியிட்டுள்ளார். சோனியா காந்தி வெளியிட்டுள்ள இரங்கல் செய்தியில்,மெக்கா விபத்தில் படுகாயமடைந்தவர்கள் விரைவில் குணமடையவும், இந்தியர்கள் பத்திரமாக இருப்பதற்கும் இறைவனை வேண்டுவதாகவும் அவர் குறிப்பிட்டுள்ளார்.

ஹஜ் புனித யாத்திரையில் இதற்கு முன்பாக 6 முறை கூட்ட நெரிசல் ஏற்பட்டிருக்கிறது. இதில் நூற்றுக்கணக்கானோர் பலியாகியுள்ளனர். 1990-ம் ஆண்டு 1,400 பேர் பலியானது குறிப்பிடத்தக்கது


தினத்தந்தி

இதுவரை பலியானவர்கள் பற்றிய விபரங்கள் தெரியாமல் இருந்த நிலையில், பலியானவர்களில் 3 பேர் இந்தியர்கள் என்று கூறப்படுகிறது. ஆந்திராவை சேர்ந்த பி.பி. ஜான் என்ற 60 வயது முதியவர் ஒருவர் பலியானது உறுதி செய்யப்பட்டுள்ளது. அதேபோல் கேரள மாநிலத்தின் கொடுங்கலூரை சேர்ந்த முகமது என்பவரும் பலியானதாக அடையாளம் காணப்பட்டுள்ளது. மேலும் ஒருவரை அடையாளம் காணும் முயற்சி நடைபெற்று வருகிறது.
-
நெரிசலில் சிக்கியவர்கள் பற்றிய தகவல்களை தெரிந்துகொள்ள 0096 6125 458 000 மற்றும் 0096 6125 496 000 ஆகிய உதவி எண்கள் அறிவிக்கப்பட்டுள்ளன.
-
தினமணி

ஆழ்த்த இரங்கல்கள் .