பணம் கொடுக்காததால் ஆத்திரம்: ஓடும் ரயிலில் பயணியை தள்ளிவிட்டு கொன்ற திருநங்கைகள்!

**ayyasamy ram** · **ayyasamy ram** Wed Sep 23, 2015 6:54 am

காகுளம் (ஆந்திரா):
பணம் கொடுக்காததால் ஆத்திரமடைந்த திருநங்கைகள்,
ஓடும் ரயிலில் இருந்து 2 பயணிகளை கீழே தள்ளி விட்டதில்
ஒருவர் சம்பவ இடத்திலேயே பரிதாபமாக உயிரிழந்தார்.
மற்றொருவர் பலத்த காயமடைந்தார். இந்த பயங்கர
சம்பவம் ஆந்திராவில் நடந்துள்ளது.

ஆந்திர மாநிலம் காகுளம் மாவட்டம், டெக்கலியை
அடுத்துள்ள நாபடா ரயில் நிலையம் அருகே மங்களூரு-
சத்ரகச்சி இடையிலான விவேக் எக்ஸ்பிரஸ் ரயில் நேற்று
காலை சென்று கொண்டிருந்தது.

அப்போது திருநங்கைகள் சிலர் பயணிகளிடம் பணம்
கேட்டுக் கொண்டிருந்ததாக கூறப்படுகிறது. பணம்
கொடுக்க மறுத்தவர்களை அவர்கள் அடித்ததாகவும்
தெரிகிறது.

ஒடிசா மாநிலம், நயாகட் மாவட்டத்தைச் சேர்ந்த
பூர்ணசந்திர சஹு (45) என்பவரிடமும் திருநங்கைகள்
பணம் கேட்டு தொந்தரவு செய்துள்ளனர். அவர் பணம்
கொடுக்க மறுத்ததால் அவர்களுக்குள் வாய் தகராறு
ஏற்பட்டுள்ளது. அப்போது, பூர்ண சந்திர சஹுவை
திருநங்கைகள் ஓடும் ரயிலில் இருந்து கீழே தள்ளி
உள்ளனர். இதில் சம்பவ இடத்திலேயே அவர் உயிரிழந்தார்.

மேலும் பணம் கொடுக்காத மற்றொரு பயணியான ஒடிசா
மாநிலத்தைச் சேர்ந்த பகீர் பெஹ்ரூ என்பவரையும் அடித்து
காயப்படுத்தியதுடன், அவரை கீழே தள்ளிவிட்ட
திருநங்கைகள், அடுத்த ரயில் நிலையத்தில் இறங்கி தப்பி
ஓடிவிட்டனர்.

இதுகுறித்து சக பயணிகள் டெக்கலி ரயில் நிலைய காவல்
துறையினரிடம் தகவல் தெரிவிக்கவே, சம்பவ இடத்துக்கு
விரைந்து சென்ற ரயில்வே போலீஸார், பூர்ணசந்திர சஹுவின்
உடலை கைப்பற்றியதோடு, காயமடைந்த மற்றொரு பயணிக்கு
முதலுதவி சிகிச்சை அளித்தனர்.

இந்த சம்பவம் குறித்து டெக்கலி ரயில்வே காவல்துறையினர்
வழக்குப் பதிவு செய்து தப்பியோடிய திருநங்கைகளை தேடி
வருகின்றனர்.
-
----------------------------------
விகடன்.காம்

**T.N.Balasubramanian** · **T.N.Balasubramanian** Wed Sep 23, 2015 7:36 am

வன்முறை வரைமுறையின்றி அரங்கேறுகிறது .

might is right என்று , சக்தி உள்ளவர்கள் கூட்டம், அடாவடியாக அவலச்செயல்களில்
ஈடுபடுவது , அதிகரித்து வருகிறது .

ரமணியன்

**M.Jagadeesan** · **M.Jagadeesan** Wed Sep 23, 2015 8:09 am

ரயில்களில் திருநங்கைகளின் அட்டகாசம் அதிகரித்துவிட்டது. RPF என்ன செய்கிறது ?

anikuttan · anikuttan Wed Sep 23, 2015 8:15 am

ரயில்களில் திருநங்கைகள்,பிச்சை எடுப்பவர்கள் ,என்று யாரையும் அனுமதிக்காமல் இருப்பது மிகவும் நன்று.இந்த தொந்தரவால் நான் ரயில் பயணத்தையே நிறுத்தி விட்டேன் .

**ராஜா** · **ராஜா** Wed Sep 23, 2015 11:58 am

சில வருடங்களுக்கு முன் வடமாநில இரயில்களில் காணப்படும் இந்த திருநங்கைகளின் தொந்தரவு இப்ப நம்ம ஊர் இரயில்களில் கூட ஆரம்பித்துவிடுகிறது.

நான் போனமாதம் மயிலாடுதுறை <-> திருச்ஹ்சி இரயில்களில் செல்லும் போதெல்லாம் இவர்களுக்கு காசு கொடுத்துருக்கிறேன். ஓரிரு தடவை சில்லறை இல்லை என்று சொன்னபோது கூட அமைதியாக சென்றுவிட்டார்கள் , ஆனால் இங்கும் கூடியவிரைவில் ஆந்திராவில் நடைபெற்றது போல நிகழும் முன் இரயில் காவல்துறை நடவடிக்கை எடுக்க வேண்டும்

mbalasaravanan · mbalasaravanan Wed Sep 23, 2015 4:35 pm

கந்து வட்டி காரன் கூட பணம் குடுத்துட்டு தான் தரலைன்னு கொல்றான் ஆனா இவங்க

shobana sahas · shobana sahas Thu Sep 24, 2015 4:00 am

Sponsored content · Sponsored content

பணம் கொடுக்காததால் ஆத்திரம்: ஓடும் ரயிலில் பயணியை தள்ளிவிட்டு கொன்ற திருநங்கைகள்!

பணம் கொடுக்காததால் ஆத்திரம்: ஓடும் ரயிலில் பயணியை தள்ளிவிட்டு கொன்ற திருநங்கைகள்!

Re: பணம் கொடுக்காததால் ஆத்திரம்: ஓடும் ரயிலில் பயணியை தள்ளிவிட்டு கொன்ற திருநங்கைகள்!

Re: பணம் கொடுக்காததால் ஆத்திரம்: ஓடும் ரயிலில் பயணியை தள்ளிவிட்டு கொன்ற திருநங்கைகள்!

Re: பணம் கொடுக்காததால் ஆத்திரம்: ஓடும் ரயிலில் பயணியை தள்ளிவிட்டு கொன்ற திருநங்கைகள்!

Re: பணம் கொடுக்காததால் ஆத்திரம்: ஓடும் ரயிலில் பயணியை தள்ளிவிட்டு கொன்ற திருநங்கைகள்!

Re: பணம் கொடுக்காததால் ஆத்திரம்: ஓடும் ரயிலில் பயணியை தள்ளிவிட்டு கொன்ற திருநங்கைகள்!

Re: பணம் கொடுக்காததால் ஆத்திரம்: ஓடும் ரயிலில் பயணியை தள்ளிவிட்டு கொன்ற திருநங்கைகள்!

Re: பணம் கொடுக்காததால் ஆத்திரம்: ஓடும் ரயிலில் பயணியை தள்ளிவிட்டு கொன்ற திருநங்கைகள்!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக