இதற்குத்தானே ஆசைப்பட்டாய் பாலகுமாரா ?

**M.Jagadeesan** · **M.Jagadeesan** Tue Sep 22, 2015 9:31 am

பளிங்கு சுவர்களில் முகம் பார்க்கலாம்
ஆனால் குழந்தையின்
கிறுக்கல்களைத் தாங்கிய சுவர்கள்தான்
அவனோடு பேசுகின்றன !

அடுக்கி வைத்த வெள்ளிப் பாத்திரங்களைக் காட்டிலும்
குழந்தையால்
ஒடுக்கு விழுந்த பாத்திரங்களே அவனுக்கு அழகாகத் தெரிகின்றன !

Expiry Date முடியாமல் இருந்தும்
மீண்டும் மீண்டும் வாங்கப்படும்
Paracetamol பாட்டில்களும் ,
Cough Syrup பாட்டில்களும்
ஜன்னல் ஓரத்தில் அணிவகுத்து நிற்கின்றன !

சக்கரங்கள் இல்லாத கார் பொம்மைகள் ,
இறக்கைகள் இல்லாத ஹெலி காப்டர்கள்
பிள்ளையார் சதுர்த்திக்கு வாங்கிய குடை
பிய்த்த நிலையில் குப்பைக் கூடையில்

திருகி விடப்பட்ட குழாயிலிருந்து
பெருகி ஓடும் தண்ணீர் !
மூட மறந்த குழந்தையின் முதுகிலே
தாயின் அர்ச்சனை !
வீரிட்டு அழும் குழந்தையின் அழுகையொலி
வீணையின் நாதமாய் அவனுக்குக் கேட்கின்றன !

கோடிகள் செலவு செய்து , கோயில் குளமென்று
ஓடியோடித் தவமிருந்து பெற்ற குழந்தை !

அழுத குழந்தையை அள்ளிச்சென்று
தொழுத கையுடன் முருகனுக்கு நன்றி கூற

இதற்குத்தானே ஆசைப்பட்டாய் பாலகுமாரா ?
என்பதுபோல் சிரித்தான் பால முருகன் !

**krishnaamma** · **krishnaamma** Tue Sep 22, 2015 9:47 am

கோடிகள் செலவு செய்து , கோயில் குளமென்று
ஓடியோடித் தவமிருந்து பெற்ற குழந்தை !

அழுத குழந்தையை அள்ளிச்சென்று
தொழுத கையுடன் முருகனுக்கு நன்றி கூற

இதற்குத்தானே ஆசைப்பட்டாய் பாலகுமாரா ?
என்பதுபோல் சிரித்தான் பால முருகன் !

அருமை அருமை அருமை ஐயா புன்னகை