இந்திய கிரிக்கெட் வாரிய தலைவர் ஜக்மோகன் டால்மியா மரணம்!

**ayyasamy ram** · **ayyasamy ram** Mon Sep 21, 2015 7:54 am

-
கொல்கத்தா,

இந்திய கிரிக்கெட் வாரிய தலைவரும் தொழிலதிபருமான
ஜக்மோகன் டால்மியா நேற்று மரணம் அடைந்தார்.
அவருக்கு வயது 75.

**krishnaamma** · **krishnaamma** Tue Sep 22, 2015 11:58 am

இந்திய கிரிக்கெட் வாரிய தலைவர் ஜக்மோகன் டால்மியா மரணம்! SlJX4tx0RcKQNtGywwxC+Sourav-Ganguly-M_4

புதுடில்லி: கிரிக்கெட் ரசிகர்களிடம் இருந்து நிரந்தரமாக விடைபெற்றார் டால்மியா. அரசு மரியாதையுடன் இவரது உடல் தகனம் செய்யப்பட்டது.

இந்திய கிரிக்கெட் போர்டு (பி.சி.சி.ஐ.,) தலைவராக இருந்தவர் கோல்கட்டாவின் ஜக்மோகன் டால்மியா, 75. கிரிக்கெட்டை பணம் கொழிக்கும் விளையாட்டாக மாற்றிய பெருமை இவருக்கு உண்டு. கடந்த 17ம் தேதி இவருக்கு திடீரென நெஞ்சுவலி ஏற்பட்டது. கோல்கட்டா பி.எம்.பிர்லா இருதய ஆராய்ச்சி மைய மருத்துவமனையில் அனுமதிக்கப்பட்ட இவருக்கு, ‘ஆஞ்சியோகிராபி’ முறையில் சிகிச்சை அளிக்கப்பட்டது. நேற்று முன்தினம் கடுமையான மாரடைப்பு ஏற்பட்டது. இதிலிருந்து மீள முடியாத நிலையில், டால்மியாவின் உயிர் பிரிந்தது.

இறுதி அஞ்சலி:

நேற்று மதியம் 12.15 மணி அளவில் டால்மியாவின் உடலை அவரது வீட்டில் இருந்து கோல்கட்டா ஈடன் கார்டன் மைதானத்துக்கு சிறப்பு வாகனத்தின்மூலம் கொண்டு வந்தனர். இங்கு, முன்னாள் கேப்டன் கங்குலி, மேற்கு வங்க முதல்வர் மம்தா பானர்ஜி, பி.சி.சி.ஐ., செயலர் அனுராக் தாகூர், ஐ.சி.சி., சேர்மன் சீனிவாசன், முன்னாள் பி.சி.சி.ஐ., தலைவர் சரத் பவார், பிரிமியர் லீக் தலைவர் ராஜிவ் சுக்லா மற்றும் பெங்கால் கிரிக்கெட் சங்கத்தினர் மலர் வளையம் வைத்து இறுதி அஞ்சலி செலுத்தினர்.

பின் மாலை 3 மணி அளவில் 10 கோல்கட்டா போலீசார் அணிவகுத்து நின்று, முதல்வர் மம்தா பானர்ஜி முன்னிலையில் மூன்று சுற்று துப்பாக்கி குண்டுகள் முழங்க அரசு மரியாதை செலுத்தினர். அதன்பின் அவரது உடல் மூவர்ணக் கொடியால் போர்த்தப்பட்டு 4 மணி அளவில் கியோரடலா மயானத்துக்கு கொண்டு வரப்பட்டது. அங்கு டால்மியாவின் உடல் தகனம் செய்யப்பட்டது.

கண்தானம்

மறைந்த ஜக்மோகன் டால்மியா, 75, கண்களை தானம் செய்துள்ளார். இவரது கண்கள் கோல்கட்டாவில் உள்ள சுஸ்ருத் கண் அறக்கட்டளை மற்றும் ஆராய்ச்சி நிறுவனத்தின் வன்முக்தா கண் வங்கிக்கு தானமாக கொடுக்கப்பட்டது.

இதுகுறித்து பி.சி.சி.ஐ., வெளியிட்ட செய்தியில், ‘‘கண்தானம் குறித்த விழிப்புணர்வு நிகழ்ச்சியில் பங்கேற்ற டால்மியா, தனது கண்களை தானம் செய்துள்ளார். இதன்மூலம் மரணத்துக்கு பின்னும் இந்த உலகை காணலாம் என்பதை நிரூபித்துவிட்டார்,’’ என தெரிவிக்கப்பட்டது.

ரவி சாஸ்திரி வருகை

பெங்களூருவில் இந்திய வீரர்களுக்கான பயிற்சி முகாமில் பங்கேற்று வரும் இயக்குனர் ரவி சாஸ்திரி, பி.சி.சி.ஐ., செயலர் அனுராக் தாகூருடன் டால்மியாவின் வீட்டுக்கு சென்று அஞ்சலி செலுத்தினார். பின் பயிற்சி முகாமில் பங்கேற்பதற்காக பெங்களூரு புறப்பட்டு சென்றார்.

இந்திய கிரிக்கெட் வாரிய தலைவர் ஜக்மோகன் டால்மியா மரணம்!

இந்திய கிரிக்கெட் வாரிய தலைவர் ஜக்மோகன் டால்மியா மரணம்!

கண்ணணீர் மல்க ‘விடைபெற்றார்’ டால்மியா!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக