இயற்கை என்னும் இளைய கன்னி

திருத்தணி

திருத்தணி

திருத்தணி

திருத்தணி

திருத்தணி

திருத்தணி

திருத்தணி

படங்கள் அருமை அய்யா . பயணத்தை பற்றி ஒண்ணு இரண்டு வரிகள் எழுதுங்கள் அய்யா (முடிந்தால் .... கோபிச்சுகாதீங்க).

-

shobana sahas wrote:படங்கள் அருமை அய்யா . பயணத்தை பற்றி ஒண்ணு இரண்டு வரிகள் எழுதுங்கள் அய்யா (முடிந்தால் .... கோபிச்சுகாதீங்க).

மேற்கோள் செய்த பதிவு: 1186496

மிக்க நன்றி
இரண்டுவரிகள் அல்ல கொஞ்சம் விரிவாகவே சொல்லுகிறேன்.

மிகச்சிறுவயது முதல் எனக்கு புகை பிடிக்கும் பழக்கம் இருந்தது.
முப்பத்து ஐந்து வயதில் 1990 ல்
எனக்கு நெஞ்சுவலி (angina )வந்தது ,
அத்துடன் anxiety ப்ரோப்ளேமும் சேர்ந்து கொண்டது.
கொஞ்ச தூரம்கூட நடக்க முடியாமல் அவதிப்பட்டேன்
மருத்துவர் ஆலோசனைப்படி புகை பழக்கத்தை உடனே விட்டு விட்டேன்.

1998 ல் சர்க்கரை நோயும் பிற உபாதைகளும் சேர்ந்து கொண்டன.
மருந்து மாத்திரைகளால் பயன் இல்லை.
மருத்துவர் ஆலோசனைப்படி தியானம் கற்றுக்கொண்டேன்.
வேதாத்திரி மகரிஷியின் மனவளக்கலை மன்றத்தின் கிளை ஒன்று
சைதாபேட்டையில் உள்ளது. 1998 ம்ஆண்டு ஆறு மாதகாலம் பயிற்சி செய்தேன்.

மாத்திரைகளுக்குக் கட்டுப்படாத அனைத்து உபாதைகளும் தியானம் செய்வதன் மூலம்
கட்டுப் பாட்டுக்குள் வந்தன.
இருப்பினும் மருத்துவத்தினை தொடரும் படி மருத்துவர் ஆலோசனை வழங்கினார்.
இன்றுவரை அதை தொடர்கிறேன்.
தியானம் செய்வதன் மூலம் எனக்குள் நிகழ்ந்த மாற்றம் என்னவென்றால்
நடக்க முடியாமல் இருந்த நான் யாருடைய துணையும் இன்றி எங்கு வேண்டுமானாலும் செல்லலாம்
என்ற நம்பிக்கை ஏற்பட்டது.
தியானம் செய்யும் பொழுது என் மனத்திரையில் சில அகக் காட்சிகள் தோன்றின.அவைகளைப் படங்களாக
வரைந்து சிலவற்றை மனவளக் கலை மன்றத்தில் காட்டினேன்
அவர்கள் அக்காட்சிகளில் கவனம் செலுத்த வேண்டாம் என்று அறிவுறுத்தினார்கள்.
என் அருமை நண்பர் N S . வள்ளுவன் அவர்களின் ஆலோசனைப்படி அவைகளை படங்களாக
ஒரு நோட்டுப் புத்தகத்தில் வரைந்து வைத்தேன்.

என்னை அலுவலகத்தில் சந்திக்க வந்த ஒரு துறவி என்னுடைய படங்களைப் பார்த்துவிட்டு ஆறாம் திருமுறையை படியுங்கள் என்று சொல்லிவிட்டுப் போனார். அது என்மனதில் திருமுறை என்பதற்குப் பதிலாக திருமந்திரம் எனப் பதிவாகிவிட்டது
திருமந்திரம் படிக்க ஆரம்பித்தேன் அதில் சில பாடல்கள் என்னைப் பெரிதும் கவர்ந்தன. அவை மனதில் பதிந்து விட்டன. அப்பாடல்களுக்கும் நான் வரைந்த அகக் காட்சிகளுக்கும் சம்மந்தம் இருப்பதாக உணர்ந்தேன். அப்பாடல்களை படங்களுக்கு கீழாகப் பதிவு செய்தேன்.

தியானம் செய்வதால் உடலில் ஆற்றல் அதிகம் ஆவதை
உணர்ந்து நடக்க முடியாத நிலையில் இருந்த நான் எங்காவது வெளியில் செல்லலாம் என்று முடிவு செய்தேன். என்னை சந்திக்க வந்த அன்பர் ஒருவர் வேளச்சேரியில் உள்ள தண்டீஸ்வரர் ஆலயம்
செல்லுமாறு என்னிடம் சொன்னார்.
சிறுவயது முதல் எனக்கு மதம் சம்மந்தப் பட்ட புராணம் மற்றும் இறை தத்துவம் எதிலும் உடன்பாடு கிடையாது. ஆனால் எனக்குள் ஒரு இறை தேடல் இருந்து கொண்டே இருந்தது.
மனிதர்களில் பெரும்பாலானவர்கள் நாடும் கோவிலுக்குச் செல்லலாம் என்று முடிவு செய்து சென்னை மற்றும் அதன் சுற்றுப் புறக் கோவில்களுக்கு செல்ல ஆரம்பித்தேன்
சுமார் ஐம்பது கோவில்கள், சில ஜீவசமாதிகள் ஆகிவற்றைப் பார்வையிட்டேன். அத்துடன் அவைகளை புகைப் படங்களாகவும். கானோளி களாகவும் பதிவு செய்து இணையத்தில் பகிர்ந்து வருகிறேன் .