மழலை இன்பம் .

**M.Jagadeesan** · **M.Jagadeesan** Mon Sep 07, 2015 7:11 pm

First topic message reminder :

[You must be registered and logged in to see this image.]

குழலினிது யாழினிது என்பதம் மக்கள்
மழலைச்சொல் கேளா தவர் . ( மக்கட்பேறு- 66)

பொருள் : குழந்தைப் பேறு இல்லாதவர்கள்தான் , அவர்களின் மழலை இன்பத்தைக்
கேட்காதவர்கள்தான் , குழலோசை இனிது, யாழோசை இனிது என்று சொல்லிக்கொண்டு இருப்பார்கள் .

நுட்ப உரை :
==========
குழல் - கண்ணன் கையில் இருப்பது . யாழ் - சரஸ்வதியின் கையில் இருப்பது . எனவே இன்பமான இல்வாழ்க்கைக்கு , ஆண் ஒன்று , பெண் ஒன்று இருந்தால் போதும் . " தம் மக்கள் ' என்று ஏன் சொல்லவேண்டும் ? பக்கத்து வீட்டுக் குழந்தை , எதிர் வீட்டுக் குழந்தை மழலை பேசினாலும் இன்பமாகத்தான் இருக்கும் ; ஆனாலும் நாம் பெற்ற குழந்தையின் மழலையைக் கேட்கின்ற சுகமே அலாதிதான் . எனவேதான் " தம்மக்கள் " என்றார்.

**M.Jagadeesan** · **M.Jagadeesan** Thu Sep 17, 2015 3:53 pm

வறட்சி
=======

[You must be registered and logged in to see this image.]

விண்ணின்று பொய்ப்பின் விரிநீர் வியனுலகத்து
உள்நின்று உடற்றும் பசி. ( வான்சிறப்பு -13 )

பொருள் :
=======
மழை பெய்யாமல் பொய்க்குமானால் , கடல்நீரால் சூழ்ந்த இந்நில உலகத்தில் , பசியானது நிலைத்து நின்று உயிர்களைத் துன்புறுத்தும் .

சிறப்பு உரை:
==========
இந்த உலகம் , கடலால் சூழப்பட்டு இருந்தாலும் , அக்கடலால் எந்தப் பயனும் இல்லை . உப்பு நீரை விவசாயத்திற்குப் பயன்படுத்த முடியாது . குடிப்பதற்கும் பயன்படுத்த முடியாது . அந்தக் கடல் கூட , மழையை நம்பித்தான் இருக்கிறது என்று மற்றொரு குறளில் கூறுவார் .

**krishnaamma** · **krishnaamma** Thu Sep 17, 2015 4:49 pm

M.Jagadeesan wrote:
krishnaamma wrote:குறளும் கருத்தும் அருமை........அந்த இறைவனின் பாதங்களின் அளவு................ஆஹா !..அற்புதம் அற்புதம்...........எந்த இடத்தில் இருக்கும் சிலை ஐயா அது?.....விவரம் ஏதும் தெரியுமா?
[You must be registered and logged in to see this link.]

படம் இணையத்திலிருந்து எடுத்தது . சிலையைப் பற்றிய விவரம் அதில் குறிப்பிடவில்லை .

ம்ம்...சரி ஐயா புன்னகை

சசி · சசி Tue Sep 22, 2015 7:06 pm

இந்த அனைத்தும் அருமையாக உள்ளது ஐயா

**M.Jagadeesan** · **M.Jagadeesan** Tue Sep 22, 2015 8:08 pm

புலால் மறுத்தல்
=============

[You must be registered and logged in to see this image.]

அவிசொரிந்து ஆயிரம் வேட்டலின் ஒன்றன்
உயிர்செகுத்து உண்ணாமை நன்று . ( புலால் மறுத்தல் – 259 )

பொருள் : தீயிலே நெய் முதலிய அவிகளைச் சொரிந்து ஆயிரம் யாகங்களைச் செய்வதைவிட , ஒரு விலங்கின் உயிரைப்போக்கி அதன் மாமிசத்தை உண்ணாமல் இருப்பது நல்லது .

சிறப்புரை : இந்த நீதி துறவிகளுக்குச் சொல்லப்பட்டது . துறவிகள் கண்டிப்பாகப் புலால் உண்ணக்கூடாது . இல்லறத்தான் உண்பதும் , உண்ணாமல் இருப்பதும் அவனுடைய விருப்பம் .அதுபற்றி வள்ளுவர் ஏதும் குறிப்பிடவில்லை .

**M.Jagadeesan** · **M.Jagadeesan** Tue Sep 22, 2015 8:53 pm

இரவச்சம்
========

[You must be registered and logged in to see this image.]

தெண்ணீர் அடுபுற்கை ஆயினும் தாள்தந்தது
உண்ணலின் ஊங்கினியது இல் . ( இரவு அச்சம் – 1065 )

பொருள் : தண்ணீர் போன்ற கூழாக இருந்தாலும் , தன்னுடைய சொந்த உழைப்பில் வந்தது என்றால் , அதைவிட இனிய உணவு எதுவுமில்லை .

சிறப்புரை : அடுத்தவன் உழைப்பிலே வந்த அறுசுவை உணவை உண்பதைவிட , தன் சொந்த உழைப்பிலே வந்த உணவு , கூழாக இருந்தாலும் , அது மேலானது ஆகும் .

**T.N.Balasubramanian** · **T.N.Balasubramanian** Wed Sep 23, 2015 7:12 am

M.Jagadeesan wrote:இரவச்சம்
========

[You must be registered and logged in to see this image.]

தெண்ணீர் அடுபுற்கை ஆயினும் தாள்தந்தது
உண்ணலின் ஊங்கினியது இல் . ( இரவு அச்சம் – 1065 )

பொருள் : தண்ணீர் போன்ற கூழாக இருந்தாலும் , தன்னுடைய சொந்த உழைப்பில் வந்தது என்றால் , அதைவிட இனிய உணவு எதுவுமில்லை .

சிறப்புரை : அடுத்தவன் உழைப்பிலே வந்த அறுசுவை உணவை உண்பதைவிட , தன் சொந்த உழைப்பிலே வந்த உணவு , கூழாக இருந்தாலும் , அது மேலானது ஆகும் .

[You must be registered and logged in to see this link.]

சிறப்புரை மகிழ்ச்சி

முற்றிலும் உண்மை .

ரமணியன்

**ayyasamy ram** · **ayyasamy ram** Wed Sep 23, 2015 7:29 am

**M.Jagadeesan** · **M.Jagadeesan** Wed Sep 23, 2015 12:57 pm

சுற்றம் தழால்
===========

[You must be registered and logged in to see this image.]

காக்கை கரவா கரைந்துண்ணும் ஆக்கமும்
அன்ன நீரார்க்கே உள. ( 527)

பொருள் : காக்கைகள் இரையைக் கண்டபோது ,மறைக்காது , தன் இனத்தை அழைத்து அவைகளோடு சேர்ந்து உண்ணும் . அதுபோல , சுற்றத்தாரோடு இன்ப துன்பங்களைப் பகிர்ந்துகொள்ளும் ஒருவனுக்கே செல்வமும் உண்டாகும் .

**M.Jagadeesan** · **M.Jagadeesan** Wed Sep 23, 2015 7:28 pm

குற்றங்கடிதல்
============

[You must be registered and logged in to see this image.]

வருமுன்னர்க் காவாதான் வாழ்க்கை எரிமுன்னர்
வைத்தூறு போலக் கெடும் . ( 435 )

பொருள் : குற்றம் வருவதற்கு முன்பாகக் காத்துக் கொள்ளாத அரசனுடைய வாழ்க்கை , எரிமுகத்து நின்ற வைக்கோல் போர் போல அழிந்துவிடும் .

பொருட்பாலில் அரசனுக்குக் கூறப்பட்டக் கருத்துக்களில் பெரும்பாலான கருத்துக்கள் , தனிமனிதனுக்கும் பொருந்தும் . இக்குறளும் அத்தன்மைத்தே .

shobana sahas · shobana sahas Thu Sep 24, 2015 2:01 am

அனைத்தும் அருமை அய்யா . படங்களுடன் குறள் அருமை .

Sponsored content · Sponsored content

மழலை இன்பம் .

மழலை இன்பம் .

Re: மழலை இன்பம் .

Re: மழலை இன்பம் .

Re: மழலை இன்பம் .

Re: மழலை இன்பம் .

Re: மழலை இன்பம் .

Re: மழலை இன்பம் .

Re: மழலை இன்பம் .

Re: மழலை இன்பம் .

Re: மழலை இன்பம் .

Re: மழலை இன்பம் .

Re: மழலை இன்பம் .

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக