கூட்டாஞ்சோறு

சசி · சசி Mon Sep 07, 2015 9:08 am

கையளவு மண்ணெடுத்து
கடலளவு
வீடு கட்டி
சந்தோஷம் எனும் வாசல் வைத்து
சகோதரத்துவம் எனும் சன்னல் வைத்து
குறும்பு எனும் அறைகள் வைத்து
கோபம் எனும் பின் வாசல் வைத்து

மகிழ்ந்த காலம் எங்கே??

குறும்புகளோடு கூட்டம் கூட்டமாக
கூட்டாஞ்சோறு சமைத்து
பூவரசம் இலைகளில் பந்தி வைத்து
பரிமாறிய காலம் எங்கே??

பாசத்தோடு பால்சோறு பகிர்ந்து உண்ணும் காலம் எங்கே??

இப்பொழுதும் பசுமையான நினைவுகளால் பதிந்து உள்ளது!!

தற்பொழுது உள்ள குழந்தைகள்

கணிப்பொறியில் காய் நகர்த்தி
காதலையும் சபலத்தையும் சேர்ந்தே பெறுகின்றனர்!!

ஆக்கப்பூர்வமான வழிகள் ஆயிரம்
இருந்தாலும்
ஆசுவாசபடுத்தாமல்

பரபரப்பாய் பாழும் கிணற்றில் விழுந்து விடுகின்றனர்!!

தவறு குழந்தைகளுடையது அல்ல!!

காலத்தின் கட்டாயத்திற்காக
நமது குழந்தைகளை பாசத்தோடும்
பரிவோடும்
சகோதரத்துவத்தோடும்
பகிர்ந்து உண்ணுவும்
நாம் தான் கற்றுக் தர தவறிவிட்டோம்!!

நாமும் குழந்தைகளாவோம்!
குழந்தைகளோடு கூடி மகிழ்வோம்!

நாம் பெற்ற மகிழ்ச்சியை நமது குழந்தைகளுக்கும் கடத்துவோம்!

Namasivayam Mu · Namasivayam Mu Mon Sep 07, 2015 4:43 pm

வாழ்க வளமுடன் :வணக்கம்:

Namasivayam Mu · Namasivayam Mu Mon Sep 07, 2015 4:46 pm

கூட்டாஞ்சோறு ஆக்கிக்கிட்டு
கும்மாளம்தான் போட்டுக்கிட்டு
குழவிக்கல்லு பிள்ளைய ஒன்னு
குஷியாகப் பெத்துக்கிட்டு .....

**T.N.Balasubramanian** · **T.N.Balasubramanian** Mon Sep 07, 2015 4:56 pm

கவிதை அருமையாக இருக்கிறது சசி !
( உங்கள் profile படமும் கூட )

ரமணியன்

சசி · சசி Mon Sep 07, 2015 8:43 pm

நன்றி ஐயா

**M.Jagadeesan** · **M.Jagadeesan** Tue Sep 08, 2015 10:32 am

கவிதையின் கருத்து நன்று .

பழையனவற்றை விரும்புகின்ற அதே நேரத்தில் , புதிய கண்டுபிடிப்புகளையும் வரவேற்கக் கற்றுக் கொள்ளவேண்டும் .

பழையன கழிதலும் , புதியன புகுதலும்
வழுவல கால வகையினானே !

என்பது ஆன்றோர் மொழியன்றோ !

**krishnaamma** · **krishnaamma** Tue Sep 08, 2015 7:49 pm

//நாம் பெற்ற மகிழ்ச்சியை நமது குழந்தைகளுக்கும் கடத்துவோம்!// நிஜம் , இது தான் இப்போதிய பெற்றோர்களின் தலையாய கடமை புன்னகை

........நல்லா இருக்கு சசி புன்னகை

Sponsored content · Sponsored content

கூட்டாஞ்சோறு

கூட்டாஞ்சோறு

Re: கூட்டாஞ்சோறு

Re: கூட்டாஞ்சோறு

Re: கூட்டாஞ்சோறு

Re: கூட்டாஞ்சோறு

Re: கூட்டாஞ்சோறு

Re: கூட்டாஞ்சோறு

Re: கூட்டாஞ்சோறு

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக